ಗುರುವಾರ , ಜೂಲೈ 2, 2020
22 °C

ಭಾರತ ಭೇಟಿ: ಮೋಷೆ ಸಂಭ್ರಮ

ಪಿಟಿಐ Updated:

ಅಕ್ಷರ ಗಾತ್ರ : | |

ಭಾರತ ಭೇಟಿ: ಮೋಷೆ ಸಂಭ್ರಮ

ಜೆರುಸಲೇಂ : 2008ರ ಮುಂಬೈ ದಾಳಿಯಲ್ಲಿ ತಂದೆ–ತಾಯಿಯನ್ನು ಕಳೆದುಕೊಂಡ ಇಸ್ರೇಲಿ ಬಾಲಕ ಮೋಷೆ ಹೋಲ್ಟ್ಸ್‌ಬರ್ಗ್ (11) ತನ್ನ ಉದ್ದೇಶಿತ ಭಾರತ ಭೇಟಿ ಬಗ್ಗೆ ಭಾವೋದ್ವೇಗಕ್ಕೆ ಒಳಗಾಗಿದ್ದಾನೆ ಮತ್ತು ಹರ್ಷಚಿತ್ತನಾಗಿದ್ದಾನೆ. ಈ ತಿಂಗಳ ಅಂತ್ಯದಲ್ಲಿ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಭಾರತಕ್ಕೆ ಭೇಟಿ ನೀಡುತ್ತಿದ್ದು, ಮೋಷೆ ಅವರ ಜೊತೆ ಬರಲಿದ್ದಾನೆ.

ಉಗ್ರರ ದಾಳಿ ನಡೆದಾಗ ಮೋಷೆಯ ತಂದೆ–ತಾಯಿ ಮೃತಪಟ್ಟಿದ್ದರು. ಆಗ ಈತನಿಗೆ ಎರಡು ವರ್ಷವಾಗಿತ್ತು. ತಂದೆ– ತಾಯಿಯ ಮೃತದೇಹದ ಸಮೀಪ ಅಳುತ್ತಾ ನಿಂತಿದ್ದ ಮೋಷೆಯನ್ನು ದಾದಿ ಸಾಂದ್ರಾ ಸಾಮ್ಯುಯಲ್ ರಕ್ಷಿಸಿದ್ದರು. ದಾಳಿ ನಡೆದಾಗ ಸಾಂದ್ರಾ ಅವರು ಕೊಠಡಿಯೊಂದರದಲ್ಲಿ ಅಡಗಿಕೊಂಡು ಬಚಾವಾಗಿದ್ದರು.

‘ತನ್ನ ಹುಟ್ಟೂರು ಮುಂಬೈಗೆ ನಂತರ ಬರುತ್ತಿರುವ ಮೋಷೆ, ತಂದೆ ತಾಯಿಗೆ ಸಂಬಂಧಿಸಿದ ಹಲವು ಘಟನೆಗಳನ್ನು ನಮ್ಮಿಂದ ಕೇಳಿ ತಿಳಿದುಕೊಂಡಿದ್ದಾನೆ’ ಎಂದು ಮೋಷೆ ಅಜ್ಜ ರಬ್ಬಿ ಶಿಮನ್‌ ರೋಸೆನ್‌ಬರ್ಗ್‌ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.