ರಸ್ತೆಯಲ್ಲೇ ಎದ್ದು ಕುಳಿತ ಪೆಟ್ಟಿಗೆ!

ಶುಕ್ರವಾರ, ಜೂನ್ 21, 2019
22 °C

ರಸ್ತೆಯಲ್ಲೇ ಎದ್ದು ಕುಳಿತ ಪೆಟ್ಟಿಗೆ!

Published:
Updated:
ರಸ್ತೆಯಲ್ಲೇ ಎದ್ದು ಕುಳಿತ ಪೆಟ್ಟಿಗೆ!

ತುಮಕೂರು: ರಸ್ತೆಯಲ್ಲೇ ಹೂತು ಹೋಗಿರುವ ಈ ಪೆಟ್ಟಿಗೆ ನಿತ್ಯ ಒಂದಿಲ್ಲೊಂದು ರೀತಿ ಅಪಘಾತಕ್ಕೆ ಕಾರಣವಾಗುತ್ತಿದೆ. ಈ ಕಬ್ಬಿಣದ ಪೆಟ್ಟಿಗೆ ಇರುವುದು ನಗರದ ಎಸ್‌.ಐ.ಟಿ ಮುಖ್ಯ ರಸ್ತೆಯಲ್ಲಿ (ಟಿಜಿಎಂಸಿ ಬ್ಯಾಂಕ್ ಎಟಿಎಂ ಎದುರು).  ಈ ರಸ್ತೆಯಲ್ಲಿ ಸದಾ ವಾಹನ ಸಂಚಾರ, ಜನಸಂಚಾರ ದಟ್ಟಣೆ ಇರುತ್ತದೆ. ವೇಗವಾಗಿ ಸಾಗಿ ಬರುವ ವಾಹನಗಳ ಸವಾರರಿಗೆ ಈ ಪೆಟ್ಟಿಗೆ ಧಿಢೀರ್ ಗೋಚರಿಸುತ್ತದೆ.

ಕೆಲವರು ಬ್ರೇಕ್ ಹಾಕಿ ಪಕ್ಕದಲ್ಲಿ ಹೋದರೆ ಇನ್ನೊಂದಿಷ್ಟು ಸವಾರರು ಇದರ ಮೇಲೆಯೇ ಆಯತಪ್ಪಿ ಬಿದ್ದು ಗಾಯಗೊಂಡಿದ್ದಾರೆ ಎಂದು ಸುತ್ತಮುತ್ತಲಿನ ವ್ಯಾಪಾರಸ್ಥರು ಹೇಳುತ್ತಾರೆ.

ಏನಿದು ಪೆಟ್ಟಿಗೆ?

ಇಲ್ಲಿರುವ ಪೆಟ್ಟಿಗೆ ದೂರ ಸಂಪರ್ಕ ಇಲಾಖೆಗೆ ಸಂಬಂಧಪಟ್ಟಿದ್ದು. 7–8 ವರ್ಷಗಳ ಹಿಂದೆ ಇಲ್ಲಿ ಕಬ್ಬಿಣದ ಪೆಟ್ಟಿಗೆ ಇತ್ತು. ಇಲಾಖೆಯ ಉಪೇಕ್ಷೆಯಿಂದಲೊ ಅಥವಾ ರಸ್ತೆ ನಿರ್ಮಾಣ ಮಾಡುವಾಗಲೊ ಬಿದ್ದಿದೆ. ಅದನ್ನು ಹಾಗೆಯೇ ಬಿಡಲಾಗಿದೆ.

ಅದರ ಮೆಲೆಯೇ ಡಾಂಬರ್ ಹಾಕಿ ರಸ್ತೆ ನಿರ್ಮಾಣ ಮಾಡಿದ್ದು ಉಂಟು. ಕೆಲ ದಿನಗಳ ಬಳಿಕ ಮತ್ತೆ ಈ ಪೆಟ್ಟಿಗೆ ಎದ್ದು ಕುಳಿತು ಅಪಾಯಕ್ಕೆ ಕಾರಣವಾಗುತ್ತಿದೆ. ಸಂಬಂಧಪಟ್ಟವರು ಗಮನಹರಿಸಿ ತೆರವುಗೊಳಿಸಿದರೆ ಸಾರ್ವಜನಿಕರಿಗೆ ಅನುಕೂಲ ಆಗುತ್ತದೆ ಎಂದು ನಾಗರಾಜ್ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry