ಕೆನರಾ ಬ್ಯಾಂಕ್‌ಗೆ ಲಾಭ

ಕಳೆದ ವರ್ಷ ಇದೇ ಅವಧಿಯಲ್ಲಿ ₹357 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಈ ಬಾರಿ ಲಾಭದ ಪ್ರಮಾಣ ಶೇ 27 ರಷ್ಟು ಇಳಿಕೆ ಕಂಡಿದೆ.

‘ಬ್ಯಾಂಕ್‌ನ ಒಟ್ಟು ವರಮಾನ ₹12,187 ಕೋಟಿಗಳಿಂದ ₹ 11,995 ಕೋಟಿಗಳಿಗೆ ಇಳಿಕೆಯಾಗಿದೆ’ ಎಂದು ಕೆನರಾ ಬ್ಯಾಂಕ್‌ನ ವ್ಯವಸ್ಥಾಪಕ ನಿರ್ದೇಶಕ ರಾಕೇಶ್‌ ಶರ್ಮಾ ಅವರು ಶುಕ್ರವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.

‘ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ನಷ್ಟ ಭರಿಸಲು ತೆಗೆದಿರಿಸುವ ಮೊತ್ತವು ₹1,558 ಕೋಟಿಗಳಿಂದ ₹1,950 ಕೋಟಿಗಳಿಗೆ ಏರಿಕೆಯಾಗಿದೆ. ವಸೂಲಿಯಾಗದ ಸಾಲದ (ಎನ್‌ಪಿಎ) ಪ್ರಮಾಣವೂ ಶೇ 6.69 ರಿಂದ ಶೇ 7.02ಕ್ಕೆ ಏರಿದೆ. ಹೀಗಾಗಿ ನಿವ್ವಳ ಲಾಭದಲ್ಲಿ ಇಳಿಕೆ ಕಂಡುಬಂದಿದೆ.