ಹೆಸರು ಹೇಳಿದರೆ ಜೀವಕ್ಕೆ ಆಪತ್ತು ಇದೆ ಎನ್ನುತ್ತ ಮಾತು ಆರಂಭಿಸಿದ ಇನ್ನೊಬ್ಬ ಮಹಿಳೆ, ‘ಕೇರಳದ ಮನೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದೆ. ಮನೆ ಮಾಲೀಕನೇ ನನ್ನ ಮಗಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ. ಅದನ್ನು ಪ್ರಶ್ನಿಸಿದ್ದಕ್ಕೆ ನಮ್ಮಿಬ್ಬರನ್ನು ಗೃಹ ಬಂಧನದಲ್ಲಿಟ್ಟು ನಿರಂತರ ಕಿರುಕುಳ ನೀಡಿದ. ಬಳಿಕ ಸಂಘಟನೆಗಳ ಸಹಾಯ ಪಡೆದು ನ್ಯಾಯ ಕೇಳಿದ್ದಕ್ಕೆ ಹಲ್ಲೆ ನಡೆಸಿದ. ಆ ಪ್ರಕರಣದ ವಿಚಾರಣೆ ನ್ಯಾಯಾಲಯದಲ್ಲಿ ಇನ್ನೂ ನಡೆಯುತ್ತಿದೆ’ ಎಂದು ಅಳಲು ತೋಡಿಕೊಂಡರು.