ಬೆಂಗಳೂರು: ಕರ್ನಾಟಕ ಬಾಲಕರ ಮತ್ತು ಬಾಲಕಿಯರ ತಂಡದವರು ರಾಜ ಸ್ತಾನದ ದಿಡ್ವಾನದಲ್ಲಿ ನಡೆಯುತ್ತಿರುವ 44ನೇ ರಾಷ್ಟ್ರೀಯ ಸಬ್ ಜೂನಿಯರ್ ಬ್ಯಾಸ್ಕೆಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ ಗೆಲುವಿನ ಸಿಹಿ ಸವಿದಿದ್ದಾರೆ.
ಬಾಂಗೌರ್ ಕಾಲೇಜು ಮೈದಾನದಲ್ಲಿ ಬುಧವಾರ ನಡೆದ ‘ಬಿ’ ಗುಂಪಿನ ಪಂದ್ಯದಲ್ಲಿ ಕರ್ನಾಟಕ ಬಾಲಕಿಯರ ತಂಡ 69–49 ಪಾಯಿಂಟ್ಸ್ನಿಂದ ಕೇರಳ ತಂಡವನ್ನು ಪರಾಭವಗೊಳಿಸಿತು.
ಆರಂಭದಿಂದಲೇ ಚುರುಕಿನ ಆಟ ಆಡಿದ ರಾಜ್ಯ ತಂಡದ ಪರ ಸುನೀಕ್ಷಾ ಮತ್ತು ಸ್ಮೃತಿ ಕ್ರಮವಾಗಿ 14 ಮತ್ತು 10 ಪಾಯಿಂಟ್ಸ್ ಸಂಗ್ರಹಿಸಿ ಮಿಂಚಿದರು.
ಮೊದಲ ಕ್ವಾರ್ಟರ್ನ ಅಂತ್ಯಕ್ಕೆ 13–16ರಿಂದ ಹಿಂದಿದ್ದ ರಾಜ್ಯ ತಂಡ ದವರು ನಂತರ ಮೋಡಿ ಮಾಡಿದರು. ಎರಡನೇ ಕ್ವಾರ್ಟರ್ನಲ್ಲಿ 11–4ರಿಂದ ಮುನ್ನಡೆ ಗಳಿಸಿದ ತಂಡ ನಂತರದ ಕ್ವಾರ್ಟರ್ಗಳಲ್ಲೂ (14–14, 22–15) ಪ್ರಾಬಲ್ಯ ಮೆರೆಯಿತು.
ಬಾಲಕರಿಗೂ ಜಯ: ಬಾಲಕರ ವಿಭಾಗದಲ್ಲಿ ಕರ್ನಾಟಕ ತಂಡ ಎರಡು ಪಂದ್ಯ ಗಳಲ್ಲಿ ಗೆದ್ದಿತು. ಮೊದಲ ಪಂದ್ಯದಲ್ಲಿ 35–21ರಿಂದ ಗುಜರಾತ್ ತಂಡವನ್ನು ಮಣಿಸಿದ ತಂಡ ನಂತರ 50–26ರಿಂದ ನಾಗಲ್ಯಾಂಡ್ ಸವಾಲು ಮೀರಿ ನಿಂತಿತು. ಕರ್ನಾಟಕದ ಪರ ಹರ್ಷ (9 ಪಾಯಿಂಟ್ಸ್) ಮತ್ತು ಅಕ್ಷಯ್ (12) ಮಿಂಚಿದರು.