ಐಪಿಎಲ್ ಹರಾಜು | ಕೊಹ್ಲಿಯನ್ನು ಕೆಣಕಿ ಚಚ್ಚಿಸಿಕೊಂಡಿದ್ದ ಕೆಸ್ರಿಕ್ ವಿಲಿಯಮ್ಸ್ UNSOLDLIVE
ಕೊನೆಗೂ ಆರ್‌ಸಿಬಿಗೆ ಸೇರಿದ ಸ್ಟೇಯ್ನ್‌
ಮಾರಾಟವಾಗದೆ ಉಳಿದಿದ್ದ ದಕ್ಷಿಣ ಆಫ್ರಿಕಾ ವೇಗಿ ಡೇಲ್‌ ಸ್ಟೇಯ್ನ್‌ ಅವರನ್ನು ಮೂಲ ಬೆಲೆ ₹ 2 ಕೋಟಿ ನೀಡಿ ಆರ್‌ಸಿಬಿ ಖರೀದಿಸಿದೆ.
ಜೊತೆಗೆ ಶ್ರೀಲಂಕಾ ಮಧ್ಯಮವೇಗಿ ಇಸುರು ಉದಾನ ಅವರೂ ಆರ್‌ಸಿಬಿ ಕ್ಯಾಂಪ್‌ ಸೇರಿದ್ದಾರೆ.
ವಿನಯ್‌ ಕುಮಾರ್‌ UNSOLD
ಕರ್ನಾಟಕ ತಂಡದ ಮಾಜಿ ನಾಯಕ ವಿನಯ್‌ ಕುಮಾರ್‌ ಯಾವುದೇ ತಂಡಕ್ಕೆ ಮಾರಾಟವಾಗಿಲ್ಲ.
ಕೊಹ್ಲಿ ಕ್ಯಾಂಪ್‌ಗೆ ಪವನ್‌
ಕನ್ನಡಿಗ ಪವನ್‌ ದೇಶಪಾಂಡೆ ಅವರನ್ನು ₹ 20 ಲಕ್ಷಕ್ಕೆ ಆರ್‌ಸಿಬಿ ಖರೀದಿಸಿದೆ.
ಮತ್ತೆ ಮಾರಾಟವಾಗಲಿಲ್ಲ ಡೇಲ್‌ ಸ್ಟೇಯ್ನ್‌
ಮೋಹಿತ್‌ ಶರ್ಮಾ ಡೆಲ್ಲಿ ಕ್ಯಾಪಿಟಲ್ಸ್‌ಗೆ
ಮಧ್ಯಮವೇಗದ ಬೌಲರ್‌ ಮೋಹಿತ್‌ ಶರ್ಮಾ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್‌ ತಂಡ ₹ 50 ಲಕ್ಷಕ್ಕೆ ಖರೀದಿಸಿದೆ.
ಕೆಕೆಆರ್ ಪಾಲಾದ ತಾಂಬೆ
ಹರಾಜು ಕಣದಲ್ಲಿದ್ದ ಹಿರಿಯ ಆಟಗಾರ ಪ್ರವೀಣ್‌ ತಾಂಬೆ ಅವರನ್ನು ಕೆಕೆಆರ್ ತಂಡ ₹ 20 ಲಕ್ಷಕ್ಕೆ ಖರೀದಿಸಿದೆ.
ಒಶಾನೆ ರಾಜಸ್ಥಾನಕ್ಕೆ
ವೆಸ್ಟ್ ಇಂಡೀಸ್‌ನ ಒಶಾನೆ ಥಾಮಸ್‌ ಅವರನ್ನು ರಾಜಸ್ಥಾನ ರಾಯಲ್ಸ್‌ ₹ 50 ಲಕ್ಷಕ್ಕೆ ಖರೀದಿಸಿದೆ.
ಆರ್‌ಸಿಬಿ ಪಾಳಯಕ್ಕೆ ಕೇನ್‌ ರಿಚರ್ಡ್ಸನ್
ಆಸ್ಟ್ರೇಲಿಯಾದ ವೇಗದ ಬೌಲರ್‌ ಕೇನ್‌ ರಿಚರ್ಡ್ಸನ್ ಅವರನ್ನು ಆರ್‌ಸಿಬಿ ₹ 4 ಕೋಟಿಗೆ ಖರೀದಿಸಿದೆ.
ಹೋಲ್ಡರ್–ಉದಾನ UNSOLD
ಶ್ರೀಲಂಕಾ ತಂಡದ ಆಲ್ರೌಂಡರ್ ಇಸುರು ಉದಾನ ಹಾಗೂ ವೆಸ್ಟ್ ಇಂಡೀಸ್‌ ತಂಡದ ಜೇಸನ್‌ ಹೋಲ್ಡರ್ ಯಾವುದೇ ತಂಡಕ್ಕೆ ಮಾರಾಟವಾಗಿಲ್ಲ.
ಯಾರಿಗೂ ಬೇಡ ಕೆಸ್ರಿಕ್ ವಿಲಿಯಮ್ಸ್
ಭಾರತ ವಿರುದ್ಧದ ಟಿ20 ಕ್ರಿಕೆಟ್ ಸರಣಿಯಲ್ಲಿ ವಿರಾಟ್‌ ಕೊಹ್ಲಿಯನ್ನು ಕೆಣಕಿ ದಂಡನೆಗೆ ಒಳಗಾಗಿದ್ದ ಕೆಸ್ರಿಕ್ ವಿಲಿಯಮ್ಸ್ ಅವರನ್ನು ಯಾವ ಪ್ರಾಂಚೈಸ್‌ ಕೂಡ ಖರೀದಿಸಿಲ್ಲ.
ಕೆಸ್ರಿಕ್ ಮೂಲ ಬೆಲೆ ₹ 50 ಲಕ್ಷ.