<p><strong>ನವದೆಹಲಿ</strong>: ತಮ್ಮ ಮಗಳಿಗಾದ ಅನ್ಯಾಯಕ್ಕೆ ಪ್ರತಿಯಾಗಿ ಭಾರತೀಯ ಕುಸ್ತಿ ಫೆಡರೇಶನ್ ಅಧ್ಕ್ಷಕ್ಷ ಬ್ರಿಜ್ಭೂಷಣ್ ವಿರುದ್ಧ ಉದ್ದೇಶಪೂರ್ವಕವಾಗಿ ಲೈಂಗಿಕ ಕಿರುಕುಳದ ಸುಳ್ಳು ಪೊಲೀಸ್ ದೂರು ದಾಖಲಿಸಿದ್ದಾಗಿ 18 ವರ್ಷದೊಳಗಿನ ಕುಸ್ತಿಪಟುವಿನ ತಂದೆ ಗುರುವಾರ ಪಿಟಿಐಗೆ ತಿಳಿಸಿದ್ದಾರೆ.</p><p>ಬ್ರಿಜ್ಭೂಷಣ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿರುವ ಕುಸ್ತಿಪಟುಗಳು ಆರು ತಿಂಗಳಿನಿಂದ ಪ್ರತಿಭಟನೆ ನಡೆಸುತ್ತಿದ್ದಾರೆ. ಅಪ್ರಾಪ್ತ ಕುಸ್ತಿಪಟು ನೀಡಿದ ದೂರಿನ ಆಧಾರದ ಮೇರೆಗೆ ಪೋಕ್ಸೊ ಕಾಯ್ದೆಯಡಿಯೂ ತನಿಖೆ ನಡೆಸಲಾಗುತ್ತಿದೆ.</p><p>ನೀವೇಕೆ ಈಗ ಉಲ್ಟಾ ಹೊಡೆಯುತ್ತಿದ್ದೀರಿ ಎಂದು ಕೇಳಿದಾಗ, ‘ನ್ಯಾಯಾಲಯದ ಬದಲು ಈಗಲೇ ಸತ್ಯವು ಹೊರಬರುವುದು ಉತ್ತಮ’ ಎಂದು 18 ವರ್ಷದೊಳಗಿನ ಕುಸ್ತಿಪಟುವಿನ ತಂದೆ ಹೇಳಿರುವುದಾಗಿ ಪಿಟಿಐ ವರದಿ ಮಾಡಿದೆ.</p><p>‘ಈಗ ಎಲ್ಲದರ ವಿಚಾರಣೆ ಆರಂಭವಾಗಿದೆ. ಕಳೆದ ವರ್ಷ ನನ್ನ ಮಗಳ ಸೋಲಿನ (ಏಷ್ಯನ್ ಅಂಡರ್17 ಚಾಂಪಿಯನ್ಶಿಪ್ ಟ್ರಯಲ್ಸ್) ನ್ಯಾಯಯುತ ತನಿಖೆಗೆ ಸರ್ಕಾರವು ಭರವಸೆ ನೀಡಿದೆ, ಹಾಗಾಗಿ, ನನ್ನ ತಪ್ಪನ್ನು ಸರಿಪಡಿಸುವುದು ನನ್ನ ಕರ್ತವ್ಯವಾಗಿದೆ’ ಎಂದು ಅವರು ಹೇಳಿದ್ದಾರೆ.</p><p>2022ರಲ್ಲಿ ಲಖನೌದಲ್ಲಿ ನಡೆದ 17 ವರ್ಷದೊಳಗಿನ ಏಷ್ಯನ್ ಚಾಂಪಿಯನ್ಶಿಪ್ ಟ್ರಯಲ್ಸ್ ಹಗೆತನದ ಮೂಲವಾಗಿದೆ. ಅಪ್ರಾಪ್ತ ಕುಸ್ತಿಪಟು ಫೈನಲ್ನಲ್ಲಿ ಸೋತು ಭಾರತ ತಂಡಕ್ಕೆ ಆಯ್ಕೆಯಾಗುವುದರಿಂದ ತಪ್ಪಿಸಿಕೊಂಡಿದ್ದರು. ಆಗ ರೆಫರಿ ಕೈಗೊಂಡಿದ್ದ ನಿರ್ಧಾರಕ್ಕೆ ಬ್ರಿಜ್ಭೂಷಣ್ ಶರಣ್ ಸಿಂಗ್ ಅವರನ್ನು ಬಾಲಕಿಯ ತಂದೆ ದೂಷಿಸಿದ್ದಾರೆ.</p><ul><li><p>‘ಫೈನಲ್ನಲ್ಲಿ ಆ ತೀರ್ಪುಗಾರರ ತಪ್ಪು ನಿರ್ಧಾರದಿಂದಾಗಿ ನನ್ನ ಮಗುವಿನ ಒಂದು ವರ್ಷದ ಕಠಿಣ ಪರಿಶ್ರಮ ವ್ಯರ್ಥವಾಗಿತ್ತು. ಹಾಗಾಗಿ, ನಾನು ಸೇಡು ತೀರಿಸಿಕೊಳ್ಳಲು ನಿರ್ಧರಿಸಿದ್ದೆ’ ಎಂದೂ ಅವರು ಹೇಳಿದ್ದಾರೆ.</p></li></ul> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ತಮ್ಮ ಮಗಳಿಗಾದ ಅನ್ಯಾಯಕ್ಕೆ ಪ್ರತಿಯಾಗಿ ಭಾರತೀಯ ಕುಸ್ತಿ ಫೆಡರೇಶನ್ ಅಧ್ಕ್ಷಕ್ಷ ಬ್ರಿಜ್ಭೂಷಣ್ ವಿರುದ್ಧ ಉದ್ದೇಶಪೂರ್ವಕವಾಗಿ ಲೈಂಗಿಕ ಕಿರುಕುಳದ ಸುಳ್ಳು ಪೊಲೀಸ್ ದೂರು ದಾಖಲಿಸಿದ್ದಾಗಿ 18 ವರ್ಷದೊಳಗಿನ ಕುಸ್ತಿಪಟುವಿನ ತಂದೆ ಗುರುವಾರ ಪಿಟಿಐಗೆ ತಿಳಿಸಿದ್ದಾರೆ.</p><p>ಬ್ರಿಜ್ಭೂಷಣ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿರುವ ಕುಸ್ತಿಪಟುಗಳು ಆರು ತಿಂಗಳಿನಿಂದ ಪ್ರತಿಭಟನೆ ನಡೆಸುತ್ತಿದ್ದಾರೆ. ಅಪ್ರಾಪ್ತ ಕುಸ್ತಿಪಟು ನೀಡಿದ ದೂರಿನ ಆಧಾರದ ಮೇರೆಗೆ ಪೋಕ್ಸೊ ಕಾಯ್ದೆಯಡಿಯೂ ತನಿಖೆ ನಡೆಸಲಾಗುತ್ತಿದೆ.</p><p>ನೀವೇಕೆ ಈಗ ಉಲ್ಟಾ ಹೊಡೆಯುತ್ತಿದ್ದೀರಿ ಎಂದು ಕೇಳಿದಾಗ, ‘ನ್ಯಾಯಾಲಯದ ಬದಲು ಈಗಲೇ ಸತ್ಯವು ಹೊರಬರುವುದು ಉತ್ತಮ’ ಎಂದು 18 ವರ್ಷದೊಳಗಿನ ಕುಸ್ತಿಪಟುವಿನ ತಂದೆ ಹೇಳಿರುವುದಾಗಿ ಪಿಟಿಐ ವರದಿ ಮಾಡಿದೆ.</p><p>‘ಈಗ ಎಲ್ಲದರ ವಿಚಾರಣೆ ಆರಂಭವಾಗಿದೆ. ಕಳೆದ ವರ್ಷ ನನ್ನ ಮಗಳ ಸೋಲಿನ (ಏಷ್ಯನ್ ಅಂಡರ್17 ಚಾಂಪಿಯನ್ಶಿಪ್ ಟ್ರಯಲ್ಸ್) ನ್ಯಾಯಯುತ ತನಿಖೆಗೆ ಸರ್ಕಾರವು ಭರವಸೆ ನೀಡಿದೆ, ಹಾಗಾಗಿ, ನನ್ನ ತಪ್ಪನ್ನು ಸರಿಪಡಿಸುವುದು ನನ್ನ ಕರ್ತವ್ಯವಾಗಿದೆ’ ಎಂದು ಅವರು ಹೇಳಿದ್ದಾರೆ.</p><p>2022ರಲ್ಲಿ ಲಖನೌದಲ್ಲಿ ನಡೆದ 17 ವರ್ಷದೊಳಗಿನ ಏಷ್ಯನ್ ಚಾಂಪಿಯನ್ಶಿಪ್ ಟ್ರಯಲ್ಸ್ ಹಗೆತನದ ಮೂಲವಾಗಿದೆ. ಅಪ್ರಾಪ್ತ ಕುಸ್ತಿಪಟು ಫೈನಲ್ನಲ್ಲಿ ಸೋತು ಭಾರತ ತಂಡಕ್ಕೆ ಆಯ್ಕೆಯಾಗುವುದರಿಂದ ತಪ್ಪಿಸಿಕೊಂಡಿದ್ದರು. ಆಗ ರೆಫರಿ ಕೈಗೊಂಡಿದ್ದ ನಿರ್ಧಾರಕ್ಕೆ ಬ್ರಿಜ್ಭೂಷಣ್ ಶರಣ್ ಸಿಂಗ್ ಅವರನ್ನು ಬಾಲಕಿಯ ತಂದೆ ದೂಷಿಸಿದ್ದಾರೆ.</p><ul><li><p>‘ಫೈನಲ್ನಲ್ಲಿ ಆ ತೀರ್ಪುಗಾರರ ತಪ್ಪು ನಿರ್ಧಾರದಿಂದಾಗಿ ನನ್ನ ಮಗುವಿನ ಒಂದು ವರ್ಷದ ಕಠಿಣ ಪರಿಶ್ರಮ ವ್ಯರ್ಥವಾಗಿತ್ತು. ಹಾಗಾಗಿ, ನಾನು ಸೇಡು ತೀರಿಸಿಕೊಳ್ಳಲು ನಿರ್ಧರಿಸಿದ್ದೆ’ ಎಂದೂ ಅವರು ಹೇಳಿದ್ದಾರೆ.</p></li></ul> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
