‘ಸರ್ಕಾರ ಒಪ್ಪಿದರೆ ಆರ್‌ಟಿಒ ಶಾಖಾ ಕಚೇರಿ’

‘ಗದಗ ಜಿಲ್ಲೆಯ ರಸ್ತೆ ಸಾರಿಗೆ ಇಲಾಖೆ ಪ್ರತಿ ತಿಂಗಳು ಇಲ್ಲಿ ವಾಹನ ತಪಾಸಣೆ ನಡೆಸುತ್ತದೆ. ಆದರೆ ವಾಹನ ಚಾಲಕರು ಟ್ರಯಲ್ ನೀಡಿ, ಚಾಲನಾ ಪರವಾನಗಿ ಪಡೆಯಲು ಗದಗ ನಗರಕ್ಕೆ ಹೋಗಬೇಕು.

ಆದ್ದರಿಂದ ರೋಣ ತಾಲ್ಲೂಕಿನಲ್ಲಿಯೇ ದೊಡ್ಡದಾದ ಈ ಪಟ್ಟಣದಲ್ಲಿಯೇ ಇಲಾಖೆಯ ಶಾಖಾ ಕಚೇರಿ ತೆರೆದು ಇಲ್ಲಿಗೆ ಪರವಾನಗಿ ನೀಡಬೇಕು. ಈ ಹಿಂದೆ ಇಲ್ಲಿಯೇ ಇದ್ದ ವ್ಯವಸ್ಥೆಯನ್ನು ಮುಂದುವರಿಸಬೇಕು’ ಎಂದು ಪಟ್ಟಣದ ವಿವಿಧ ಸಂಘಟನೆಗಳು ಒತ್ತಾಯಿಸಿದ್ದವು.

‘ಪರವಾನಗಿ ಕಾರ್ಡ್‌ಗೆ ಚಾಲಕರು ಕಂಪ್ಯೂಟರ್ ಮೂಲಕ ತಮ್ಮ ಬೆರಳು ಗುರುತು ಕೊಡಬೇಕಾಗುತ್ತದೆ. ಈ ಹಿಂದೆ ಇದು ಗಣಕೀರಣವಾಗಿರಲಿಲ್ಲ. ಹೀಗಾಗಿ ಅದನ್ನು ಇಲ್ಲಿಯೇ ನೀಡುತ್ತಿದ್ದರು. ಆದರೂ ಸರ್ಕಾರ ಶಾಖಾ ಕಚೇರಿಯನ್ನು ಇಲ್ಲಿ ತೆರೆಯುವುದಾದರೆ ನಮ್ಮ ಅಭ್ಯಂತರವಿಲ್ಲ’ ಎಂದು ನಾಗರಾಜ ಹೇಳಿದರು.