ನನ್ನ ಶೈಕ್ಷಣಿಕ ತಂಡದ ಬಗ್ಗೆ ಹೆಮ್ಮೆಯಾಗುತ್ತಿದೆ. ಮತ್ತೊಮ್ಮೆ ದೆಹಲಿಯ ಶಾಲೆಗಳು 'ಎಜುಕೇಷನ್ ವರ್ಲ್ಡ್'ನಲ್ಲಿ ಭಾರತದ ಅತ್ಯುತ್ತಮ ಸರ್ಕಾರಿ ಶಾಲೆಗಳು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿವೆ ಎಂದು ಅರವಿಂದ ಕೇಜ್ರಿವಾಲ್ ಟ್ವೀಟ್ ಮಾಡಿದ್ದಾರೆ. ಇದೊಂದು ಸಾಧನೆ, ಅದ್ಭುತ ಹೆಜ್ಜೆ ಎಂದು ಬಣ್ಣಿಸಿದ್ದಾರೆ.
ಎಜುಕೇಷನ್ ವರ್ಲ್ಡ್ (ಇಡ್ಬ್ಳು) - ಇದು ಶಿಕ್ಷಣಕ್ಕಾಗಿ, ಶಿಕ್ಷಕರಿಗಾಗಿ ಮತ್ತು ಪೋಷಕರಿಗಾಗಿ ಇರುವ ವೆಬ್ ಪೋರ್ಟಲ್ ಆಗಿದೆ. ಪ್ರತಿ ವರ್ಷ ರಾಷ್ಟ್ರದ ಉತ್ತಮ ಶಾಲೆಗಳ ರ್ಯಾಂಕಿಂಗ್ ಪಟ್ಟಿಯನ್ನು ಬಿಡುಗಡೆ ಮಾಡುತ್ತದೆ. ಕೇಂದ್ರ ಸರ್ಕಾರ, ರಾಜ್ಯ ಸರ್ಕಾರ, ಬೋರ್ಡಿಂಗ್ ಶಾಲೆಗಳು ಹೀಗೆ ವಿವಿಧ ವಿಭಾಗಗಳಡಿ ರ್ಯಾಂಕಿಂಗ್ ಪಟ್ಟಿಯನ್ನು ಸಿದ್ಧಪಡಿಸುತ್ತದೆ.