ಶೂಟಿಂಗ್: ಸಾಹು ಮಾನೆಗೆ ಚಿನ್ನದ ಪದಕ

ಶನಿವಾರ ನಡೆದ ಎಂಟು ಶೂಟರ್ ಗಳ ನಡುವಿನ ಫೈನಲ್‌ನಲ್ಲಿ ಸಾಹು 248.6 ಪಾಯಿಂಟ್ಸ್ ಕಲೆ ಹಾಕಿ ₹ 1 ಲಕ್ಷ ಬಹುಮಾನ ಪಡೆದರು. ಪಶ್ಚಿಮ ಬಂಗಾಳದ ಮೆಹುಲಿ ಫೋಷ್ 248.3 ಪಾಯಿಂಟ್ಸ್ ಗಳಿಸಿ ತುರುಸಿನ ಪೈಪೋಟಿ ಒಡ್ಡಿದರು. ಮೆಹುಲಿ ಎರಡನೇ ಸ್ಥಾನ ಗಳಿಸಿ ₹ 50 ಸಾವಿರ ತಮ್ಮದಾಗಿಸಿಕೊಂಡರು.

ಗದಗ ಜಿಲ್ಲೆಯ ಲಕ್ಕುಂಡಿಯ ಮೇಘನಾ ಸಜ್ಜನವರ 226.7 ಪಾಯಿಂಟ್ಸ್ ಕಲೆ ಹಾಕಿ ಕಂಚಿನ ಪದಕ ಪಡೆದರು. ಇವರಿಗೆ ₹ 25 ಸಾವಿರ ಲಭಿಸಿತು.

ಕರ್ನಾಟಕದ ರಾಕೇಶ್ ಮನಪತ್ (203.8ಪಾಂ.) ನಾಲ್ಕನೇ ಸ್ಥಾನ ಗಳಿಸಿದರು. ಆತಿಥೇಯ ರಾಜ್ಯದ ಕೆ.ಪಿ. ಸುಹಾಸ್ (184.3), ಕೆ. ತೇಜಸ್ (162.8), ಆರ್.ಡಿ . ಸೂರ್ಯ (139.8) ಮತ್ತು ಮಹಾರಾಷ್ಟ್ರದ ವೀಣಾ ಬಿ. ಪಾಟೀಲ (119.2) ಕ್ರಮವಾಗಿ ನಂತರದ ನಾಲ್ಕು ಸ್ಥಾನ ಪಡೆದರು.

ಸನ್ಮಾನ: ಒಲಿಂಪಿಯನ್ ಗಳಾದ ಚಿಕ್ಕಬಳ್ಳಾಪುರದ ಸುಮಾ ಶಿರೂರ ಮತ್ತು ಬೆಂಗಳೂರಿನ ಪಿ.ಎನ್. ಪ್ರಕಾಶ್ ಅವರನ್ನು ಅಕಾಡೆಮಿ ವತಿಯಿಂದ ಸನ್ಮಾನಿಸಲಾಯಿತು.

ಭಾನುವಾರದಿಂದ ಎರಡು ದಿನ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆ ನಡೆಯಲಿವೆ. ಪ್ರಕಾಶ್ ಅವರು ಈ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುತ್ತಾರೆ.