2020-21ನೇ ಸಾಲಿನ ಆರ್ಟಿಇ ಶುಲ್ಕ ಮರು ಪಾವತಿಗೆ ಬಜೆಟ್ನಲ್ಲಿ ₹ 550 ಕೋಟಿ ಮಂಜೂರಾಗಿದ್ದು, ಡಿ. 1ರವರೆಗೆ ಬಿಡುಗಡೆಯಾಗಿದ್ದ ₹ 412.50 ಕೋಟಿಯನ್ನು ಎಲ್ಲ ಜಿಲ್ಲೆಗಳಿಗೆ ಬಿಡುಗಡೆ ಮಾಡಿ, ಸಂಬಂಧಿಸಿದ ಖಾಸಗಿ ಅನುದಾನ ರಹಿತ ಶಾಲೆ ಗಳಿಗೆ ಶುಲ್ಕ ಮರುಪಾವತಿ ಮಾಡಲಾಗಿದೆ. ಇದೇ 10ರಂದು ₹ 137.50 ಕೋಟಿ ಅಂತಿಮ ಕಂತು ಬಿಡುಗಡೆ ಮಾಡಲಾಗಿದೆ. ಡಿ.11ರಂದೇ ಜಿಲ್ಲೆಗಳಿಗೆ ಹಂಚಿಕೆ ಮಾಡಿ, ಕೂಡಲೇ ಅರ್ಹ ಅನುದಾನರಹಿತ ಶಾಲೆಗಳಿಗೆ ಪಾವತಿಸುವಂತೆ ಎಲ್ಲ ಜಿಲ್ಲಾ ನಿರ್ದೇಶಕರಿಗೆ ಸೂಚಿಸಲಾಗಿದೆ.
