‘ರೂಪಾಂತರಿ ಕೊರೊನಾ ವೈರಾಣು ಹಳೆಯದಕ್ಕಿಂತಲೂ ಹೆಚ್ಚು ಮಾರಣಾಂತಿಕ. ಹೋದ ವರ್ಷ ಕೋವಿಡ್ ಪೀಡಿತರಲ್ಲಿ ‘ವೀನಸ್ ಟ್ರಾಂಬೊಮ್ಬಾಲಿಸಂ’ ಸಮಸ್ಯೆ ಕಂಡುಬರುತ್ತಿತ್ತು. ಶ್ವಾಸಕೋಶ, ಕಾಲು, ತೊಡೆಸಂಧು ಹಾಗೂ ತೋಳಿನ ರಕ್ತನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವುದು ಸಾಮಾನ್ಯವಾಗಿತ್ತು. ಹೋದ ವರ್ಷ ಹಿರಿಯ ನಾಗರಿಕರು, ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವವರು ಹೆಚ್ಚು ತೊಂದರೆ ಅನುಭವಿಸುತ್ತಿದ್ದರು. ಆದರೆ ಈಗ ಕೊರೊನಾ ನ್ಯುಮೋನಿಯಾ ಕಾಣಿಸಿಕೊಂಡಿದೆ. ಇದರಿಂದಾಗಿ ಯುವಕರೂ ಹೆಚ್ಚು ಅಪಾಯಕ್ಕೆ ಸಿಲುಕುತ್ತಿದ್ದಾರೆ. ಇದು ಆತಂಕಕಾರಿ’ ಎಂದು ಭಗವಾನ್ ಮಹಾವೀರ್ ಜೈನ್ ಆಸ್ಪತ್ರೆಯ ವೈದ್ಯ ಡಾ.ಫಾರೂಕ್ ಖಾನ್ ‘ಪ್ರಜಾವಾಣಿ’ಗೆ ತಿಳಿಸಿದರು.