ಪಾಕಿಸ್ತಾನಕ್ಕೆ ₹1624 ಕೋಟಿ ಸೇನಾ ನೆರವಿಗೆ ಅಮೆರಿಕ ತಡೆ; ಭದ್ರತಾ ಸಮಿತಿ ಸಭೆ ಕರೆದ ಪಾಕಿಸ್ತಾನ ಪ್ರಧಾನಿ

2016ನೇ ಸಾಲಿನ ವಿದೇಶಿ ಸೇನಾ ನೆರವಿನ ಅಡಿ ಪಾಕಿಸ್ತಾನಕ್ಕೆ 255 ಮಿಲಿಯನ್ ಡಾಲರ್‌ ಅನುದಾನ ನೀಡುವ ಯೋಚನೆ ಅಮೆರಿಕಕ್ಕೆ ಇಲ್ಲ ಎಂದು ಶ್ವೇತ ಭವನದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

'ಕಳೆದ 15 ವರ್ಷಗಳಿಂದ ಅಮೆರಿಕವು ಮೂರ್ಖತನದಿಂದ ಪಾಕಿಸ್ತಾನಕ್ಕೆ ₹ 2.10 ಲಕ್ಷ ಕೋಟಿ (33ಬಿಲಿಯನ್‌ ಡಾಲರ್‌) ನೆರವು ನೀಡುತ್ತಾ ಬಂದಿದೆ. ಅದಕ್ಕೆ ಪ್ರತಿಯಾಗಿ ಸುಳ್ಳು, ವಂಚನೆ ಬಿಟ್ಟು ಏನನ್ನೂ ನೀಡಿಲ್ಲ. ನಮ್ಮ ನಾಯಕರನ್ನೂ ಮೂರ್ಖರು ಎಂದು ಭಾವಿಸಿದ್ದಾರೆ. ಅಫ್ಗಾನಿಸ್ತಾನದಲ್ಲಿ ನಾವು ಹುಡುಕುತ್ತಿರುವ ಉಗ್ರರಿಗೆ ಪಾಕಿಸ್ತಾನ ಸ್ವರ್ಗವಾಗಿದೆ’ ಎಂದು ಹೊಸ ವರ್ಷದ ದಿನ ಟ್ರಂಪ್‌ ಟ್ವೀಟ್‌ ಮಾಡಿದ್ದರು.