<p>ದೇಶದ ಉದ್ದಗಲಕ್ಕೂ 67,000 ಕಿ.ಮೀ.ಗಳಿಗೂ ಹೆಚ್ಚು ವ್ಯಾಪಿಸಿರುವ ಭಾರತೀಯ ರೈಲ್ವೆಯಲ್ಲಿ, ಸುಮಾರು 13,000ಕ್ಕೂ ಹೆಚ್ಚು ಪ್ರಯಾಣಿಕ ರೈಲುಗಳು ಕಾರ್ಯನಿರ್ವಹಿಸುತ್ತವೆ.</p>.<p>ಪ್ರತಿದಿನ ಲಕ್ಷಾಂತರ ಪ್ರಯಾಣಿಕರನ್ನು ಕರೆದೊಯ್ಯುವುದರ ಜೊತೆಗೆ, ರೈಲುಗಳು ಪ್ರಯಾಣದ ಸಮಯದಲ್ಲಿ ಊಟವನ್ನು ಸಹ ಒದಗಿಸುತ್ತವೆ. ರೈಲು ಟಿಕೆಟ್ಗಳನ್ನು ಬುಕ್ ಮಾಡುವಾಗ ಹಣ ಪಾವತಿಸಿದರೆ ಪ್ರಯಾಣಿಕರು ರೈಲುಗಳಲ್ಲಿ ಬಿಸಿ ಊಟವನ್ನು ಸವಿಯಬಹುದು. ಆದರೆ ಈ ರೈಲು ತನ್ನ ಪ್ರಯಾಣಿಕರಿಗೆ ಸಂಪೂರ್ಣ ಉಚಿತವಾಗಿ ಊಟವನ್ನು ಪೂರೈಸುತ್ತಿದೆ.</p>.<p>ಮಾಧ್ಯಮ ವರದಿಗಳ ಪ್ರಕಾರ, ಮಹಾರಾಷ್ಟ್ರದ ನಾಂದೇಡ್ ಮತ್ತು ಪಂಜಾಬ್ನ ಅಮೃತಸರ ನಡುವೆ ಸಂಚರಿಸುವ 'ಸಚ್ಖಂಡ್ ಎಕ್ಸ್ಪ್ರೆಸ್' (12715) ರೈಲು ಸುಮಾರು 29 ವರ್ಷಗಳಿಂದ ತನ್ನ ಪ್ರಯಾಣಿಕರಿಗೆ ಉಚಿತವಾಗಿ ಊಟವನ್ನು ಒದಗಿಸುತ್ತಿದೆ.</p>.<p>ಈ ರೈಲು ಅಮೃತಸರದ ಹರ್ಮಂದರ್ ಸಾಹಿಬ್ ಗುರುದ್ವಾರದಿಂದ ನಾಂದೇಡ್ನ ಹುಜೂರ್ ಸಾಹಿಬ್ ಗುರುದ್ವಾರಕ್ಕೆ ಸಂಚರಿಸುತ್ತದೆ. ತನ್ನ 2,000 ಕಿ.ಮೀ ಪ್ರಯಾಣದುದ್ದಕ್ಕೂ ಪ್ರಯಾಣಿಕರಿಗೆ ಉಚಿತ ಆಹಾರವನ್ನು ಒದಗಿಸುವ ಏಕೈಕ ರೈಲು ಇದಾಗಿದೆ.</p>.<p>33 ಗಂಟೆಗಳ ಪ್ರಯಾಣದ ಅವಧಿಯಲ್ಲಿ ಈ ರೈಲು 39 ನಿಲ್ದಾಣಗಳಲ್ಲಿ ನಿಲ್ಲುತ್ತದೆ. ಇದರಲ್ಲಿ 'ಲಂಗರ್' (ಅನ್ನ ದಾಸೋಹ) ಸೌಲಭ್ಯ ಇರುವ ಆರು ಪ್ರಮುಖ ನಿಲ್ದಾಣಗಳು (ನವದೆಹಲಿ, ಭೋಪಾಲ್, ಪರ್ಭಾನಿ, ಜಲ್ನಾ, ಔರಂಗಾಬಾದ್ ಮತ್ತು ಮರಾಠವಾಡ) ಸೇರಿವೆ. </p>.<p>'ಲಂಗರ್' ಮೆನುವು ಸಾಮಾನ್ಯವಾಗಿ 'ಕಧಿ-ಚಾವಲ್', 'ಚೋಲೆ', 'ದಾಲ್', 'ಖಿಚಡಿ', 'ಆಲೂ-ಕ್ಯಾಬೇಜ್' ಪಲ್ಯ ಮತ್ತು ಇತರ ಭಕ್ಷ್ಯಗಳನ್ನು ಒಳಗೊಂಡಿರುತ್ತದೆ.</p>.<p>ಊಟದ ವೆಚ್ಚವನ್ನು ಗುರುದ್ವಾರಗಳು ಆಹಾರ ಮತ್ತು ಹಣದ ರೂಪದಲ್ಲಿ ಪಡೆಯುವ ದೇಣಿಗೆಗಳಿಂದ ಭರಿಸಲಾಗುತ್ತದೆ. ರೈಲಿನಲ್ಲಿ ಒದಗಿಸಲಾಗುವ ಊಟ ಉಚಿತವಾಗಿದ್ದರೂ, ಪ್ರಯಾಣಿಕರು ಆಹಾರವನ್ನು ಆನಂದಿಸಲು ತಮ್ಮದೇ ಆದ ತಟ್ಟೆ ಅಥವಾ ಪಾತ್ರೆಗಳನ್ನು ಕೊಂಡೊಯ್ಯುವಂತೆ ವಿನಂತಿಸಲಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೇಶದ ಉದ್ದಗಲಕ್ಕೂ 67,000 ಕಿ.ಮೀ.ಗಳಿಗೂ ಹೆಚ್ಚು ವ್ಯಾಪಿಸಿರುವ ಭಾರತೀಯ ರೈಲ್ವೆಯಲ್ಲಿ, ಸುಮಾರು 13,000ಕ್ಕೂ ಹೆಚ್ಚು ಪ್ರಯಾಣಿಕ ರೈಲುಗಳು ಕಾರ್ಯನಿರ್ವಹಿಸುತ್ತವೆ.</p>.<p>ಪ್ರತಿದಿನ ಲಕ್ಷಾಂತರ ಪ್ರಯಾಣಿಕರನ್ನು ಕರೆದೊಯ್ಯುವುದರ ಜೊತೆಗೆ, ರೈಲುಗಳು ಪ್ರಯಾಣದ ಸಮಯದಲ್ಲಿ ಊಟವನ್ನು ಸಹ ಒದಗಿಸುತ್ತವೆ. ರೈಲು ಟಿಕೆಟ್ಗಳನ್ನು ಬುಕ್ ಮಾಡುವಾಗ ಹಣ ಪಾವತಿಸಿದರೆ ಪ್ರಯಾಣಿಕರು ರೈಲುಗಳಲ್ಲಿ ಬಿಸಿ ಊಟವನ್ನು ಸವಿಯಬಹುದು. ಆದರೆ ಈ ರೈಲು ತನ್ನ ಪ್ರಯಾಣಿಕರಿಗೆ ಸಂಪೂರ್ಣ ಉಚಿತವಾಗಿ ಊಟವನ್ನು ಪೂರೈಸುತ್ತಿದೆ.</p>.<p>ಮಾಧ್ಯಮ ವರದಿಗಳ ಪ್ರಕಾರ, ಮಹಾರಾಷ್ಟ್ರದ ನಾಂದೇಡ್ ಮತ್ತು ಪಂಜಾಬ್ನ ಅಮೃತಸರ ನಡುವೆ ಸಂಚರಿಸುವ 'ಸಚ್ಖಂಡ್ ಎಕ್ಸ್ಪ್ರೆಸ್' (12715) ರೈಲು ಸುಮಾರು 29 ವರ್ಷಗಳಿಂದ ತನ್ನ ಪ್ರಯಾಣಿಕರಿಗೆ ಉಚಿತವಾಗಿ ಊಟವನ್ನು ಒದಗಿಸುತ್ತಿದೆ.</p>.<p>ಈ ರೈಲು ಅಮೃತಸರದ ಹರ್ಮಂದರ್ ಸಾಹಿಬ್ ಗುರುದ್ವಾರದಿಂದ ನಾಂದೇಡ್ನ ಹುಜೂರ್ ಸಾಹಿಬ್ ಗುರುದ್ವಾರಕ್ಕೆ ಸಂಚರಿಸುತ್ತದೆ. ತನ್ನ 2,000 ಕಿ.ಮೀ ಪ್ರಯಾಣದುದ್ದಕ್ಕೂ ಪ್ರಯಾಣಿಕರಿಗೆ ಉಚಿತ ಆಹಾರವನ್ನು ಒದಗಿಸುವ ಏಕೈಕ ರೈಲು ಇದಾಗಿದೆ.</p>.<p>33 ಗಂಟೆಗಳ ಪ್ರಯಾಣದ ಅವಧಿಯಲ್ಲಿ ಈ ರೈಲು 39 ನಿಲ್ದಾಣಗಳಲ್ಲಿ ನಿಲ್ಲುತ್ತದೆ. ಇದರಲ್ಲಿ 'ಲಂಗರ್' (ಅನ್ನ ದಾಸೋಹ) ಸೌಲಭ್ಯ ಇರುವ ಆರು ಪ್ರಮುಖ ನಿಲ್ದಾಣಗಳು (ನವದೆಹಲಿ, ಭೋಪಾಲ್, ಪರ್ಭಾನಿ, ಜಲ್ನಾ, ಔರಂಗಾಬಾದ್ ಮತ್ತು ಮರಾಠವಾಡ) ಸೇರಿವೆ. </p>.<p>'ಲಂಗರ್' ಮೆನುವು ಸಾಮಾನ್ಯವಾಗಿ 'ಕಧಿ-ಚಾವಲ್', 'ಚೋಲೆ', 'ದಾಲ್', 'ಖಿಚಡಿ', 'ಆಲೂ-ಕ್ಯಾಬೇಜ್' ಪಲ್ಯ ಮತ್ತು ಇತರ ಭಕ್ಷ್ಯಗಳನ್ನು ಒಳಗೊಂಡಿರುತ್ತದೆ.</p>.<p>ಊಟದ ವೆಚ್ಚವನ್ನು ಗುರುದ್ವಾರಗಳು ಆಹಾರ ಮತ್ತು ಹಣದ ರೂಪದಲ್ಲಿ ಪಡೆಯುವ ದೇಣಿಗೆಗಳಿಂದ ಭರಿಸಲಾಗುತ್ತದೆ. ರೈಲಿನಲ್ಲಿ ಒದಗಿಸಲಾಗುವ ಊಟ ಉಚಿತವಾಗಿದ್ದರೂ, ಪ್ರಯಾಣಿಕರು ಆಹಾರವನ್ನು ಆನಂದಿಸಲು ತಮ್ಮದೇ ಆದ ತಟ್ಟೆ ಅಥವಾ ಪಾತ್ರೆಗಳನ್ನು ಕೊಂಡೊಯ್ಯುವಂತೆ ವಿನಂತಿಸಲಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
