‘ಸುರಂಗ ಮಾರ್ಗದಲ್ಲಿ ಮೂಲಸೌಕರ್ಯ (ಲೀಕಿ ಕೇಬಲ್) ಅಳವಡಿಸಲು ಮೊಬೈಲ್ ಸೇವಾ ಕಂಪೆನಿಗಳಿಗೂ ಬಿಎಂಆರ್ಸಿಎಲ್ ಮುಕ್ತ ಅವಕಾಶ ಕಲ್ಪಿಸಬೇಕಿತ್ತು. ಆದರೆ, ಅವರು ಟೆಂಡರ್ ಆಹ್ವಾನಿಸಿ ಒಂದೇ ಕಂಪೆನಿಗೆ ಇದರ ಗುತ್ತಿಗೆ ನೀಡಿ, ಅದರಿಂದ ಆರ್ಥಿಕ ಲಾಭ ಮಾಡಿಕೊಳ್ಳಲು ಮುಂದಾದರು. ಗುತ್ತಿಗೆ ಪಡೆದ ಕಂಪೆನಿ ಈ ಸೌಲಭ್ಯ ಬಳಸಿಕೊಳ್ಳಲು ದುಬಾರಿ ಶುಲ್ಕ ನಿಗದಿ ಪಡಿಸಿದೆ. ಇಷ್ಟೊಂದು ಮೊತ್ತ ಪಾವತಿಸಿ ಗ್ರಾಹಕರಿಗೆ ಸೇವೆ ಒದಗಿಸಲು ಸಾಧ್ಯವಾಗುವುದಿಲ್ಲ’ ಎಂದು ಮೊಬೈಲ್ ಸೇವಾ ಕಂಪೆನಿಯ ಅಧಿಕಾರಿಯೊಬ್ಬರು ತಿಳಿಸಿದರು.