ಎಂಜಿನಿಯರ್ ಮನೆಯಲ್ಲಿ ₹ 13 ಲಕ್ಷ ಮೌಲ್ಯದ ಸೀರೆ!

ಬೆಂಗಳೂರು: ಲೋಕೋಪಯೋಗಿ ಇಲಾಖೆ ಸಹಾಯಕ ಎಂಜಿನಿಯರ್ ಮನೆಯಲ್ಲಿ ಬರೋಬ್ಬರಿ ₹ 13 ಲಕ್ಷ ಮೌಲ್ಯದ ಬಗೆಬಗೆಯ ಸೀರೆಗಳು ಪತ್ತೆಯಾಗಿವೆ!

. ಅದಾಯ ಮೀರಿ ಆಸ್ತಿ ಗಳಿಸಿದ ಮಾಹಿತಿ ಆಧರಿಸಿ ಹಾಸನ ಜಿಲ್ಲೆಯ ಸಕಲೇಶಪುರದಲ್ಲಿರುವ ಎಂಜಿನಿಯರ್ ವೆಂಕಟೇಶ್ ಮನೆ ಮತ್ತು ಕಚೇರಿ ಮೇಲೆ ಗುರುವಾರ(ಇದೇ 4ರಂದು) ದಾಳಿ ನಡೆಸಿದ್ದ ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ಅಧಿಕಾರಿಗಳು, ಅಪಾರ ಪ್ರಮಾಣದ ಆಸ್ತಿ ಪತ್ತೆ ಹಚ್ಚಿದ್ದಾರೆ.

. ವೆಂಕಟೇಶ್ಗೆ ಸೇರಿದ ನಾಲ್ಕು ನಿವೇಶನ, ಒಂದು ಮನೆ ಮತ್ತು ನಾಲ್ಕು ಎಕರೆ ಜಮೀನಿಗೆ(ಫಾರಂ) ಸಂಬಂಧಿಸಿದ ದಾಖಲೆಗಳನ್ನು ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ಅಲ್ಲದೆ, ₹ 4 ಲಕ್ಷ ಮೌಲ್ಯದ ವಿಮಾ ಪಾಲಿಸಿ ಬಾಂಡ್ಗಳು, ತಲಾ ಎರಡು ಕಾರು ಮತ್ತು ಬೈಕ್, ಒಂದೂವರೆ ಕೆ.ಜಿ ಚಿನ್ನ, ಮೂರು ಕೆ.ಜಿ ಬೆಳ್ಳಿ ವಸ್ತುಗಳು, ₹ 52,000 ನಗದು ಸಿಕ್ಕಿದೆ ಎಂದು ಎಸಿಬಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

. ವಿವಿಧ ಅಧಿಕಾರಿಗಳ ಬಳಿ ಪತ್ತೆಯಾದ ಆಸ್ತಿ ವಿವರ

. * ಬಿ.ಟಿ. ಕುಮಾರಸ್ವಾಮಿ, ಉಪ ವಿಭಾಗಾಧಿಕಾರಿ, ಬಳ್ಳಾರಿ

. ಚಿತ್ರದುರ್ಗ ಜಿಲ್ಲೆಯ ವಿವಿಧೆಡೆ 13 ಎಕರೆ ಜಮೀನು, ಒಂದೂವರೆ ಕೆ.ಜಿ ಚಿನ್ನ, 200 ಗ್ರಾಂ ಬೆಳ್ಳಿ ವಸ್ತುಗಳು, ₹ 4 ಲಕ್ಷ ನಗದು.

. * ಎನ್.ಆರ್.ಎಂ. ನಾಗರಾಜನ್, ಕೆಪಿಟಿಸಿಎಲ್ ಸೂಪರಿಂಟೆಂಡೆಂಟ್ ಎಂಜಿನಿಯರ್, ಬೆಂಗಳೂರು

. ಬೆಂಗಳೂರಿನಲ್ಲಿ ಎರಡು ಮನೆ, ಬೆಂಗಳೂರು, ರಾಯಚೂರು, ಹೊಸಪೇಟೆ ಮತ್ತು ಸಿಂಧನೂರಿನಲ್ಲಿ ಒಟ್ಟು 10 ನಿವೇಶನ, ಕಾರು, ಮೋಟಾರ್ ಬೈಕ್, 798 ಗ್ರಾಂ ಚಿನ್ನ, ಐದೂವರೆ ಕೆ.ಜಿ ಬೆಳ್ಳಿ ವಸ್ತುಗಳು ಹಾಗೂ ₹ 91,000 ನಗದು.

. * ಬಿ.ಎಸ್. ಪ್ರಹ್ಲಾದ್, ಸೂಪರಿಂಟೆಂಡೆಂಟ್ ಎಂಜಿನಿಯರ್, ಬಿಬಿಎಂಪಿ, ಬೆಂಗಳೂರು

. ಬೆಂಗಳೂರಿನಲ್ಲಿ ನಿವೇಶನ, ಎರಡು ಮನೆ, ಮೂರು ವಾಣಿಜ್ಯ ಕಟ್ಟಡ, 40 ಗುಂಟೆ ಜಮೀನು, ಚಿಕ್ಕಬಳ್ಳಾಪುರದಲ್ಲಿ ಐದು ನಿವೇಶನ, ಶಿಡ್ಲಘಟ್ಟ, ತುಮಕೂರಿನಲ್ಲಿ ಒಂದೊಂದು ನಿವೇಶನ, ಎರಡು ಕಾರು, ಬೈಕ್, 731 ಗ್ರಾಂ ಚಿನ್ನ, 865 ಗ್ರಾಂ ಬೆಳ್ಳಿ ವಸ್ತುಗಳು, ₹ 94,000 ನಗದು.

. * ಆರ್.ವಿ. ಕಾಂತರಾಜು, ನಗರ ಯೋಜನೆ ಉಪನಿರ್ದೇಶಕ(ಬಿಡಿಎ), ಬೆಂಗಳೂರು

. ಬೆಂಗಳೂರಿನಲ್ಲಿ ಐದು ಮನೆ, ರಾಮನಗರ ಜಿಲ್ಲೆಯಲ್ಲಿ 10 ಎಕರೆ ಕೃಷಿ ಜಮೀನು, ಕಾರು, ಬೈಕ್, ಒಂದೂವರೆ ಕೆ.ಜಿ ಚಿನ್ನ, ನಾಲ್ಕೂವರೆ ಕೆ.ಜಿ ಬೆಳ್ಳಿ ವಸ್ತುಗಳು, ₹ 37,000 ನಗದು.

. * .ಎಸ್. ಬಾಲನ್, ಸಹಾಯಕ ಕಾರ್ಯಪಾಲಕ ಎಂಜಿನಿಯರ್, ಕರ್ನಾಟಕ ನೀರಾವರಿ ನಿಗಮ, ಭದ್ರವತಿ.

. ಹೊನ್ನಾವರದಲ್ಲಿ ನಾಲ್ಕು ಮನೆ, ಬೆಂಗಳೂರಿನಲ್ಲಿ ಮನೆ, ದಾವಣಗೆರೆಯ ವಿವಿಧೆಡೆ 14 ಎಕರೆ 8 ಗುಂಟೆ ಜಮೀನು, ಮೂರು ಕಾರು, ಎರಡು ಬೈಕ್, ₹ 5 ಲಕ್ಷ ಮೌಲ್ಯದ ಆಭರಣ, ₹ 4 ಲಕ್ಷ ಮೌಲ್ಯದ ಗೃಹಬಳಕೆ ವಸ್ತುಗಳು.

. * ಜೆ.ಸಿ. ಜಗದೀಶಪ್ಪ, ಕೆಪಿಟಿಸಿಎಲ್ ಸಹಾಯಕ ಕಾರ್ಯಪಾಲಕ ಎಂಜಿನಿ ಯರ್, ಹೊನ್ನಾಳಿ.

. ದಾವಣಗೆರೆಯಲ್ಲಿ ಐದು ನಿವೇಶನ, ಶಿವಮೊಗ್ಗದಲ್ಲಿ ಎರಡು ನಿವೇಶನ, ಬೆಂಗಳೂರಿನಲ್ಲಿ ನಿವೇಶನ, ಧಾರವಾಡದಲ್ಲಿ ಎರಡು ಫ್ಲಾಟ್, ಕಾರು, ಎರಡು ಬೈಕ್, 196 ಗ್ರಾಂ ಚಿನ್ನ, 180 ಗ್ರಾಂ ಬೆಳ್ಳಿ ವಸ್ತುಗಳು.

. * ಅಶೋಕಗೌಡಪ್ಪ ಪಾಟೀಲ, ನರಗುಂದ ತಾಲ್ಲೂಕು ಪಂಚಾಯ್ತಿ ಕಾರ್ಯನಿರ್ವಹಣಾಧಿಕಾರಿ, ಗದಗ ಜಿಲ್ಲೆ

. ವಿವಿಧೆಡೆ ಎರಡು ನಿವೇಶನ, 815 ಗ್ರಾಂ ಚಿನ್ನ, 2 ಕೆ.ಜಿ 600 ಗ್ರಾಂ ಬೆಳ್ಳಿ ವಸ್ತುಗಳು.

. * ಸೋಮಪ್ಪ ಟಿ. ಲಮಾಣಿ, ವಿಜಯಪುರ ಜಿಲ್ಲಾ ಪಂಚಾಯ್ತಿ ಎಂಜಿನಿಯರಿಂಗ್ ವಿಭಾಗದ ಶಾಖಾಧೀಕ್ಷಕ

. ವಿವಿಧೆಡೆ ಎರಡು ನಿವೇಶನ, 4 ಎಕರೆ 20 ಗುಂಟೆ ಜಮೀನು, ಕಾರು, ಬೈಕ್, ₹ 8 ಲಕ್ಷ ಬ್ಯಾಂಕ್ ಠೇವಣಿ.

. * ನರಸಿಂಹಲು, ತೆರಿಗೆ ಮೌಲ್ಯಮಾಪಕ, ಬಿಬಿಎಂಪಿ ಸಿ.ವಿ. ರಾಮನ್ನಗರ ಉಪವಿಭಾಗ, ಬೆಂಗಳೂರು

. ಬೆಂಗಳೂರಿನಲ್ಲಿ ಮೂರು ಮನೆ, ನಾಲ್ಕು ನಿವೇಶನ, ವಾಣಿಜ್ಯ ಕಟ್ಟಡ, ಕಾರು, ಎರಡು ಬೈಕ್, 300 ಗ್ರಾಂ ಚಿನ್ನ, 900 ಗ್ರಾಂ ಬೆಳ್ಳಿ ವಸ್ತುಗಳು.

. * ಅಮರೇಶ ಬೆಂಚಮರಡಿ, ನಗರಸಭೆ ಸ್ಯಾನಿಟರಿ ಇನ್ಸ್ಪೆಕ್ಟರ್, ರಾಯಚೂರು

. ವಿವಿಧೆಡೆ ಎರಡು ಫ್ಲಾಟ್, ₹ 5 ಲಕ್ಷ ಬೆಲೆಯ ಗೃಹ ಬಳಕೆ ವಸ್ತುಗಳು, ವಾಹನಗಳು, 530 ಗ್ರಾಂ ಚಿನ್ನ, 4 ಕೆ.ಜಿ 900 ಗ್ರಾಂ ಬೆಳ್ಳಿ ವಸ್ತುಗಳು, ₹ 5.67 ಲಕ್ಷ ನಗದು.

. ಪಿಡಿಒ 8 ನಿವೇಶನಗಳ ಒಡತಿ

. ನೆಲಮಂಗಲ ತಾಲ್ಲೂಕಿನ ವಾಜರಹಳ್ಳಿ ಗ್ರಾಮ ಪಂಚಾಯ್ತಿ ಅಭಿವೃದ್ಧಿ ಅಧಿಕಾರಿ ರೇಖಾ, ನೆಲಮಂಗಲದಲ್ಲಿ ನಾಲ್ಕು ಅಂತಸ್ತಿನ ಮನೆ, 8 ನಿವೇಶನಕ್ಕೆ ಒಡತಿ. ಕಾರು, ಎರಡು ಬೈಕ್, ₹ 34.4 ಲಕ್ಷ ಬ್ಯಾಂಕ್ ಠೇವಣಿ, 264 ಗ್ರಾಂ ಚಿನ್ನ, 100 ಗ್ರಾಂ ಬೆಳ್ಳಿ, ಬ್ಯಾಂಕ್ ಖಾತೆಯಲ್ಲಿ ₹ 1.7 ಲಕ್ಷ, ₹ 55,000 ನಗದು ಪತ್ತೆಯಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಂಜಿನಿಯರ್ ಮನೆಯಲ್ಲಿ ₹ 13 ಲಕ್ಷ ಮೌಲ್ಯದ ಸೀರೆ!

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ