ಓದುವ ಆಸೆ ಹೆಚ್ಚಿಸುವ ವಿಶೇಷಾಂಕ

ಮಂಗಳವಾರ, ಜೂನ್ 25, 2019
27 °C
ಸಹೃದಯರ ಸ್ಪಂದನ

ಓದುವ ಆಸೆ ಹೆಚ್ಚಿಸುವ ವಿಶೇಷಾಂಕ

Published:
Updated:
ಓದುವ ಆಸೆ ಹೆಚ್ಚಿಸುವ ವಿಶೇಷಾಂಕ

ದೀಪಾವಳಿ ವಿಶೇಷಾಂಕವೆಂದರೆ ನನ್ನಂತಹ ಓದುಗರಿಗೆ ಒಂದು ರೀತಿಯ ಸಂಭ್ರಮವೇ ಸರಿ. ಪ್ರತೀ ವಿಶೇಷಾಂಕವೂ ಓದುವ ಆಸೆಯನ್ನು ಹೆಚ್ಚಿಸುತ್ತಲೇ ಇದೆ. ಇಡೀ ವಿಶೇಷಾಂಕದಲ್ಲಿ ಹೊಸ ತಲೆಮಾರಿನ ತವಕ ತಲ್ಲಣಗಳು, ಹಿರಿಯರ ವಿವೇಕದ ಲೇಖನಗಳು, ವಾರ್ಷಿಕ ಸ್ಪರ್ಧೆಯ ಕಥೆ ಕವನಗಳು ಮನಸ್ಸಿಗೆ ಹಿತ ಅನ್ನಿಸುತ್ತಲೇ ಚಿಂತನೆಗೆ ಹಚ್ಚುತ್ತವೆ.

ವಿಶೇಷಾಂಕದ ಸಂಪಾದಕೀಯದ ಮಾತು ಬುದ್ಧನ ಈ ಪ್ರಸಂಗ ಲೋಕಪ್ರಸಿದ್ಧವಾದದ್ದು ಹಸಿವು ನೀಗಿದಮೇಲೆಯೇ ವಿಚಾರ. ಇದು ನಮ್ಮ ವಚನಕಾರರ ದಾಸೋಹ ಕೂಡಾ ಹೌದು. ಬುದ್ಧನ ಈ ಅರಿವು ನಮಗೆಲ್ಲಾ ಬೆಳಕಿನ ದಾರಿ ದೀಪವೂ ಹೌದು ಹಾಗೂ ಸಾಮಾನ್ಯ ತಿಳಿವಳಿಕೆ ಕೂಡಾ ಆಗಬೇಕು. ಆದರೆ ನಾವೆಲ್ಲಾ ಈ ಹೊತ್ತಿಗೂ ಗೆರೆ ದಾಟಲಾಗದ ಜಾತಿ ಧರ್ಮದೊಳಗಿನ ಸಂಕುಚಿತತೆಯಲ್ಲಿಯೇ ಬೇಯುತ್ತಿದ್ದೇವೆ. ನಮ್ಮ ಮೂಗಿನ ನೇರಕ್ಕೆ ಆಡುವ ನಡೆ ನುಡಿಗಳು ನಮ್ಮನೇ ಹೊಸತನಕ್ಕೆ ತೆರೆದುಕೊಳ್ಳಲಾರದಂತೆ ಕಟ್ಟಿಹಾಕಿವೆ. ಆದರೆ ಅಕ್ಷರದ ಓದು ಮತ್ತು ಅರಿವು ಪ್ರಜ್ಞಾಪೂರ್ವಕವಾಗಿ ನಮ್ಮನ್ನೆಲ್ಲಾ ದಾಟಿಸುತ್ತಲೇ ಇದೆ. ಇಂತಹ ಬಹುಜನರ ಹಿತ ಇದನ್ನೇ ದ್ವನಿಸುತ್ತದೆ.

ಬಹುಮಾನಿತ ಕಥೆ– ಕವಿತೆಗಳು ಕನ್ನಡವನ್ನು ಇನ್ನಷ್ಟು ವಿಸ್ತರಿಸಿದಂತೆ ಭಾಷೆ ಮತ್ತು ಸಾಹಿತ್ಯ ಬಹುತ್ವದ ಕನಸಾಗಿ ಚಲನಶೀಲತೆಯನ್ನು ಹೆಚ್ಚಿಸಿಕೊಳ್ಳುತ್ತಲೇ ಇದೆ. ಇಂತಹುದನ್ನು ನಾವು ಮತ್ತೆ ಮತ್ತೆ ನೋಡುತ್ತಲೇ ಇದ್ದೇವೆ.

ಕೆ.ವೈ.ನಾರಾಯಣಸ್ವಾಮಿಯ ‘ಹುಲಿಯ ಹಾಡು’ ನಾನು ಇಷ್ಟಪಟ್ಟು ಓದಿಸಿ ಕೇಳಿಸಿಕೊಂಡಿದ್ದೆ. ಇದರ ಶೀರ್ಷಿಕೆ ‘ಹುಲಿಯ ಸೀರೆ’ ಅಂತ ಕೇಳಿದ್ದ ನೆನಪು. ಮಹದೇವ ಶಂಕನಪುರ ಅವರ ‘ಲಜ್ಜೆಗೌರಿಯ ಶಿಲಾಶಾಸನ’ ಕಾವ್ಯ ಸೌಂದರ್ಯವನ್ನೇ ಧರಿಸಿನಿಂತ ಚಲುವೆ ಎನ್ನುವಷ್ಟು ಇಷ್ಟವಾಯಿತು ಎಸ್.ಜಿ.ಎಸ್. ಅವರ ‘ಚರಿತ್ರೆ’. ಬಿ.ಆರ್.ಎಲ್. ಅವರ ‘ಸಣ್ಣ ಸಂಗತಿ’ ಕವಿಯ ಒಳ ಸೂಕ್ಷ್ಮಗಳನ್ನು ಬಿಂಬಿಸುವ ವಾಸ್ತವದ ಶ್ರಮಕ್ಕಿರುವ ಬೆಲೆ ದೊಡ್ಡದು ಎನ್ನುವ ಸಾರ್ಥಕತೆ ಕವಿ ಸೋಲುತ್ತಲೇ ಗೆಲ್ಲುವ ಈ ಕವಿತೆ ಅತ್ಯಂತ ಸರಳವಾಗಿ ಮನಸ್ಸಿನೊಳಗೆ ಮಳೆಸುರಿದ ಹಾಗಾಯ್ತು. ಹಾಗೇ ಮತ್ತೆ ಮತ್ತೆ ಕಾಡುವ ಕಣವಿಯವರ ಈ ಸಾಲುಗಳು ‘ಬಾಯಿ ಮುಚ್ಚಿಕೊಂಡಿರಲಿ ಧರ್ಮ ಆಗದೀ ಕಡಿಮೆ ಮೂರ್ಖತನಕ್ಕೆ ಮನುಕುಲದ ಘನತೆ ಹೆಚ್ಚುವುದು’

ವಿಶೇಷಾಂಕದ ಆಶಯ ಕೂಡಾ ಇದೇ ಆಗಿದೆ. ಭಾನುವಾರವೇ ವಿಶೇಷಾಂಕ ಸಿಕ್ಕಿದ್ದರಿಂದ ಒಂದಿಷ್ಟು ಓದಿ ಮುಗಿಸಿದೆ. ಮುಖಪುಟದ ಬುದ್ಧ ಹಿಡಿದ ಬೆಳಕು ಜೀವ ಸಂಕುಲಕ್ಕೆ ಬೆಳಕಾಗಲಿ ಎನ್ನುವುದು ಎಲ್ಲರ ಆಶಯವೇ? ವಿಶೇಷಾಂಕ ರೂಪಿಸಿದ ಎಲ್ಲರಿಗೂ ಅಭಿನಂದಿಸುತ್ತಾ, ಇದರಲ್ಲಿ ದಿನಾ ಬೆಳಗ್ಗೆ ಪೇಪರ್ ಹಾಕುವ ಪ್ರೀತಿಯ ಗೆಳೆಯರಿಗೂ ಕೂಡಾ ನನ್ನ ವಂದನೆಗಳು.

-ಸುಬ್ಬು ಹೊಲೆಯಾರ್

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry