ಹರೆಯದ ಬದುಕಿನ ನವಿರಾದ ಎಳೆ

ಅಮೀರ್ ಖಾನ್ ಮತ್ತು ಕಿರಣ್ ರಾವ್ ನಿರ್ಮಿಸುತ್ತಿರುವ ‘ಸೀಕ್ರೆಟ್ ಸೂಪರ್ ಸ್ಟಾರ್’ ಸಿನಿಮಾದ ಮತ್ತೆರಡು ಹಾಡುಗಳು ಯುಟ್ಯೂಬ್ನಲ್ಲಿ ಬಿಡುಗಡೆಯಾಗಿವೆ. ‘ಸಪ್ನೆ ರೇ’ ಹಾಗೂ ‘ಐ ವಿಲ್ ಮಿಸ್ ಯು’ ಎಂಬ ಎರಡು ಹಾಡುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಪಡೆಯುತ್ತಿವೆ.

. ಸೀಕ್ರೆಟ್ ಸೂಪರ್ ಸ್ಟಾರ್ ಸಿನಿಮಾದಲ್ಲಿ ಹಾಡುಗಳಿಗೆ ಪ್ರಮುಖ ಸ್ಥಾನವಿದೆ. ಸಿನಿಮಾ ಕಥೆಯನ್ನು ಹಾಡುಗಳೇ ಹೊತ್ತು ಹೋಗುತ್ತವೆ. ಈಗಾಗಲೇ ಸಿನಿಮಾದ ಎರಡು ಹಾಡುಗಳು ಬಿಡುಗಡೆಯಾಗಿದ್ದು, ಮತ್ತೆರಡು ಹಾಡಿನಿಂದ ಹೆಚ್ಚುಕಡಿಮೆ ಸಿನಿಮಾದ ಸಂಪೂರ್ಣ ಕಥೆಯನ್ನು ಊಹಿಸಬಹುದು.

. ‘ಐ ವಿಲ್ ಮಿಸ್ ಯು’ ಹಾಡಿನಲ್ಲಿ ಹೈಸ್ಕೂಲ್ನಲ್ಲಿ ಮೊದಮೊದಲಾಗುವ ಪ್ರೇಮದ ನವಿರು ಎಳೆಗಳು ಇವೆ. ಹೊಸದಾಗಿ ಪ್ರಪಂಚವನ್ನು ಕಾಣುವ ಕಣ್ಣಿನ ಕೌತುಕ, ಮೊದಲ ಪ್ರೇಮದ ಸಂಭ್ರಮ, ಒಬ್ಬರನ್ನು ಒಬ್ಬರು ಅರಿಯುವ ಮುದ್ದಾದ ಹುಡುಗ ಹುಡುಗಿಯರ ಪ್ರಣಯ ಗೀತೆ. ಶಾಲಾ ಸಮವಸ್ತ್ರದಲ್ಲೇ ಗೆಳೆಯನೊಂದಿಗೆ ಓಡಾಡುವುದು, ಪಾರ್ಕ್ನಲ್ಲಿ ಆಟವಾಡುವುದು ಈ ಎಲ್ಲಾ ದೃಶ್ಯಗಳಲ್ಲಿ ಗೆಳೆತನ ಮತ್ತು ಪ್ರೇಮದ ನಡುವಿನ ಸಿಹಿ ಬಾಂಧವ್ಯ ಚಿತ್ರೀಕರಣವಾಗಿದೆ. ಹಾಗೇ ಹಿಂದಿ ಪದಗಳೊಂದಿಗೆ ಗುಜರಾತಿ ಗೀತ ಸಾಹಿತ್ಯವಿರುವುದರಿಂದ ದೇಶಿ ಸ್ಪರ್ಶ ಸಿಕ್ಕಿದೆ.

. ಮತ್ತೊಂದು ‘ಸಪ್ನೆ ರೇ’ ಹಾಡಿನಲ್ಲಿ ಝೈರಾ ವಾಸಿಂ ಕನಸುಗಳಿಗೆ ಸಂಗೀತದ ದಾರ ಪೋಣಿಸಿ ಮುದ್ದಾಗಿ ಹಾಡನ್ನು ಹೆಣೆದಿದ್ದಾರೆ. ಝೈರಾ ವಾಸಿಂ ಮುದ್ದುತನಕ್ಕೆ ಮೇಘನಾ ಮಿಶ್ರ ಹಾಡಿರುವ ‘ಸಪ್ನೆ ರೇ’ ಹಾಡು ಭಾವ ತುಂಬಿ ಬಂದಿದೆ. ಹಾಡಿನ ಸಂಪೂರ್ಣ ಚಿತ್ರೀಕರಣ ರೈಲಿನಲ್ಲಿ ನಡೆದಿದೆ. ಗೆಳೆಯರೊಂದಿಗೆ ಪ್ರವಾಸ ಹೋಗುವ ಸಂದರ್ಭದಲ್ಲಿ ತನ್ನ ಕನಸುಗಳನ್ನು ಹಾಡಿನ ಮೂಲಕ ಹೇಳಿಕೊಳ್ಳುತ್ತಾರೆ ಝೈರಾ. ಮುರಿದು ಚೂರಾದ ಕನಸುಗಳನ್ನು ಒಂದು ಮಾಡುತ್ತೇನೆ ಎಂಬ ಆಶಾಭಾವವನ್ನು ಈ ಹಾಡಿನಲ್ಲಿ ಬರೆದವರು ಕೌಸರ್ ಮುನಿರ್. ಈ ಹಾಡನ್ನು ಸಂಯೋಜನೆ ಮಾಡಿದವರು ಅಮೀತ್ ತ್ರಿವೇದಿ. ಗಿಟಾರ್ನಲ್ಲಿ ನುಡಿಸುತ್ತಾ ತನ್ನ ಒಂದೊಂದೇ ಕನಸುಗಳನ್ನು ಬಿಚ್ಚುತ್ತಾ ಹೋಗುತ್ತಾಳೆ ಝೈರಾ. ಈಕೆಯ ಹಾಡು ಕೇಳುತ್ತಾ ಗೆಳೆಯರೆಲ್ಲ ಖುಷಿ ಪಡುತ್ತಾರೆ.

. ‘ಸೀಕ್ರೆಟ್ ಸೂಪರ್ ಸ್ಟಾರ್’ ಸಿನಿಮಾದಲ್ಲಿ ಝೈರಾ ತಾನು ದೊಡ್ಡ ಗಾಯಕಿಯಾಗಬೇಕು ಎಂಬ ಕನಸು ಕಟ್ಟಿಕೊಂಡಿರುತ್ತಾಳೆ. ಆದರೆ ಆಕೆ ತಂದೆಗೆ ಇದು ಇಷ್ಟವಿರುವುದಿಲ್ಲ. ಹಾಗಾಗಿ ಬುರ್ಖಾ ಧರಿಸಿ ಹಾಡಿ, ವಿಡಿಯೊವನ್ನು ಯುಟ್ಯೂಬ್ನಲ್ಲಿ ಹಾಕುತ್ತಿರುತ್ತಾಳೆ.

. ಇದೇ ಕಥೆ ಎಳೆಯಲ್ಲಿ ‘ಮೇ ಕೌನ್ ಹು’ (ನಾನು ಯಾರು) ಎಂಬ ಹಾಡನ್ನು ಆಗಸ್ಟ್ನಲ್ಲಿ ಯುಟ್ಯೂಬ್ನಲ್ಲಿ ಬಿಡುಗಡೆ ಮಾಡಿದ್ದರು. ಬುರ್ಖಾವಿಲ್ಲದೆ ಎಲ್ಲೂ ಹಾಡದ ಝೈರಾ ‘ಸಪ್ನೆ ರೇ’ ಹಾಡಿನಲ್ಲಿ ಬಹಿರಂಗವಾಗಿ ಹಾಡಿದ್ದಾಳೆ. ಈ ಹಾಡು ಕಥೆಯ ಮತ್ತೊಂದು ಎಳೆಯನ್ನು ಬಿಚ್ಚಿಟ್ಟಿದೆ. ಅದ್ವೈತ್ ಚಂದನ್ ನಿರ್ದೇಶನ ಮಾಡಿರುವ ಈ ಸಿನಿಮಾ ಅಕ್ಟೋಬರ್ 19ರಂದು ಬಿಡುಗಡೆಯಾಗಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹರೆಯದ ಬದುಕಿನ ನವಿರಾದ ಎಳೆ

ಚಿನಕುರುಳಿ: ಮಂಗಳವಾರ, 04 ನವೆಂಬರ್, 2025

ಚುರುಮುರಿ: ಪಾಸಿಂಗ್ ಮಾರ್ಕ್ಸ್

ವಿಡಿಯೊ: ಮಗನ ಹುಟ್ಟುಹಬ್ಬಕ್ಕೆ ಪ್ರಾಣಿ ಪ್ರಪಂಚವನ್ನೇ ಸೃಷ್ಟಿಸಿದ ಯಶ್–ರಾಧಿಕಾ

ಪುತ್ರನ ಹುಟ್ಟು ಹಬ್ಬದ ಸಂಭ್ರಮದಲ್ಲಿ ನಟಿ ರಕ್ಷಿತಾ ಪ್ರೇಮ್: ಚಿತ್ರಗಳು ಇಲ್ಲಿವೆ

ಆಳ– ಅಗಲ| ಛಲಗಾತಿಯರು; ಭಾರತ ಮಹಿಳೆಯರ ತಂಡ

ಒಲಿಂಪಿಯನ್‌ಗಳಾದ ಶ್ರೀಹರಿ ನಟರಾಜ್‌, ಧಿನಿಧಿ ದೇಸಿಂಗು ಕಣದಲ್ಲಿ

ಐಸಿಸಿ ಕಾರ್ಯಕಾರಿ ಮಂಡಳಿ ಸಭೆಗೆ ಮೊಹ್ಸಿನ್ ನಕ್ವಿ ಗೈರು?

ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ 100 ವಿಕೆಟ್ ಗಳಿಸಿದ ವಾಸುಕಿ ಕೌಶಿಕ್

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಚಿನಕುರುಳಿ: ಮಂಗಳವಾರ, 04 ನವೆಂಬರ್, 2025

ಚುರುಮುರಿ: ಪಾಸಿಂಗ್ ಮಾರ್ಕ್ಸ್

ವಿಡಿಯೊ: ಮಗನ ಹುಟ್ಟುಹಬ್ಬಕ್ಕೆ ಪ್ರಾಣಿ ಪ್ರಪಂಚವನ್ನೇ ಸೃಷ್ಟಿಸಿದ ಯಶ್–ರಾಧಿಕಾ

ಪುತ್ರನ ಹುಟ್ಟು ಹಬ್ಬದ ಸಂಭ್ರಮದಲ್ಲಿ ನಟಿ ರಕ್ಷಿತಾ ಪ್ರೇಮ್: ಚಿತ್ರಗಳು ಇಲ್ಲಿವೆ