‘ಪ್ರಧಾನಿ ನರೇಂದ್ರ ಮೋದಿ ಅವರ ಮೇಲಿನ ದ್ವೇಷದ ಕಾರಣ ಕಾಂಗ್ರೆಸ್ ಆಡಳಿತದಲ್ಲಿರುವ ರಾಜ್ಯಗಳಲ್ಲಿ ಕೋವಿಡ್ ಲಸಿಕೆ ಕಾರ್ಯಕ್ರಮವನ್ನು ಹಳ್ಳಹಿಡಿಸುತ್ತಿದೆ’ ಎಂದು ಬಿಜೆಪಿ ರಾಷ್ಟ್ರೀಯ ಮಹಿಳಾ ಮೋರ್ಚಾ ಐಟಿ ಘಟಕದ ಮುಖ್ಯಸ್ಥೆ ಪ್ರೀತಿ ಗಾಂಧಿ ಅವರು ಟ್ವೀಟ್ ಮಾಡಿದ್ದಾರೆ. ಟ್ವೀಟ್ನಲ್ಲಿ ಒಂದು ಪೋಸ್ಟರ್ ಹಂಚಿಕೊಂಡಿದ್ದಾರೆ. ‘ರಾಜಸ್ಥಾನದಲ್ಲಿ 11.55 ಲಕ್ಷ ಡೋಸ್, ಜಾರ್ಖಂಡ್ನಲ್ಲಿ ಶೇ 37ರಷ್ಟು ಡೋಸ್ ಮತ್ತು ಛತ್ತೀಸಗಡದಲ್ಲಿ ಶೇ 30ರಷ್ಟು ಡೋಸ್ಗಳಷ್ಟು ಲಸಿಕೆ ಪೋಲು ಮಾಡಲಾಗಿದೆ’ ಎಂದು ಪೋಸ್ಟರ್ನಲ್ಲಿ ವಿವರಿಸಲಾಗಿದೆ. ಈ ಪೋಸ್ಟರ್ ಮತ್ತು ಟ್ವೀಟ್ ಅನ್ನು ಬಿಜೆಪಿಯ ಹಲವು ನಾಯಕರು ಹಂಚಿಕೊಂಡಿದ್ದಾರೆ.