ಹಿಂದಿ ಮತ್ತು ದಕ್ಷಿಣ ಭಾರತದ ಪ್ರಾದೇಶಿಕ ಭಾಷೆಗಳಲ್ಲಿನ ಸಿನಿಮಾಗಳಲ್ಲಿ ನಟಿಸಿ ಹೆಸರು ಮಾಡಿರುವ ರಾಧಿಕಾ ಆಪ್ಟೆ ಹಾಲಿವುಡ್ನತ್ತ ದೃಷ್ಟಿ ಬೀರಿದ್ದಾರೆ.
‘ಎರಡನೇ ವಿಶ್ವ ಸಮರ’ಕ್ಕೆ ಸಂಬಂಧಿಸಿದಂತೆ ನಿರ್ಮಾಣವಾಗಲಿರುವ ಈ ಸಿನಿಮಾದಲ್ಲಿ ಬೇಹುಗಾರಿಕೆಯಲ್ಲಿ ತೊಡಗುವ ಮಹಿಳೆಯ ಪಾತ್ರದಲ್ಲಿ ರಾಧಿಕಾ ಆಪ್ಟೆ ಕಂಡು ಬರಲಿದ್ದಾರೆ ಎಂದು ಸುದ್ದಿ ಹರಡಿದೆ. ಈ ಚಿತ್ರದಲ್ಲಿ ಖ್ಯಾತ ನಟರಾದ ಸ್ಟನಾ ಕಟಿಕ್ ಮತ್ತು ಸಾರಾ ಮೇಗನ್ ಥಾಮಸ್ ಅವರೂ ನಟಿಸಲಿದ್ದಾರೆ
ಬ್ರಿಟಿನ್ ಪ್ರಧಾನಿಯಾಗಿದ್ದ ವಿನ್ಸ್ಟನ್ ಚರ್ಚಿಲ್ ಅವರ ‘ರಹಸ್ಯ ಸೇನೆ’ಯಲ್ಲಿದ್ದ ಗೂಢಚಾರಿಗಳ ಜೀವನ ಚರಿತ್ರೆಯನ್ನು ಆಧರಿಸಿ ಈ ಸಿನಿಮಾ ನಿರ್ಮಾಣಗೊಳ್ಳಲಿದೆ. ಭಾರತೀಯ ಮೂಲದ ನೂರ್ ಇನಾಯತ್ ಖಾನ್ ಪಾತ್ರದಲ್ಲಿ ರಾಧಿಕಾ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಇದಲ್ಲದೆ ಮೈಕೆಲ್ ವಿಂಟರ್ಬಾಟಮ್ ಅವರು ನಿರ್ಮಿಸಲಿರುವ ‘ದಿ ವೆಡ್ಡಿಂಗ್ ಗೆಸ್ಟ್’ ಸಿನಿಮಾದಲ್ಲೂ ರಾಧಿಕಾ ನಟಿಸಲಿದ್ದಾರೆ.
ನೂರ್ ಬಗ್ಗೆ: ಮೈಸೂರಿನ ಟಿಪ್ಪು ಸುಲ್ತಾನ್ ವಂಶಸ್ಥೆಯಾಗಿದ್ದ ನೂರ್ ಇನಾಯತ್ ಖಾನ್, ಎರಡನೇ ಮಹಾ ಯುದ್ಧದದಲ್ಲಿ ಬ್ರಿಟನ್ನಿನ ಗೂಢಚಾರಣಿಯಾಗಿ ಕಾರ್ಯನಿರ್ವಹಿಸಿದ್ದರು. ನೂರ್ ಇನಾಯತ್ ಅವರು ಎರಡನೇ ಮಹಾಯುದ್ಧದ ಸಂದರ್ಭದಲ್ಲಿ ಪ್ಯಾರಿಸ್ನಲ್ಲಿ ಬ್ರಿಟನ್ನ ರಹಸ್ಯ ಏಜೆಂಟ್ ಆಗಿ ಕಾರ್ಯನಿರ್ವಹಿಸಿದ್ದರು.