ಬುಧವಾರ, ಫೆಬ್ರವರಿ 19, 2020
24 °C

₹5 ಲಕ್ಷ ಕೋಟಿಗೂ ಅಧಿಕ ಮಾರುಕಟ್ಟೆ ಬಂಡವಾಳ ಹೊಂದಿರುವ ಸಂಸ್ಥೆ ರಿಲಯನ್ಸ್‌

ಏಜೆನ್ಸಿಸ್‌ Updated:

ಅಕ್ಷರ ಗಾತ್ರ : | |

₹5 ಲಕ್ಷ ಕೋಟಿಗೂ ಅಧಿಕ  ಮಾರುಕಟ್ಟೆ ಬಂಡವಾಳ ಹೊಂದಿರುವ ಸಂಸ್ಥೆ ರಿಲಯನ್ಸ್‌

ಮುಂಬೈ: ಏಪ್ರಿಲ್‌ನಿಂದ ಹೂಡಿಕೆದಾರರು ಬಹುವಾಗಿ ನೆಚ್ಚಿಕೊಂಡಿರುವ ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ ₹5 ಲಕ್ಷ ಕೋಟಿಗೂ ಅಧಿಕ  ಮಾರುಕಟ್ಟೆ ಬಂಡವಾಳ ಹೊಂದಿರುವ ದೇಶದ ಎರಡನೇ ಸಂಸ್ಥೆಯಾಗಿದೆ.

ಷೇರುಪೇಟೆಯಲ್ಲಿ ಏಪ್ರಿಲ್‌ ನಂತರ ಸೂಚ್ಯಂಕ ಏರುಗತಿಯಲ್ಲಿದ್ದು, ಹೂಡಿಕೆದಾರರು ಶೇ 16.06ರಷ್ಟು ಲಾಭ ಗಳಿಸಿದ್ದಾರೆ. ಜಿಯೋ ಗ್ರಾಹಕರಿಗೆ ಉಚಿತ ಇಂಟರ್‌ನೆಟ್‌ ಸೇವೆ ಅಂತ್ಯಗೊಳಿಸಿ ಸೇವೆಗೆ ಶುಲ್ಕ ಅನ್ವಯಿಸಿದ್ದು ಸೇರಿದಂತೆ ರಿಲಯನ್ಸ್ ಇತರೆ ಯೋಜನೆಗಳು ಪೂರ್ಣಗೊಳ್ಳುವ ಹಾದಿಯಲ್ಲಿರುವುದರಿಂದ ಹೂಡಿಕೆದಾರರ ನಂಬಿಕೆ ಹೆಚ್ಚಿದೆ.

ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್‌ (ಟಿಸಿಎಸ್‌) ನಂತರ ₹5 ಲಕ್ಷ ಕೋಟಿಗೂ ಹೆಚ್ಚು ಮಾರುಕಟ್ಟೆ ಬಂಡವಾಳ ಹೊಂದಿದ ಸಂಸ್ಥೆಯಾಗಿ ಸೋಮವಾರ ರಿಲಯನ್ಸ್‌ ಹೊಸ ದಾಖಲೆ ಸೃಷ್ಟಿಸಿದೆ.

4ಜಿ ತಂತ್ರಜ್ಞಾನ ಬಳಕೆಗೆ ಸಹಕಾರಿಯಾಗುವ ಕಡಿಮೆ ಬೆಲೆಯ ಮೊಬೈಲ್‌(₹1000–₹1500) ಫೋನ್‌ಗಳನ್ನು ರಿಲಯನ್ಸ್‌ ಜಿಯೋ ಬಿಡುಗಡೆ ಮಾಡುವ ಕುರಿತು ವರದಿಯಾಗಿದೆ. ಆದರೆ, ರಿಲಯನ್ಸ್‌ ಈ ಕುರಿತು ಸ್ಪಷ್ಟನೆ ನೀಡಿಲ್ಲ ಎಂದು ಲೈವ್‌ಮಿಂಟ್‌ ವರದಿ ಮಾಡಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)