ಅಂತರ್ಜಾಲ ಸುದ್ದಿ ತಾಣವೊಂದು ಸೋಮವಾರ, ಬ್ಯಾಂಕಿಂಗ್‌ ಮೂಲಗಳನ್ನು ಉದ್ಧರಿಸಿ ಈ ವರದಿ ಪ್ರಕಟಿಸಿತ್ತು. ಸಂಸ್ಥೆಯು ಈ ಸಂಬಂಧ ಹೂಡಿಕೆ ಬ್ಯಾಂಕನ್ನು ಸಂಪರ್ಕಿಸಿದೆ ಎಂದೂ ವರದಿ ಮಾಡಿತ್ತು. ‘50 ವರ್ಷಗಳಲ್ಲಿ ಸಂಸ್ಥೆಯು ಪ್ರಾದೇಶಿಕ ಖಾದ್ಯ ತೈಲ ತಯಾರಿಕೆಯಿಂದ ಜಾಗತಿಕ ಐ.ಟಿ ಸಂಸ್ಥೆಯಾಗಿ ಬೃಹದಾಕಾರವಾಗಿ ಬೆಳೆದಿರುವುದನ್ನು ನಾನು ನೋಡಿದ್ದೇನೆ. ಐ.ಟಿ ಉದ್ದಿಮೆ ಮತ್ತು ವಿಪ್ರೊ ಸಂಸ್ಥೆಯ ಬೆಳವಣಿಗೆಗೆ ಇನ್ನೂ ಸಾಕಷ್ಟು ಅವಕಾಶಗಳಿವೆ. ಸಂಸ್ಥೆಗೆ ನಾನು ಬದ್ಧನಾಗಿರುವೆ’ ಎಂದು ಪ್ರೇಮ್‌ಜೀ ಅವರು ಪತ್ರದಲ್ಲಿ ತಿಳಿಸಿದ್ದಾರೆ.
