ರಾಮ್ಪುರ(ಉತ್ತರಪ್ರದೇಶ): ಪ್ರಧಾನಿ ನರೇಂದ್ರ ಮೋದಿ ₹1000 ಮತ್ತು ₹500 ಮುಖಬೆಲೆಯ ನೋಟುಗಳನ್ನು ರದ್ದುಪಡಿಸಿದ್ದರು. ಇದೀಗ ಭಿಕ್ಷುಕ ಸಮೂಹ ₹1 ಮುಖಬೆಲೆ ನಾಣ್ಯವನ್ನು ಸ್ವಯಂ ಪ್ರೇರಿತರಾಗಿ ರದ್ದುಪಡಿಸಿಕೊಳ್ಳಲು ನಿರ್ಧರಿಸಿದ್ದಾರೆ.
ಉತ್ತರಪ್ರದೇಶ ರಾಮ್ಪುರದ ಭಿಕ್ಷುಕರು ₹1ರ ನಾಣ್ಯವನ್ನು ಸ್ವೀಕರಿಸದಿರಲು ನಿರ್ಧರಿಸಿದ್ದಾರೆ. ‘ಪ್ರಧಾನಿ ನರೇಂದ್ರ ಮೋದಿ ₹1000, ₹500ರ ನೋಟುಗಳನ್ನು ರದ್ದುಪಡಿಸಿದ್ದರು. 50 ಪೈಸೆಯಷ್ಟು ಗಾತ್ರದ ₹1 ನಾಣ್ಯವನ್ನು ನಾವು ಈಗ ರದ್ದುಪಡಿಸುತ್ತಿದ್ದೇವೆ’ ಎಂದು ಭಿಕ್ಷುಕ ಶುಕ್ರ ಮಣಿ ಹೇಳಿದರು.
ನಾಣ್ಯದ ಗಾತ್ರದ ಕಾರಣದಿಂದಲೇ ರಿಕ್ಷಾ ಗಾಡಿಯವರು, ಅಂಗಡಿಯವರು ₹1 ನಾಣ್ಯವನ್ನು ಸ್ವೀಕರಿಸುತ್ತಿಲ್ಲ ಎಂದು ಆರೋಪಿಸಿದರು.