ಬಾಲಕ, ಕಾಲೇಜು ಯುವಕ ಹಾಗೂ ಪ್ರಬುದ್ಧ ಗಂಡಸು... ‘ಪ್ರೇಮಂ’ ಚಿತ್ರದಲ್ಲಿ ಮೂರು ವಿಭಿನ್ನ ಪಾತ್ರಗಳಲ್ಲಿ ನಟಿಸಿ ಸೈ ಎನಿಸಿಕೊಂಡವರು ಮಲೆಯಾಳಂ ನಟ ನಿವಿನ್ ಪೌಲಿ. ಬಳಿಕ ‘ಆ್ಯಕ್ಷನ್ ಹೀರೋ ಬಿಜು’ ಸಿನಿಮಾದಲ್ಲಿ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿದ್ದರು. ‘ತಟ್ಟಥಿನ್ ಮರಯತು’ ನಿವಿನ್ ನಾಯಕನಟನಾಗಿ ಅಭಿನಯಿಸಿದ ಮೊದಲ ಚಿತ್ರ. ‘ನೇರಂ’, ‘ಓಂ ಶಾಂತಿ ಓಷಾಣ’, ‘ಬೆಂಗಳೂರು ಡೇಸ್’ ಇವರ ಅಭಿನಯದ ಪ್ರಮುಖ ಚಿತ್ರಗಳು. ಸದ್ಯ ‘ಉಳಿದವರು ಕಂಡಂತೆ’ ಸಿನಿಮಾದ ಮಲೆಯಾಳಂ ರಿಮೇಕ್ ‘ರಿಚ್ಚಿ’ಯಲ್ಲಿ ನಟಿಸುತ್ತಿದ್ದಾರೆ.