ಮಥುರಾ: ‘ಇಲ್ಲಿನ ಬಾರ್ಸಾನಾ ಪ್ರದೇಶದ ಹಳ್ಳಿಯೊಂದರಲ್ಲಿ ವಿವಾಹಿತ ಮಹಿಳೆಯೊಬ್ಬರ ಮೇಲೆ ಮಂತ್ರವಾದಿಯೊಬ್ಬ ಅತ್ಯಾಚಾರವೆಸಗಿದ್ದಾನೆ’ ಎಂದು ಪೊಲೀಸರು ಶನಿವಾರ ತಿಳಿಸಿದರು.
‘ಗುರುವಾರ ಸಂತ್ರಸ್ತೆಯ ಗ್ರಾಮಕ್ಕೆ ತನ್ನ ಸಹಚರ ಸಂದೀಪ್‌ ಥೋಮರ್‌ನೊಂದಿಗೆ ಬಂದಿದ್ದ ಮಂತ್ರವಾದಿ ನರೇಂದ್ರ ಎಂಬಾತ ಗ್ರಾಮಸ್ಥರ ಮೇಲೆವಾಮಾಚಾರ ಮಾಡಿದ್ದಾನೆ. ಈ ಬಳಿಕ ಸಂತ್ರಸ್ತೆಗೆ ರಾತ್ರಿ ತನ್ನನ್ನು ಭೇಟಿಯಾಗುವಂತೆ ಹೇಳಿದ್ದಾನೆ. ಈ ವೇಳೆ ಆತ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿದ್ದಾನೆ’ ಎಂದು ಪೊಲೀಸರು ಮಾಹಿತಿ ನೀಡಿದರು.
‘ಮಹಿಳೆಯ ದೂರಿನ ಆಧಾರದ ಮೇಲೆ ಸಹಚರನನ್ನು ಬಂಧಿಸಲಾಗಿದೆ. ಆದರೆ ಮಂತ್ರವಾದಿ ಪರಾರಿಯಾಗಿದ್ದು, ಆತನ ಪತ್ತೆಗೆ ಶೋಧ ನಡೆಸಲಾಗುತ್ತಿದೆ. ಮಹಿಳೆಯನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗಿದೆ’ ಎಂದು ಪೊಲೀಸ್‌ ಅಧಿಕಾರಿ ಆಜಾದ್‌ ಪಾಲ್‌ ಸಿಂಗ್‌ ಅವರು ಹೇಳಿದರು.
