ಡೈರಿ ಮಿಲ್ಕ್‌ ಅಂದ್ರೆ ಪಂಚಪ್ರಾಣ

ಬುಧವಾರ, ಜೂನ್ 19, 2019
28 °C

ಡೈರಿ ಮಿಲ್ಕ್‌ ಅಂದ್ರೆ ಪಂಚಪ್ರಾಣ

Published:
Updated:
ಡೈರಿ ಮಿಲ್ಕ್‌ ಅಂದ್ರೆ ಪಂಚಪ್ರಾಣ

ಇತ್ತೀಚೆಗಷ್ಟೇ ನಟ ನಾಗಚೈತನ್ಯ ಜತೆ ಸಪ್ತಪದಿ ತುಳಿದ ಸಮಂತಾ ರುತ್ ಪ್ರಭು ನಟಿಯಾದ ಹಾದಿ ಕುತೂಹಲಕರವಾದದ್ದು. ಸ್ವಂತ ಸಾಮರ್ಥ್ಯ ಮತ್ತು ಪ್ರತಿಭೆಯ ಬಲದಿಂದಲೇ ಅಭಿಮಾನಿಗಳನ್ನು ಗಳಿಸಿದ ಸಮಂತಾ ಬಗ್ಗೆ ಕೆಲ ಅಪರೂಪದ ಮಾಹಿತಿಗಳು ಇಲ್ಲಿವೆ.

*ಸಮಂತಾಗೆ ಯಶೋಧಾ ಎನ್ನುವ ಮತ್ತೊಂದು ಹೆಸರೂ ಇದೆ. ಕುಟುಂಬದ ಸದಸ್ಯರು ಮತ್ತು ಸ್ನೇಹಿತರು ಈ ಹೆಸರಿನಿಂದಲೇ ಸಮಂತಾ ಅವರನ್ನು ಕರೆಯುತ್ತಾರೆ. ಈ ಹಿಂದೆ ನಟ ಸಿದ್ಧಾರ್ಥ್ ಸಹ ಸಮಂತಾಳನ್ನು ಯಶು ಎಂದೇ ಕರೆಯುತ್ತಿದ್ದರು.

*ಹಾಲಿವುಡ್‌ನ ಖ್ಯಾತ ನಟಿ ಔಡ್ರೆ ಹೇಪ್‌ಬರ್ನ್ ಅಂದರೆ ಸಮಂತಾಗೆ ತುಂಬಾ ಇಷ್ಟ. ಔಡ್ರೆ ಅಭಿನಯದ ಸಿನಿಮಾಗಳನ್ನು ಇಷ್ಟಪಟ್ಟು ನೋಡುತ್ತಾರಂತೆ. ಔಡ್ರೆಯ ವೃತ್ತಿಪರತೆಯೂ ಸಮಂತಾಗೆ ಮೆಚ್ಚುಗೆ.

*ಸಮಂತಾ ಇಪ್ಪತ್ತರ ಹರೆಯದಲ್ಲಿದ್ದಾಗ ಅವರ ಕುಟುಂಬ ಆರ್ಥಿಕವಾಗಿ ದುಃಸ್ಥಿತಿಯಲ್ಲಿತ್ತು. ಆಗ ಸಮಂತಾ ಬೇರೆಬೇರೆ ಕಡೆ ಪಾರ್ಟ್‌ ಟೈಂ ಕೆಲಸಗಳನ್ನು ಮಾಡುತ್ತಿದ್ದರು. ಅದೇ ಸಮಯದಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟರು. ಆಗ ಸಿನಿಮಾಟೋಗ್ರಾಫರ್ ರವಿವರ್ಮನ್ ಅವರ ಕಣ್ಣಿಗೆ ಬಿದ್ದ ಸಮಂತಾ ಸಿನಿಮಾದಲ್ಲಿ ಅವಕಾಶ ಪಡೆದರು.

*ಕಾಯಿಲೆಪೀಡಿತ ಬಡ ಮಹಿಳೆಯರು ಮತ್ತು ಮಕ್ಕಳ ಸಹಾಯಾರ್ಥವಾಗಿ ಪ್ರತ್ಯೂಷಾ ಎನ್ನುವ ಎನ್‌ಜಿಒವೊಂದರಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಬ್ಯುಸಿ ಶೆಡ್ಯೂಲ್‌ಗಳ ನಡುವೆಯೂ ಈ ಎನ್‌ಜಿಒದ ಕಾರ್ಯಕ್ರಮಗಳಲ್ಲಿ ನಿಯಮಿತವಾಗಿ ಪಾಲ್ಗೊಳ್ಳುತ್ತಾರೆ.

*ಸಮಂತಾ ಅವರ ತಂದೆ ಆಂಧ್ರದವರು, ತಾಯಿ ಕೇರಳದವರು. ಆದರೆ, ಸಮಂತಾ ತಮ್ಮನ್ನು ತಮಿಳು ಹುಡುಗಿ ಎಂದೇ ಕರೆದುಕೊಳ್ಳಲು ಇಷ್ಟಪಡುತ್ತಾರೆ.

*ಸಮಂತಾ ಈಗ ದಕ್ಷಿಣ ಭಾರತದ ನಂಬರ್ ಒನ್ ನಟಿ. ಶಾಲಾ ದಿನಗಳಲ್ಲೂ ಸಮಂತಾ ಮೊದಲನೇ ಸ್ಥಾನವನ್ನು ಯಾರಿಗೂ ಬಿಟ್ಟುಕೊಟ್ಟಿರಲಿಲ್ಲವಂತೆ.

*ಸಮಂತಾ ದಕ್ಷಿಣ ಭಾರತದವರಾದರೂ ಅವರಿಗೆ ಸುಶಿ ಎನ್ನುವ ಜಪಾನಿನ ಖಾದ್ಯ ಇಷ್ಟ.  ಸಿಹಿ ತಿನಿಸುಗಳು ಕೂಡಾ ಇಷ್ಟವಂತೆ.

*‘ಸನ್ ಆಫ್ ಸತ್ಯಮೂರ್ತಿ’ ಸಿನಿಮಾದಲ್ಲಿ ‘ಸುಬ್ಬುಲಕ್ಷ್ಮಿ’ ಎನ್ನುವ ಸಕ್ಕರೆ ಕಾಯಿಲೆಯುಳ್ಳ ನಾಯಕಿ ಪಾತ್ರ ಮಾಡಿದ್ದರು. ಈ ಸಿನಿಮಾ ಮಾಡುವ  ಮುನ್ನವೇ 2013ರಲ್ಲಿ ಸಮಂತಾಗೆ ತಾತ್ಕಾಲಿಕವಾಗಿ ಸಕ್ಕರೆ ಕಾಯಿಲೆ ಬಂದಿತ್ತು. ಹಾಗಾಗಿ, ’ಸುಬ್ಬುಲಕ್ಷ್ಮಿ’ ಪಾತ್ರವನ್ನು ಸುಲಭವಾಗಿ ನಿಭಾಯಿಸಿದರಂತೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry