ಮಲಪ್ಪುರ: ಕೇರಳದ ಮಲಪ್ಪುರ ಜಿಲ್ಲೆಯ ನಿಲಂಬೂರಿನಲ್ಲಿರುವ ತೇಗದ ಮರದ ಪ್ಲಾಂಟೇಶನ್‌ನಲ್ಲಿ ಬ್ರಿಟಿಷರು ನೆಟ್ಟಿದ್ದ 114 ವರ್ಷಗಳಷ್ಟು ಹಳೆಯದಾದ ತೇಗದ ಮರವೊಂದು ಈಚೆಗೆ ₹40 ಲಕ್ಷ ದಾಖಲೆ ಬೆಲೆಗೆ ಹರಾಜಾಗಿದೆ ಎಂದು ಅರಣ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಮರವನ್ನು 1909ರಲ್ಲಿ ನೆಡಲಾಗಿತ್ತು. ಇದು ತನ್ನಷ್ಟಕ್ಕೇ ಒಣಗಿ ಬಿದ್ದ ನಂತರ ಹರಾಜು ಮಾಡಲಾಗಿದೆ. ವೃಂದಾವನ ಟಿಂಬರ್ಸ್ ಮಾಲೀಕ ಅಜೀಶ್‌ ಕುಮಾರ್‌ ಎಂಬುವವರು ಫೆಬ್ರುವರಿ 10ರಂದು ನಡೆದ ಹರಾಜು ಪ್ರಕ್ರಿಯೆಯಲ್ಲಿ ₹39.25 ಲಕ್ಷ ನೀಡಿ ಖರೀದಿಸಿದ್ದಾರೆ ಎಂದೂ ತಿಳಿಸಿದ್ದಾರೆ.
8 ಕ್ಯೂಬಿಕ್ ಮೀಟರ್ ದಪ್ಪದ ಮರವನ್ನು ಮೂರು ತುಂಡುಗಳಾಗಿ ಹರಾಜು ಮಾಡಲಾಯಿತು ಎಂದೂ ತಿಳಿಸಿದ್ದಾರೆ.
