ಎಷ್ಟು ಸರಿ?

ಬುಧವಾರ, ಜೂನ್ 26, 2019
27 °C

ಎಷ್ಟು ಸರಿ?

Published:
Updated:

ಈಚೆಗೆ ಮಂಗಳೂರಿನಲ್ಲಿ ನಡೆದ ಅಡಿಕೆ ಬೆಳೆಗಾರರ ವಾರ್ಷಿಕ ಮಹಾಸಭೆಯಲ್ಲಿ ಭಾಗವಹಿಸಿದ್ದೆ. ಮಧ್ಯಾಹ್ನ ರುಚಿಕಟ್ಟಾದ ಭೋಜನ ವ್ಯವಸ್ಥೆಯಿತ್ತು. ಊಟ ಮಾಡಿದ ಮೇಲೆ ನಾನು ಪ್ಲೇಟ್ ಎಲ್ಲಿ ಹಾಕುವುದೆಂದು ಹುಡುಕಲು ಹೋದೆ.

ಅಲ್ಲಿ ಒಂದು ಕಡೆ ಸುಮಾರು 18-20 ವಯಸ್ಸಿನ ಇಬ್ಬರು ಹುಡುಗರು ಪ್ಲೇಟಿನಲ್ಲಿರುವ ತ್ಯಾಜ್ಯ ವಸ್ತುಗಳನ್ನು ಕೈಯಿಂದ ತೆಗೆದು ಬಕೆಟ್‌ಗೆ ಹಾಕಿ ಆ ಖಾಲಿ ಮಾಡಿದ ಪ್ಲೇಟನ್ನು ತೊಳೆಯುವವರಿಗೆ ಕೊಡಲು ಇನ್ನೊಂದು ಬಕೆಟ್‌ನಲ್ಲಿ ಹಾಕಿ ಇಡುತ್ತಿದ್ದರು.

ನಾನು ಅವರಲ್ಲಿ ‘ಇನ್ನೊಬ್ಬರು ತಿಂದು ಬಿಟ್ಟ ಪದಾರ್ಥವನ್ನು ನೀವು ಏಕೆ ತೆಗೆಯುತ್ತೀರಿ? ಅದಕ್ಕಾಗಿ ಪ್ರತ್ಯೇಕ ಒಂದು ಬಕೆಟ್ ಇಡಿ. ಊಟ ಮಾಡಿ ಪ್ಲೇಟ್ ಇಡಲು ಬಂದವರಲ್ಲಿ ತ್ಯಾಜ್ಯ ವಸ್ತುಗಳನ್ನು ಆ ಬಕೆಟಿಗೇ ಹಾಕಲು ಹೇಳಿ’ ಎಂದೆ. ಅದಕ್ಕೆ ಅವರು ‘ಬೇರೆ ಸಮಾರಂಭಗಳಲ್ಲಿ ಹಾಗೆ ಪ್ರತ್ಯೇಕ ಬಕೆಟ್ ಇಟ್ಟು ನೋಡಿದ್ದೇವೆ. ಆದರೆ ಯಾರೂ ಅದಕ್ಕೆ ತ್ಯಾಜ್ಯವನ್ನು ಹಾಕುವುದಿಲ್ಲ. ಹಾಗಾಗಿ ನಾವೇ ಆ ಕೆಲಸ ಮಾಡುತ್ತೇವೆ’ ಎಂದರು.

21ನೇ ಶತಮಾನದಲ್ಲಿರುವ ಪ್ರಜ್ಞಾವಂತ ನಾಗರಿಕರಾದ ನಾವು ಹೀಗೆ ಮಾಡುವುದು ಎಷ್ಟು ಸರಿ? ಊಟ ಮಾಡಿದವರಿಗೆ ಪ್ಲೇಟಲ್ಲಿ ಉಳಿಸಿದ ಆಹಾರ ಪದಾರ್ಥವನ್ನು ತೆಗೆದು ಬಕೆಟ್‌ಗೆ ಹಾಕುವುದು ಅಷ್ಟೊಂದು ಕಷ್ಟದ ಕೆಲಸವೇ? ಆ ಹುಡುಗರ ಸ್ಥಾನದಲ್ಲಿ ನಾವಿರುತ್ತಿದ್ದರೆ, ನಮ್ಮ ಮಕ್ಕಳು ಇರುತ್ತಿದ್ದರೆ ಎಂದು ನಾವು ಏಕೆ ಯೋಚಿಸುವುದಿಲ್ಲ?

-ಸಹನಾ ಕಾಂತಬೈಲು, ಮಡಿಕೇರಿ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry