ವಾಹನಗಳ ನೋಂದಣಿ ಫಲಕ ತೆರವು

ಮಂಗಳವಾರ, ಜೂನ್ 18, 2019
25 °C

ವಾಹನಗಳ ನೋಂದಣಿ ಫಲಕ ತೆರವು

Published:
Updated:

ದೇವನಹಳ್ಳಿ: ‘ಕಾರು ಆ ಕಡೆ ಹೋಗುತ್ತಿದೆ ನೋಡಪ್ಪ. ನಿಲ್ಸು ಇಲ್ಲೊಂದು ಬರುತ್ತಿದೆ ಸೈಡಿಗೆ ಹಾಕ್ಸು. ಏನಪ್ಪ ಯಾವ ಸಂಘಟನೆ ನಿಂದು. ಬೋರ್ಡ್ ಬಿಚ್ಕೋತಿಯೋ ನಾವೇ ಬಿಚ್ಚಬೇಕೋ’– ಇದು ದೇವನಹಳ್ಳಿ ಸಂಚಾರ ಪೊಲೀಸರು ಅಸಮರ್ಪಕ ನೋಂದಣಿ ಫಲಕ ತೆರವು ಕಾರ್ಯಚರಣೆ ವೇಳೆ ಕೇಳಿ ಬಂದ ಮಾತುಗಳು.

ಪೊಲೀಸ್ ಇಲಾಖೆ ಆದೇಶದಂತೆ ಬೆಳಿಗ್ಗೆಯಿಂದಲೇ ಕಾರ್ಯಾಚರಣೆಗೆ ಇಳಿದ ಸಂಚಾರ ಪೊಲೀಸ್ ಇನ್ಸ್ ಪೆಕ್ಟರ್ ಕೆ.ನಾಗರಾಜ್ ನೇತೃತ್ವದ ತಂಡ ದೇವನಹಳ್ಳಿ ನಗರ ಮತ್ತು ನಗರದ ಹೊರವಲಯದ ಬೈಪಾಸ್‌ ರಸ್ತೆ ಬಳಿ ನಾಲ್ಕಾರು ಕಡೆ ನಾಮಫಲಕ ತೆರವುಗೊಳಿಸುವ ಕಾರ್ಯಕ್ಕೆ ಮುಂದಾಗಿತ್ತು.

ಈ ಕುರಿತು ಮಾತನಾಡಿದ ಕೆ.ನಾಗರಾಜ್, ಮೋಟಾರ್ ವಾಹನ ಕಾಯ್ದೆ ವಿರುದ್ಧವಾಗಿ ವಾಹನಗಳ ನೋಂದಣಿ ಸಂಖ್ಯೆ ಫಲಕದ ಮುಂಭಾಗ ಮತ್ತು ಹಿಂಭಾಗದಲ್ಲಿ ಯಾವುದೇ ಸಂಘ ಸಂಸ್ಥೆ ಪದಾಧಿಕಾರಿಗಳು, ಸ್ಥಳೀಯ ಸಂಸ್ಥೆ ಅಧ್ಯಕ್ಷರು ಮತ್ತು ಸದಸ್ಯರು ಕನ್ನಡ ಪ್ರಗತಿಪರ ಸಂಘಟನೆಗಳು, ಸಮುದಾಯದ ಅಧ್ಯಕ್ಷರು ಮತ್ತು ಸದಸ್ಯರು, ನಾಮಫಲಕ ಅಳವಡಿಸಿಕೊಳ್ಳುವುದು ಕಾನೂನುಬಾಹಿರ ಎಂದರು.

ಸಂಘಟನೆಗಳ ಹೆಸರಿನಲ್ಲಿ ನಾಮಫಲಕ ಹಾಕಿಕೊಂಡು ಕೆಲವರು ವಾಗ್ವಾದ ನಡೆಸುವುದು, ರಸ್ತೆ ನಿಯಮ ಉಲ್ಲಂಘಿಸುವುದು, ವಿನಾಕಾರಣ ವಾಹನ ಚಾಲಕರಿಗೆ ಕಿರಿಕಿರಿಯನ್ನುಂಟು ಮಾಡುವುದು ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ ಎಂದರು. ಇದು ಮೊದಲ ಬಾರಿಗೆ ದೇವನಹಳ್ಳಿ ಭಾಗದಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದು, ಇದು ನಿರಂತರವಾಗಲಿದೆ.ನಾಮಫಲಕ ದುರುಪಯೋಗವಾಗುತ್ತಿದೆ. ಇದನ್ನು ಪರಿಗಣಿಸಿ ಪ್ರಸ್ತುತ 38 ಪ್ರಕರಣ ದಾಖಲಿಸಿ ದಂಡ ವಿಧಿಸಲಾಗಿದೆ ಎಂದರು. 

ದೂರು ದಾಖಲಾದ ಪ್ರಕರಣಗಳ ಸಂಘ ಸಂಸ್ಥೆಗಳ ವಾಹನಗಳ ಸಂಖ್ಯೆ: ಜಯ ಕರ್ನಾಟಕ ಸಂಘಟನೆ ಮೂರು, ಕೆಂಪೇಗೌಡ ಸೇನೆ ಎರಡು, ಕರ್ನಾಟಕ ರಕ್ಷಣಾ ವೇದಿಕೆ 12, ಮಾನವ ಹಕ್ಕುಗಳು–ಐದು, ಕರ್ನಾಟಕ ಸರ್ಕಾರ–ಎರಡು, ವಾಲ್ಮೀಕಿ ಸಂಘ–ಒಂದು, ದಲಿತ ಸಂರಕ್ಷಣಾ ವೇದಿಕೆ ಒಂದು, ಕರ್ನಾಟಕ ರಾಜ್ಯ ರೈತ ಸಂಘ ಮತ್ತು ಹಸಿರು ಸೇನೆ ಒಂದು ಆಗಿದೆ.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ಒಂದು, ಕೋಲಾರ ತರಬೇತಿ ಕೇಂದ್ರ ಒಂದು, ದೇವನಹಳ್ಳಿ ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ಎರಡು, ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷರು ಎರಡು, ದಲಿತ ಸಂರಕ್ಷಣಾ ವೇದಿಕೆ ಅಧ್ಯಕ್ಷ ಎರಡು, ಚನ್ನರಾಯಪಟ್ಟಣ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಒಂದು, ಅಖಿಲ ಕರ್ನಾಟಕ ಡಾ. ಸುಬಾಷ್ ಭರಣಿ ಅಭಿಯಾನಿಗಳ ಸಂಘ ಒಂದು– ಹೀಗೆ ಒಟ್ಟು 38, ಸಂಘ ಸಂಸ್ಥೆಗಳ ನಾಮಫಲಕ ತೆರವುಗೊಳಿಸಿ ಪದಾಧಿಕಾರಿಗಳಿಗೆ ಆಘಾತ ನೀಡಲಾಯಿತು. ಸಂಚಾರ ಪೊಲೀಸರ ಈ ಕ್ರಮವು ಸಾರ್ವಜನಿಕವಾಗಿ ತೊಂದರೆಗೆ ಒಳಗಾದ ಜನರ ಪ್ರಶಂಸೆಗೆ ಕಾರಣವಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry