ಗತವೈಭವ ಸಾರುವ ಕನಸಾವಿ ದೇವಾಲಯ

ಸೋಮವಾರ, ಜೂನ್ 24, 2019
29 °C

ಗತವೈಭವ ಸಾರುವ ಕನಸಾವಿ ದೇವಾಲಯ

Published:
Updated:
ಗತವೈಭವ ಸಾರುವ ಕನಸಾವಿ ದೇವಾಲಯ

ಮುದಗಲ್: ಲಿಂಗಸುಗೂರು ತಾಲ್ಲೂಕಿನ ಮುದಗಲ್ ಹೋಬಳಿ ವ್ಯಾಪ್ತಿಯ ಕನಸಾವಿ ಗ್ರಾಮದಲ್ಲಿ ರುವ ಕಲ್ಯಾಣ ಚಾಲುಕ್ಯರ ದೇವಾಲಯಗಳು ಗತ ವೈಭವ ಸಾರುತ್ತಿವೆ.

ಕಾಲಕಾಲೇಶ್ವರ ದೇವಾಲಯ: ಗ್ರಾಮದ ಅಗಸಿಯಿಂದ ದಕ್ಷಿಣಕ್ಕೆ ಕೋಟೆ ಗೋಡೆಗೆ ಹೊಂದಿಕೊಂಡು ಇರುವ ಕಾಲಕಾಲೇಶ್ವರ ದೇಗುಲ ಕಲ್ಯಾಣ ಚಾಲುಕ್ಯರ ವಾಸ್ತುಶೈಲಿ ಹೊಂದಿದೆ. ಗರ್ಭಗೃಹ ಹಾಗೂ ಅಂತರಾಳ ಇದೆ. ಗರ್ಭಗೃಹದಲ್ಲಿ ಪ್ರಾಚೀನ ಕಾಲದ ಈಶ್ವರ ಲಿಂಗ ಇದರ ಮುಂದೆ ನಂದಿ ಇದೆ. ದೇವಾಲಯದ ಚಾವಣಿಗೆ ಹಾಸು ಬಂಡೆಗಲ್ಲುಗಳು ಹಾಕಿದ್ದು, ದೇವಸ್ಥಾನವನ್ನು ಕಣಶಿಲೆಯಲ್ಲಿ (ಗ್ರಾನೈಟ್) ನಿರ್ಮಾಣವಾಗಿದೆ.

ಬಸವಣ್ಣ ದೇವಸ್ಥಾನ: ಕಾಲಕಾಲೇಶ್ವರ ದೇವಸ್ಥಾನದ ಹಿಂಭಾಗದಲ್ಲಿರುವ ದಕ್ಷಿಣ ಅಭಿಮುಖವಾಗಿ ನಿರ್ಮಾಣವಾಗಿರುವ ಬಸವಣ್ಣ ದೇವಾಲಯ 12-13ನೇ ಶತಮಾನದಲ್ಲಿ ನಿರ್ಮಾಣವಾಗಿದೆ. ದೇವಾಲಯ ಅಧಿಷ್ಠಾನ ಹೊಂದಿದ್ದು, ಗರ್ಭಗೃಹದ ದೇವಕೋಷ್ಠದಲ್ಲಿ ಪ್ರಾಚೀನ ಕಾಲದ ನಂದಿ ಮೂರ್ತಿ ಇದೆ.

ರಾಮಲಿಂಗೇಶ್ವರ ದೇವಸ್ಥಾನ: ಪೂರ್ವ ಅಭಿಮುಖವಾಗಿ ನಿರ್ಮಾಣ ವಾಗಿರುವ ಈ ದೇವಾಲಯವು ಕಲ್ಯಾಣ ಚಾಲುಕ್ಯರ ವಾಸ್ತು ಶೈಲಿ ಹೊಂದಿದ್ದು, 12-13 ನೇ ಶತಮಾನದಲ್ಲಿ ನಿರ್ಮಾಣವಾಗಿದೆ. ಗ್ರಾಮದ ಪಶ್ಚಿಮ ದಿಕ್ಕಿಗೆ ಗ್ರೀವನಲ್ಲಿ ನಿರ್ಮಾಣವಾಗಿದೆ. ದೇವಾಲಯದಲ್ಲಿ ಗರ್ಭಗೃಹ, ಅಂತರಾಳ ಮತ್ತು ಸಭಾಮಂಟಪ ಇದೆ. ಗರ್ಭಗೃಹದಲ್ಲಿ ಪ್ರಾಚೀನ ಕಾಲದ ಈಶ್ವರ ಲಿಂಗ ಇದರ ಮುಂದೆ ನಂದಿ ಮೂರ್ತಿ ಇದೆ. ಪ್ರಾಚೀನ ಕಾಲದ ಶಿಖರಕ್ಕೆ ಈಚೆಗೆ ನವೀಕರಿಸಲಾಗಿದೆ.

ಶಾಸನಗಳು:ರಾಮಲಿಂಗೇಶ್ವರ ದೇವಾಲಯದ ಮುಂದೆ 12ನೇ ಶತಮಾನಕ್ಕೆ ಸೇರಿದ ಶಾಸನದ ಕೆಲ ಭಾಗಗಳು ದೊರೆತಿವೆ. ಈ ಶಾಸನ ಶಾಪಾಶಯದ ವಿವರ ನೀಡುತ್ತದೆ. ಶಾಸನದ ಕೊನೆಯ ಭಾಗ ಹಾಳಾಗಿದೆ. ಗ್ರಾಮದ ಕೆರೆ ದಂಡೆಯ ಮೇಲೆ ದೊರೆತಿರುವ ಶಾಸನದಲ್ಲಿ ಕಣ್ವಸಾವಿ ಗ್ರಾಮಕ್ಕೆ ಕಲ್ಯಾಣ ಚಾಲುಕ್ಯರ ತ್ರಿಭುವ ನಮಲ್ಲನ ದಂಡನಾಯಕ ಮಹೇಶ್ವರಯ್ಯ ದಾನ ನೀಡಿದ ಉಲ್ಲೇಖವಿದೆ.

ಗ್ರಾಮದಲ್ಲಿ ಐತಿಹಾಸಿಕವಾದ ಬಾವಿ ಇದೆ. ಇದು ಸುತ್ತಲು ಗ್ರಾನೈಟ್ ಕಲ್ಲಿನ ಕಟ್ಟಡದಿಂದ ನಿರ್ಮಾಣವಾಗಿದೆ. 150ಕ್ಕೂ ಹೆಚ್ಚು ಪಾವಟಗಿ ಹೊಂದಿ ಸುಂದರವಾಗಿ ನಿರ್ಮಾಣ ಗೊಂಡಿದೆ.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry