ಭಿನ್ನ ಸಮಯ ವಲಯ: ನಿರ್ಧಾರ ಕೈಗೊಳ್ಳದ ಸರ್ಕಾರ

7

ಭಿನ್ನ ಸಮಯ ವಲಯ: ನಿರ್ಧಾರ ಕೈಗೊಳ್ಳದ ಸರ್ಕಾರ

Published:
Updated:

ನವದೆಹಲಿ: ದೇಶದಲ್ಲಿ ಭಿನ್ನ ಸಮಯ ವಲಯಗಳನ್ನು ನಿಗದಿ ಮಾಡುವ ಕುರಿತು ಸರ್ಕಾರ ಇನ್ನೂ ನಿರ್ಧರಿಸಿಲ್ಲ ಎಂದು ಸರ್ಕಾರ ಲೋಕಸಭೆಗೆ ಬುಧವಾರ ತಿಳಿಸಿದೆ.

‘ಸರ್ಕಾರವು 2002ರಲ್ಲೇ ಉನ್ನತ ಮಟ್ಟದ ಸಮಿತಿಯೊಂದನ್ನು ರಚಿಸಿದೆ. ಸಂಕೀರ್ಣ ಪ್ರಕ್ರಿಯೆ ಇರುವ ಕಾರಣ ಎರಡು ಪ್ರತ್ಯೇಕ ಸಮಯ ವಲಯ ನಿಗದಿಪಡಿಸಲು ಸಮಿತಿಯು ಶಿಫಾರಸು ಮಾಡಿಲ್ಲ’ ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಹರ್ಷವರ್ಧನ್ ತಿಳಿಸಿದ್ದಾರೆ. ಸಂಸದ ವರುಣ್ ಗಾಂಧಿ ಅವರು ಈ ಸಂಬಂಧ ಪ್ರಶ್ನೆ ಮುಂದಿಟ್ಟಿದ್ದರು.

ವಿಸ್ತಾರವಾದ ಭೂ ಭಾಗವನ್ನು ಹೊಂದಿರುವ ಭಾರತದಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತದ ಸಮಯವು ಪೂರ್ವ ಮತ್ತು ಪಶ್ಚಿಮ ವಲಯಗಳಲ್ಲಿ ಭಿನ್ನವಾಗಿದೆ. ಹೀಗಾಗಿ ಈಶಾನ್ಯ ರಾಜ್ಯಗಳಿಗೆ ಪ್ರತ್ಯೇಕ ಸಮಯ ವಲಯವನ್ನು ನಿಗದಿಮಾಡಬೇಕು ಎಂಬ ಬೇಡಿಕೆ ದೀರ್ಘ ಕಾಲದಿಂದಲೂ ಇದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry