ನಮ್ಮ ಮೆಟ್ರೊ: ಸೌಕರ್ಯ ಬಳಸಲು ಕಂಪೆನಿಗಳ ಹಿಂದೇಟು

ಬುಧವಾರ, ಜೂನ್ 26, 2019
26 °C
ಸುರಂಗ ಮಾರ್ಗದಲ್ಲಿ ಸಿಗುತ್ತಿಲ್ಲ ಮೊಬೈಲ್‌ ಸಿಗ್ನಲ್‌

ನಮ್ಮ ಮೆಟ್ರೊ: ಸೌಕರ್ಯ ಬಳಸಲು ಕಂಪೆನಿಗಳ ಹಿಂದೇಟು

Published:
Updated:
ನಮ್ಮ ಮೆಟ್ರೊ: ಸೌಕರ್ಯ ಬಳಸಲು ಕಂಪೆನಿಗಳ ಹಿಂದೇಟು

ಬೆಂಗಳೂರು: ‘ನಮ್ಮ ಮೆಟ್ರೊ’ ಸುರಂಗ ಮಾರ್ಗಗಳಲ್ಲಿ ಮೊಬೈಲ್‌ ಸಿಗ್ನಲ್‌ ಒದಗಿಸುವ ಮೂಲಸೌಕರ್ಯವನ್ನು ಬೆಂಗಳೂರು ಮೆಟ್ರೊ ರೈಲು ನಿಗಮ (ಬಿಎಂಆರ್‌ಸಿಎಲ್‌) ಅಳವಡಿಸಿದ್ದರೂ, ಮೊಬೈಲ್‌ ಸೇವಾ ಕಂಪೆನಿಗಳು ಇದನ್ನು ಬಳಸಿಕೊಳ್ಳಲು ಹಿಂದೇಟು ಹಾಕುತ್ತಿವೆ. ಇದರಿಂದಾಗಿ ಪ್ರಯಾಣಿಕರಿಗೆ ಈ ಸೌಲಭ್ಯದ ಪೂರ್ಣ ಪ್ರಯೋಜನ ಲಭಿಸುತ್ತಿಲ್ಲ.

ಸುರಂಗ ಮಾರ್ಗದಲ್ಲಿ ಮೊಬೈಲ್‌ ಸಿಗ್ನಲ್‌ ಸಿಗುವಂತೆ ಮಾಡಲು ಲೀಕಿ ಕೇಬಲ್‌ ತಂತ್ರಜ್ಞಾನ ಬಳಸಲಾಗುತ್ತದೆ. ಇದನ್ನು ಅಳವಡಿಸಲು ನಿಗಮವು ಟೆಂಡರ್‌ ಆಹ್ವಾನಿಸಿತ್ತು. ಇದರ ಗುತ್ತಿಗೆ ಪಡೆದ ಅಮೆರಿಕನ್‌ ಟವರ್‌ ಕಾರ್ಪೊರೇಷನ್‌ (ಎಟಿಸಿ) ಕಂಪೆನಿ ಲೀಕಿ ಕೇಬಲ್‌ಗಳನ್ನು ಅಳವಡಿಸಿದೆ. ಆದರೆ, ಬಹುತೇಕ ಮೊಬೈಲ್‌ ಸೇವಾ ಕಂಪೆನಿಗಳು ಈ ಸೌಕರ್ಯ ಬಳಸಿಕೊಂಡಿಲ್ಲ. ಸದ್ಯಕ್ಕೆ  ಜಿಯೊ ಕಂಪೆನಿ ಮಾತ್ರ ಈ ಸೌಲಭ್ಯ ಬಳಸಿಕೊಂಡು ಗ್ರಾಹಕರಿಗೆ ಸೇವೆ ಒದಗಿಸುತ್ತಿದೆ.

ಈ ಕುರಿತು ಪ್ರತಿಕ್ರಿಯೆ ನೀಡಲು ಪ್ರಮುಖ ಮೊಬೈಲ್‌ ಸೇವಾ ಕಂಪೆನಿಗಳ ವಕ್ತಾರರು ನಿರಾಕರಿಸಿದ್ದಾರೆ.

ಲೀಕಿ ಕೇಬಲ್‌ ಸೌಲಭ್ಯ ಬಳಸಿಕೊಳ್ಳಲು ಮೊಬೈಲ್‌ ಸೇವಾ ಕಂಪೆನಿಗಳು ಎಟಿಸಿ ಕಂಪೆನಿಗೆ ಶುಲ್ಕ ಪಾವತಿಸಬೇಕಾಗುತ್ತದೆ. ಈ ಶುಲ್ಕ ದುಬಾರಿಯಾಗಿರುವುದರಿಂದ ಕಂಪೆನಿಗಳು ಅದನ್ನು ಬಳಸಲು ಹಿಂದೇಟು ಹಾಕುತ್ತಿವೆ ಎಂದು ಮೂಲಗಳು ತಿಳಿಸಿವೆ.

‘ಸುರಂಗ ಮಾರ್ಗದಲ್ಲಿ ಮೂಲಸೌಕರ್ಯ (ಲೀಕಿ ಕೇಬಲ್‌) ಅಳವಡಿಸಲು ಮೊಬೈಲ್‌ ಸೇವಾ ಕಂಪೆನಿಗಳಿಗೂ ಬಿಎಂಆರ್‌ಸಿಎಲ್‌ ಮುಕ್ತ ಅವಕಾಶ ಕಲ್ಪಿಸಬೇಕಿತ್ತು. ಆದರೆ, ಅವರು ಟೆಂಡರ್‌ ಆಹ್ವಾನಿಸಿ ಒಂದೇ ಕಂಪೆನಿಗೆ ಇದರ ಗುತ್ತಿಗೆ ನೀಡಿ, ಅದರಿಂದ ಆರ್ಥಿಕ ಲಾಭ ಮಾಡಿಕೊಳ್ಳಲು ಮುಂದಾದರು. ಗುತ್ತಿಗೆ ಪಡೆದ ಕಂಪೆನಿ ಈ ಸೌಲಭ್ಯ ಬಳಸಿಕೊಳ್ಳಲು ದುಬಾರಿ ಶುಲ್ಕ ನಿಗದಿ ಪಡಿಸಿದೆ. ಇಷ್ಟೊಂದು ಮೊತ್ತ ಪಾವತಿಸಿ ಗ್ರಾಹಕರಿಗೆ ಸೇವೆ ಒದಗಿಸಲು ಸಾಧ್ಯವಾಗುವುದಿಲ್ಲ’ ಎಂದು ಮೊಬೈಲ್‌ ಸೇವಾ ಕಂಪೆನಿಯ ಅಧಿಕಾರಿಯೊಬ್ಬರು ತಿಳಿಸಿದರು.

‘ಮೊಬೈಲ್‌ ಸಿಗ್ನಲ್‌ ಒದಗಿಸುವಂತೆ ಪ್ರಯಾಣಿಕರು ಸಂಬಂಧ ಪಟ್ಟ ಸೇವಾ ಕಂಪೆನಿಯನ್ನೇ ಕೇಳಬೇಕು’ ಎಂದು ಬಿಎಂಆರ್‌ಸಿಎಲ್‌ ಹೇಳಿದೆ.

ಸುರಂಗ ಮಾರ್ಗದಲ್ಲಿ ಮೊಬೈಲ್‌ ಸಿಗ್ನಲ್‌ ಸಿಗುವಂತೆ ಮಾಡುವುದು ಬಿಎಂಆರ್‌ಸಿಎಲ್ ಜವಾಬ್ದಾರಿ ಎಂಬುದು ಪ್ರಯಾಣಿಕರು ಅಭಿಪ್ರಾಯ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry