ಅಭಿನವ್‌ ಬಿಂದ್ರಾ, ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕ ತಂದುಕೊಟ್ಟ ಶೂಟರ್‌. ಇದೀಗ ಅವರ ಆತ್ಮಕಥೆಯೂ ಚಲನಚಿತ್ರವಾಗುತ್ತಿದೆ.
ಕ್ರಿಕೆಟ್‌ನ ಮಹೇಂದ್ರಸಿಂಗ್‌ ಧೋನಿ, ಅಜರ್‌, ಮಿಲ್ಖಾಸಿಂಗ್‌ ಹಾಗೂ ಮೇರಿಕೋಮ್‌ ನಂತರ ಅಭಿನವ್‌ ಬಿಂದ್ರಾ ಕಥೆಯೂ ತೆರೆಯ ಮೇಲೆ ಬರಲಿದೆ.
ಈ ಚಿತ್ರದ ನಂತರ ಶೂಟಿಂಗ್‌ ಕ್ರೀಡೆಯ ಬಗ್ಗೆ ಹೆಚ್ಚು ಪ್ರಚಾರ ಸಿಗಬಲ್ಲದು. ಜನರಿಗೆ ಪ್ರೇರಣೆಯಾಗಬಲ್ಲದು ಎಂದು ಅವರ ಕಥೆಯನ್ನು ಸಿನಿಮಾ ಮಾಡಲಾಗುತ್ತಿದೆ. ಅನಿಲ್‌ ಕಪೂರ್ ಮತ್ತು ಅವರ ಮಗ ಹರ್ಷವರ್ಧನ್‌ ಕಪೂರ್ ಈ ಚಿತ್ರದಲ್ಲಿ ಅಭಿನವ್‌ ಆಗಿ ನಟಿಸಲಿದ್ದಾರೆ.
ಸೂಕ್ತ ತರಬೇತಿ ದೊರೆತರೆ ಶೂಟಿಂಗ್‌ನಲ್ಲಿ ಭಾರತವು ಪಾರಮ್ಯ ಮೆರೆಯಬಹುದು. ಇದಕ್ಕೆ ಇತ್ತೀಚಿನ ಕಾಮನ್‌ವೆಲ್ತ್‌ ಕ್ರೀಡಾಕೂಟವೇ ಸಾಕ್ಷಿಯಾಗಿದೆ.
ಈ ಚಿತ್ರವು ಭಾರತೀಯ ಯುವ ಜನಾಂಗವು ಶೂಟಿಂಗ್‌ ಕ್ರೀಡೆಯನ್ನು ಗಂಭೀರವಾಗಿ ಪರಿಗಣಿಸುವಂತೆ ಮಾಡಬಹುದು ಎಂಬುದು ಸಿನಿ ಮೇಕರ್ಸ್‌ಗಳ ನಿರೀಕ್ಷೆಯಾಗಿದೆ.
