ಚಳಿಗಾಲದ ಕೂಟ: ಸ್ವರ್ಣ ಜಯಿಸಿದ ಕರ್ನಾಟಕದ ಭವಾನಿ

ಶ್ರೀನಗರ: ಕರ್ನಾಟಕದ ಅನುಭವಿ ಸ್ಕೀಯಿಂಗ್ ಪಟು ಭವಾನಿ ತೆಕ್ಕಡ ನಂಜುಂಡ ಅವರು, ಗುಲ್ಮಾರ್ಗ್ನಲ್ಲಿ ನಡೆಯುತ್ತಿರುವ ಖೇಲೊ ಇಂಡಿಯಾ ಚಳಿಗಾಲದ ಕ್ರೀಡಾಕೂಟದ ನಾರ್ಡಿಕ್ ಮಹಿಳಾ ಸ್ಪ್ರಿಂಟ್ 1.5 ಕಿ.ಮೀ. ವಿಭಾಗದಲ್ಲಿ ಬುಧವಾರ ಸ್ವರ್ಣ ಗೆದ್ದುಕೊಂಡರು. ಕೂಟದಲ್ಲಿ ಭವಾನಿ ಅವರಿಗೆ ಇದು ಮೂರನೇ ಪದಕ.

. ಕೊಡಗಿನ ಭವಾನಿ ಅವರು 15 ಕಿ.ಮೀ. ಹಾಗೂ 10 ಕಿ.ಮೀ. ರಿಲೇ ಸ್ಪರ್ಧೆಗಳಲ್ಲಿ ಕಂಚು ಜಯಿಸಿದ್ದರು. ಈ ಕೂಟದ ಎಲ್ಲ ಆರೂ ಆವೃತ್ತಿಗಳಲ್ಲಿ ಭಾಗವಹಿಸಿರುವ ಅವರು ಕಳೆದ ಆವೃತ್ತಿಯಲ್ಲಿ ಹ್ಯಾಟ್ರಿಕ್ ಚಿನ್ನ ಗೆದ್ದು ಗಮನ ಸೆಳೆದಿದ್ದರು.

. ‘ಈ ಚಿನ್ನದ ಪದಕವನ್ನು ತಂದೆ–ತಾಯಿಗೆ ಅರ್ಪಿಸುವೆ. ಚಳಿಗಾಲದ ಕೂಟಗಳಲ್ಲಿ ನಾನು ಸತತವಾಗಿ ಭಾಗವಹಿಸುತ್ತಿದ್ದರೂ ನನ್ನ ಪೋಷಕರು ಈವರೆಗೆ ಇಲ್ಲಿನ ಹಿಮವನ್ನು ನೋಡಿಲ್ಲ. ಅವರು ಮುಂದೊಂದು ದಿನ ಗುಲ್ಮಾರ್ಗ್ಗೆ ಬಂದು ಹಿಮವನ್ನೂ, ನಾನು ಪದಕ ಗೆಲ್ಲುವುದನ್ನೂ ನೋಡುತ್ತಾರೆಂಬ ಭರವಸೆ ಇದೆ’ ಎಂದರು.

. ಕ್ರಾಸ್ ಕಂಟ್ರಿ ಸ್ಕೀಯಿಂಗ್ ವಿಶ್ವಕಪ್ನಲ್ಲಿ ಭಾಗವಹಿಸಿದ ದೇಶದ ಮೊದಲ ಮಹಿಳಾ ಅಥ್ಲೀಟ್ ಎಂಬ ಗೌರವವೂ ಇವರದ್ದು.

. ಸೇನೆಗೆ ಪ್ರಶಸ್ತಿ: . ಭಾರತೀಯ ಸೇನಾಪಡೆಯ ತಂಡವು ಬುಧವಾರ ಮುಕ್ತಾಯಗೊಂಡ ಈ ಕ್ರೀಡಾಕೂಟದ ಟೀಮ್ ಚಾಂಪಿಯನ್ಷಿಪ್ಅನ್ನು ತನ್ನಲ್ಲೇ ಉಳಿಸಿಕೊಂಡಿತು.

. ಸೇನಾಪಡೆಯ ಅಥ್ಲೀಟ್ಗಳು 9 ಚಿನ್ನ ಸೇರಿ ಒಟ್ಟು 23 ಪದಕಗಳನ್ನು ಬಾಚಿಕೊಂಡರು. ಹಿಮಾಚಲ ಪ್ರದೇಶ (14 ಪದಕ; 6 ಚಿನ್ನ, 7 ಬೆಳ್ಳಿ, 1 ಕಂಚು) ಹಾಗೂ ಹರಿಯಾಣ (7 ಪದಕ; 4 ಸ್ವರ್ಣ, 2 ರಜತ ಹಾಗೂ 1 ಕಂಚು) ತಂಡಗಳು ಪದಕ ಪಟ್ಟಿಯಲ್ಲಿ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದುಕೊಂಡವು.

. ಕೂಟದ ಸಮಾರೋಪ ಸಮಾರಂಭವು ಗುಲ್ಮಾರ್ಗ್ನ ಗಾಲ್ಫ್ ಕೋರ್ಸ್ನಲ್ಲಿ ಗುರುವಾರ ನಡೆಯಲಿದೆ. ಈ ಕೂಟದ ಮೊದಲ ಲೆಗ್ ಜನವರಿ 20ರಿಂದ 26ರ ವರೆಗೆ ಲಡಾಖ್ನಲ್ಲಿ ನಡೆದಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಳಿಗಾಲದ ಕೂಟ: ಸ್ವರ್ಣ ಜಯಿಸಿದ ಕರ್ನಾಟಕದ ಭವಾನಿ

ಚಿನಕುರುಳಿ | ಬುಧವಾರ, 25 ಫೆಬ್ರುವರಿ ‌2026

ಗುಂಡಣ್ಣ: ಬುಧವಾರ, 25 ಫೆಬ್ರುವರಿ ‌2026

ಚುರುಮುರಿ: ಕುರ್ಚಿ ಕಥಾ ಕಾಲಕ್ಷೇಪ

ನಿಷ್ಕಾರುಣ್ಯವಾಗಿ ಸೋಲಿಸಿದರು; ಇಂಥ ಸಮಾಜದಲ್ಲಿ ಬದುಕುವುದ್ಹೇಗೆ: ರಮೇಶ್ ಕುಮಾರ್

ಟಿ20 ಕ್ರಿಕೆಟ್ ವಿಶ್ವಕಪ್: ಸೂರ್ಯ ಪಡೆಗೆ ಮಾಡು ಇಲ್ಲವೇ ಮಡಿ ಪಂದ್ಯ

ರಣಜಿ ಫೈನಲ್‌ಗೆ ಕಾವೇರಿಸಿದ ಡೋಗ್ರಾ ಡಿಚ್ಚಿ: ಕರ್ನಾಟಕದ ಮುಂದೆ ಕಠಿಣ ಹಾದಿ