ಕೆಲಸದಾಕೆಗೆ ಕಿರುಕುಳ: ಡಿಎಂಕೆ ಶಾಸಕನ ಮಗ, ಸೊಸೆ ಬಂಧನ

ಹಲ್ಲೆಗೊಳಗಾಗಿ ಉಲುಂದರಪೇಟೆ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ 18 ವರ್ಷದ ಸಂತ್ರಸ್ತೆಯನ್ನು ಪೊಲೀಸರು ವಿಚಾರಣೆಗೊಳಪಡಿಸಿದ್ದು, ವಸತಿ ಸಮುಚ್ಚಯದಲ್ಲಿ ಕೆಲಸ ಮಾಡುವ ತನ್ನ ಮೇಲೆ ಗಂಡ ಮತ್ತು ಹೆಂಡತಿ ಕಿರುಕುಳ ನೀಡುತ್ತಾರೆ. ಜೊತೆಗೆ ಹಲ್ಲೆ ನಡೆಸಿದ್ದಾರೆ ಎಂದು ಆಕೆ ಹೇಳಿಕೆ ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಆರೋಪಿಗಳಾದ ಆ್ಯಂಟೊ ಮಾಥಿವನಂ (35) ಹಾಗೂ ಅವರ ಪತ್ನಿ ಮಾರ್ಲಿಂಗ (32) ಅವರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. 

ಪರಿಶಿಷ್ಟ ಜಾತಿಯವರಾದ ಮನೆ ಕೆಲಸದಾಕೆಯ ಮೇಲೆ ಹಲ್ಲೆ ಮತ್ತು ನಿಂದನೆ ಮಾಡಿರುವ ಆರೋಪದ ಮೇರೆಗೆ ಡಿಎಂಕೆ ಶಾಸಕ ಕರುಣಾನಿಧಿ ಅವರ ಮಗ ಮತ್ತು ಸೊಸೆಯ ವಿರುದ್ಧ ಶುಕ್ರವಾರ ಪ್ರಕರಣ ದಾಖಲಿಸಲಾಗಿದೆ.