ಸಿರಿವಂತ ಪಟ್ಟಿ: ಅಂಬಾನಿಗೆ ಮೊದಲ ಸ್ಥಾನ

ಅಂಬಾನಿ ಅವರು ₹2.43 ಲಕ್ಷ ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.

ವಿಪ್ರೊ ಮುಖ್ಯಸ್ಥ ಅಜೀಂ ಪ್ರೇಮ್‌ಜಿ ಅವರು ಐದನೇ ಸ್ಥಾನದಿಂದ 2ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಅವರ ಆಸ್ತಿ ಮೌಲ್ಯ ₹1.21 ಲಕ್ಷ ಕೋಟಿಗಳಷ್ಟಿದೆ.

ಸನ್‌ ಫಾರ್ಮಾದ ಮುಖ್ಯಸ್ಥ ದಿಲೀಪ್‌ ಸಾಂಘ್ವಿ ಅವರು ಎರಡನೇ ಸ್ಥಾನದಿಂದ ಮೂರನೇ ಸ್ಥಾನಕ್ಕೆ ಇಳಿದಿದ್ದಾರೆ.

19ನೇ ಸ್ಥಾನಕ್ಕೇರಿದ ಬಾಲಕೃಷ್ಣ: ಪತಂಜಲಿ ಆಯುರ್ವೇದ ಸಂಸ್ಥೆಯ  ಸಹ ಸ್ಥಾಪಕ ಆಚಾರ್ಯ ಬಾಲಕೃಷ್ಣ ಅವರು 49ನೇ ಸ್ಥಾನದಿಂದ 19ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಅವರ ಆಸ್ತಿ ಮೌಲ್ಯ ₹43 ಸಾವಿರ ಕೋಟಿ.

ಸಿರಿವಂತ ಮಹಿಳೆಯರು: ಒ.ಪಿ.ಜಿಂದಾಲ್‌ ಸಮೂಹದ ಅಧ್ಯಕ್ಷೆ ಸಾವಿತ್ರಿ ಜಿಂದಾಲ್‌ (61), ಬಯೋಕಾನ್‌ ಮುಖ್ಯಸ್ಥೆ ಕಿರಣ್ ಮಜುಂದಾರ್‌ ಷಾ  (72) ಮತ್ತು ಫಾರ್ಮಾ ಕಂಪೆನಿ ಯುಎಸ್‌ವಿ ಇಂಡಿಯಾದ ಲೀನಾ ತಿವಾರಿ (71)  ಅವರು ಸಿರಿವಂತರ ಪಟ್ಟಿಯಲ್ಲಿರುವ ಪ್ರಮುಖ ಮಹಿಳೆಯರು.

ಹೊಸದಾಗಿ ಸೇರಿದವರು: ವಾಡಿಯಾ ಸಮೂಹದ  ನುಸ್ಲಿ ವಾಡಿಯಾ, ವಕ್ರಾಂಗಿ ಕಂಪೆನಿಯ ದಿನೇಶ್‌ ನಂದವನ (88), ಪೇಟಿಎಂನ ವಿಜಯ ಶೇಖರ ಶರ್ಮಾ (99), ಯೆಸ್‌ ಬ್ಯಾಂಕ್‌ನ ರಾಣಾ ಕಪೂರ್‌ (100) ಹೊಸದಾಗಿ ಪಟ್ಟಿಗೆ ಸೇರಿದ ಪ್ರಮುಖರು.