ಕಲ್ಕತ್ತಾ: ಗಾರ್ಡನ್ ರೀಚ್ ಶಿಪ್ಬಿಲ್ಡರ್ಸ್ ಅಂಡ್ ಎಂಜಿನಿಯರ್ಸ್ (ಜಿಆರ್ಎಸ್ಇ) ಲಿಮಿಟೆಡ್ ಸೋಮವಾರ ದೇಶದಲ್ಲಿ ನಿರ್ಮಾಣವಾದ ಅತಿದೊಡ್ಡ ಸಮೀಕ್ಷಾ ನೌಕೆ, 'ಐಎನ್ಎಸ್ ಸಂಧಾಯಕ್' ಅನ್ನು ಭಾರತೀಯ ನೌಕಾಪಡೆಗೆ ಹಸ್ತಾಂತರಿಸಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ನೌಕಾಪಡೆಗಾಗಿ ಜಿಆರ್ಎಸ್ಇ ತಯಾರಿಸುತ್ತಿರುವ ನಾಲ್ಕು ಸಮೀಕ್ಷಾ ನೌಕೆಗಳಲ್ಲಿ ಇದು ಮೊದಲನೆಯದು. 110 ಮೀಟರ್ ಉದ್ದದ ಹಡಗನ್ನು ನೌಕಾಪಡೆಯ ದಿನ(ಡಿ.4)ದಂದೇ ಹಸ್ತಾಂತರಿಸಲಾಗಿದೆ ಎಂದು ಜಿಆರ್ಎಸ್ಇ ಅಧಿಕಾರಿ ತಿಳಿಸಿದ್ದಾರೆ.
ಐಎನ್ಎಸ್ ಸಂಧಾಯಕ್ ಅದೇ ಹೆಸರಿನ ಮತ್ತೊಂದು ಹಡಗಿನ ಮರುಸೃಷ್ಟಿಯಾಗಿದೆ. ಅದು ಕೂಡ ಸಮೀಕ್ಷಾ ನೌಕೆಯಾಗಿತ್ತು. ಆ ಹಡಗನ್ನು 1981ರಲ್ಲಿ ನೌಕಾಪಡೆಗೆ ಸೇರ್ಪಡೆ ಮಾಡಲಾಗಿತ್ತು. ಬಳಿಕ 2021ರಲ್ಲಿ ನಿಷ್ಕ್ರಿಯಗೊಳಿಸಲಾಗಿತ್ತು.