ಬಾಳೆಹಣ್ಣು ಬೆರಿ ಕಣ್ರೀ... ಸ್ಟ್ರಾಬೆರಿ ಅಲ್ಲ!

ಹಾಗೆ ನೋಡಿದರೆ ಬಾಳೆಹಣ್ಣು  ಬೆರಿ ಕುಟುಂಬಕ್ಕೆ ಸೇರುತ್ತದೆ! ಇನ್ನೂ ಮಜ ಗೊತ್ತಾ? ವೈಜ್ಞಾನಿಕವಾಗಿ ದ್ರಾಕ್ಷಿ, ಕಿತ್ತಳೆ ಕೂಡ ಬೆರಿ ಕುಟುಂಬಸ್ಥರೇ.
ಈಗ ಯಾಕೆ ಇದೆಲ್ಲ?

ಚೆರಿ ಕೂಡ ಬೆರಿ ಅಲ್ಲ ಅಂತ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ಸಸ್ಯವಿಜ್ಞಾನ ಪ್ರೊಫೆಸರ್‌ ಜೂಡಿ ಅಭಿಮತ. ಸಸ್ಯವಿಜ್ಞಾನದ ವಿವರಣೆಗೆ ನಿಲುಕುವುದು– ಬೆರಿ ಅಂದರೆ ಅದರಲ್ಲಿ ಮೂರು ತಿರುಳುಗಳ ಪದರುಗಳಿರಬೇಕು– ಎಕ್ಸೋಕಾರ್ಪ್‌(ಹೊರ ಪದರ), ಮಿಸೋಕಾರ್ಪ್‌ (ಮೃದುವಾದ ಒಳ ತಿರುಳು) ಮತ್ತು ಎಂಡೋಕಾರ್ಪ್‌(ಬೀಜಗಳಿರುವ ಅತ್ಯಂತ ಒಳ ಪದರ).

ಅಲ್ಲದೆ ಬೆರಿ ಎನಿಸಿಕೊಳ್ಳಲು ಇರುವ ಅರ್ಹತೆ ಹಣ್ಣಿನಲ್ಲಿ ಒಂದಕ್ಕಿಂತ ಹೆಚ್ಚು ಬೀಜಗಳಿರಬೇಕು ಎನ್ನುವುದು. ಒಂದೇ ಬೀಜ ಇರುವ ಚೆರಿಗಳು ಬೆರಿ ಹೇಗಾದಾವು? ಹಾಗಾಗೇ ಅವು ಡ್ರೂಪ್‌ಗಳು. ಈಗ ಬಾಳೆಹಣ್ಣಿನ ರಚನೆ ನೆನಪಿಸಿಕೊಳ್ಳಿ.