ಜಯಾ ಸ್ಮಾರಕ ನಿರ್ಮಾಣಕ್ಕೆ ಚಾಲನೆ

ಜಯಲಲಿತಾ ಸಮಾಧಿ ಇರುವ ಮರೀನಾ ಬೀಚ್‌ ಪ್ರದೇಶದಲ್ಲಿ ಪಳನಿಸ್ವಾಮಿ ಅವರು ಮೊದಲ ಹಾಗೂ ಪನ್ನೀರ್‌ಸೆಲ್ವಂ ಅವರು ಎರಡನೇ ಇಟ್ಟಿಗೆ ಇಡುವ ಮೂಲಕ ಕಾಮಗಾರಿಗೆ ಚಾಲನೆ ನೀಡಿದರು. ಯಜ್ಞ ಹಾಗೂ ವಿಶೇಷ ಪ್ರಾರ್ಥನೆ ನಡೆಯಿತು. ಲೋಕಸಭೆ ಉಪಾಧ್ಯಕ್ಷ ಎಂ.ತಂಬಿದೊರೈ ಸೇರಿದಂತೆ ತಮಿಳುನಾಡಿನ ಸಚಿವರು ಹಾಗೂ ಶಾಸಕರು ಪಾಲ್ಗೊಂಡಿದ್ದರು.

ಉದ್ದೇಶಿತ ಸ್ಮಾರಕದ ‘ಮಂಟಪ‘ ಎಐಎಡಿಎಂಕೆ ಸ್ಥಾಪಕರೂ ಆಗಿದ್ದ ಮಾಜಿ ಮುಖ್ಯಮಂತ್ರಿ ಎಂ.ಜಿ. ರಾಮಚಂದ್ರನ್ ಅವರ ಸ್ಮಾರಕದ ಹಿಂದೆಯೇ ಇದೆ. ಜಯಾ ಅವರು 2016ರ ಡಿಸೆಂಬರ್‌ 5ರಂದು ಮೃತಪಟ್ಟಿದ್ದರು. ಮರೀನಾ ಬೀಚ್‌ನಲ್ಲಿ ‘ಅಮ್ಮ’ ಸ್ಮಾರಕವನ್ನು ₹50.8 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗುವುದು ಎಂದು ಬಜೆಟ್‌ ಅಧಿವೇಶನದಲ್ಲೂ ಪನ್ನೀರ್‌ಸೆಲ್ವಂ ಹೇಳಿದ್ದರು.