ನ್ಯೂಯಾರ್ಕ್: ಇಸ್ಲಾಮಿಕ್ ಸ್ಟೇಟ್ (ಐಎಸ್) ಉಗ್ರರಿಂದ ಪ್ರಚೋದಿತನಾದ ವ್ಯಕ್ತಿಯೊಬ್ಬ ಇಲ್ಲಿನ ವಿಶ್ವ ವ್ಯಾಪಾರ ಕೇಂದ್ರದ ಸಮೀಪ ಪಾದಚಾರಿ ಮಾರ್ಗದ ಮೇಲೆ ಟ್ರಕ್ ಹರಿಸಿ ಎಂಟು ಜನರನ್ನು ಹತ್ಯೆ ಮಾಡಿದ್ದಾನೆ. ಘಟನೆಯಲ್ಲಿ 11 ಮಂದಿ ಗಾಯಗೊಂಡಿದ್ದಾರೆ.
9/11 ಬಳಿಕ ನಡೆದ ಭೀಕರ ದಾಳಿ ಇದು ಎಂದು ಕರೆಯಲಾಗಿದೆ.
ದಾಳಿಕೋರ ಉಜ್ಬೇಕಿಸ್ತಾನದ ಸೈಫುಲ್ಲೊ ಸಾಯ್ಪೊವ್ (29) ಎಂದು ಗುರುತಿಸಲಾಗಿದೆ. ಈ ಉಗ್ರನನ್ನು ಪೊಲೀಸರು ಗುಂಡಿಟ್ಟು ಹತ್ಯೆ ಮಾಡಿದ್ದಾರೆ. 2010ರಲ್ಲಿ ಈತ ಉಜ್ಬೇಕಿಸ್ತಾನದಿಂದ ಅಮೆರಿಕಕ್ಕೆ ವಲಸೆ ಬಂದಿದ್ದ.
ಅತ್ಯಂತ ಜನನಿಬಿಡ ಮ್ಯಾನ್ಹಟನ್ನ ಪಶ್ಚಿಮ ತುದಿ ಹಾಗೂ ಹಡ್ಸನ್ ನದಿಯನ್ನು ಸೇರಿಸುವ ಮಾರ್ಗದಲ್ಲಿ ಈ ಅವಘಡ ನಡೆದಿದೆ.