ಸಿಂಗಪುರದಲ್ಲಿ ನೋಂದಾವಣೆಗೊಂಡಿರುವ ಫ್ಲಿಪ್ಕಾರ್ಟ್ ಪ್ರೈವೇಟ್ ಲಿಮಿಟೆಡ್, ಫ್ಲಿಪ್ಕಾರ್ಟ್ ಇಂಡಿಯಾದಲ್ಲಿ ಗರಿಷ್ಠ ಪಾಲು ಬಂಡವಾಳ ಹೊಂದಿದೆ. ಫ್ಲಿಪ್ಕಾರ್ಟ್ನ ಶೇ 77ರಷ್ಟು ಪಾಲು ಬಂಡವಾಳ ಖರೀದಿಯಿಂದ ಫ್ಲಿಪ್ಕಾರ್ಟ್ ಇಂಡಿಯಾದ ಮಾಲೀಕತ್ವವು ವಾಲ್ಮಾರ್ಟ್ಗೆ ವರ್ಗಾವಣೆಗೊಳ್ಳಲಿದೆ. ಈ ಒಪ್ಪಂದದಡಿ, ಷೇರುದಾರರು ತಮ್ಮ ಪಾಲು ಬಂಡವಾಳ ಮಾರಾಟದಿಂದ ಪಡೆದ ಲಾಭಕ್ಕೆ ತೆರಿಗೆ ವಿಧಿಸುವ ಸಂಬಂಧ ರೆವಿನ್ಯೂ ಇಲಾಖೆಯು ಫ್ಲಿಪ್ಕಾರ್ಟ್ಗೆ ಪತ್ರ ಬರೆಯಲಿದೆ. ಷೇರು ಖರೀದಿ ಒಪ್ಪಂದದ ವಿವರಗಳನ್ನೆಲ್ಲ ತನಗೆ ಸಲ್ಲಿಸುವಂತೆ ಕೇಳಿಕೊಳ್ಳಲಿದೆ.