ಇಷ್ಟೆಲ್ಲ ನೋಡುವಷ್ಟರಲ್ಲಿ ಅಜ್ಜಿ ಅಡುಗೆಯ ಸುವಾಸನೆ ಮೂಗಿಗೆ ಬಡಿಯಿತು, ಎಲ್ಲಿಂದ ಎಂದು ಪಕ್ಕಕ್ಕೆ ತಿರುಗಿ ನೋಡಿದರೆ ರಾಗಿ ಮುದ್ದೆ, ಬಸ್ಸಾರು, ಕಾಳು ಉಸುಲಿ, ಹೋಳಿಗೆ, ರಾಗಿ ರೊಟ್ಟಿ, ಹುಚ್ಚೆಳ್ಳು ಚಟ್ನಿ, ಬೋಂಡ, ಹುರುಳಿಕಾಳು ಹಪ್ಪಳ, ಸಂಡಿಗೆ, ಕೇರಳ ಶೈಲಿಯ ಅಡುಗೆಗೆ ಜನ ಮುಗಿಬೀಳುತ್ತಿದ್ದರು. ವಿದ್ಯಾರ್ಥಿಗಳೇ ಅದರ ನಿರ್ವಹಣೆ ಮಾಡುತ್ತಿದ್ದುದು ವಿಶೇಷವಾಗಿತ್ತು. ಇಷ್ಟೆಲ್ಲ ಆದಮೇಲೆ ಬಿಸಿಲಿನ ಬೇಗೆಗೆ ದಣಿವಾರಿಸಿಕೊಳ್ಳಲು ಎಳನೀರು, ಕಬ್ಬಿನ ಹಾಲು, ಪಾನಕವನ್ನು ವಿದ್ಯಾರ್ಥಿಗಳೇ ನೀಡುತ್ತಿದ್ದರು. ಒಟ್ಟಿನಲ್ಲಿ ಯಾವುದೊ ಹಳ್ಳಿಯ ಜಾತ್ರೆಗೆ ಹೋಗಿ ಬಂದ ಅನುಭವ ಊರ ಜನರಿಗೆ ಸಿಕ್ಕಿತು.