ನಂಜನಗೂಡು: ನಗರದ ಇತಿಹಾಸ ಪ್ರಸಿದ್ಧ ಶ್ರೀಕಂಠೇಶ್ವರ ದೇವಾಲಯದ 21 ಹುಂಡಿಗಳಿಗೆ ಭಕ್ತರು ಹಾಕಿದ್ದ ಕಾಣಿಕೆಯನ್ನು ಶುಕ್ರವಾರ ಸಿಬ್ಬಂದಿ ಎಣಿಸಿದ್ದು, ದಾಖಲೆ ಪ್ರಮಾಣದ ₹ 2.15 ಕೋಟಿ ಸಂಗ್ರಹವಾಗಿದೆ.
108 ಗ್ರಾಂ ಚಿನ್ನ, 5.75 ಕೆ.ಜಿ ಬೆಳ್ಳಿ ಹಾಗೂ 29 ವಿದೇಶಿ ಕರೆನ್ಸಿಗಳು ಇದ್ದವು. ₹ 1 ಸಾವಿರ ಮುಖಬೆಲೆಯ 10 ಹಾಗೂ 500 ಮುಖ ಬೆಲೆಯ 64 ನಿಷೇಧಿತ ನೋಟುಗಳನ್ನೂ ಭಕ್ತರು ಹುಂಡಿಗೆ ಹಾಕಿದ್ದರು.
ಬ್ಯಾಂಕ್ ಅಫ್ ಬರೋಡ ಸಿಬ್ಬಂದಿ ಸೇರಿದಂತೆ ಸ್ವಸಹಾಯ ಸಂಘದ ಮಹಿಳೆಯರು, ದೇವಾಲಯದ ಸಿಬ್ಬಂದಿ ಸೇರಿ200 ಕ್ಕೂ ಹೆಚ್ಚು ಮಂದಿ ಎಣಿಕೆ ಕಾರ್ಯದಲ್ಲಿ ಪಾಲ್ಗೊಂಡರು.
