ಚೆನ್ನೈ: ಬ್ರಿಟನ್ನಿಂದ 450 ಖಾಲಿ ಆಮ್ಲಜನಕ ಸಿಲಿಂಡರ್ ಸೇರಿದಂತೆ 35 ಟನ್ಗಳಷ್ಟು ವೈದ್ಯಕೀಯ ಸಾಧನಗಳನ್ನು ಹೊತ್ತು ತಂದ ವಿಮಾನವು ಮಂಗಳವಾರ ಚೆನ್ನೈನಲ್ಲಿ ಬಂದಿಳಿತು.
ಕೋವಿಡ್ ಎರಡನೇ ಅಲೆಯನ್ನು ಎದುರಿಸಲು ಭಾರತಕ್ಕೆ ನೆರವಾಗುವ ನಿಟ್ಟಿನಲ್ಲಿ ಬ್ರಿಟನ್ 5,000 ಆಮ್ಲಜನಕ ಸಿಲಿಂಡರ್ಗಳನ್ನು ಭಾರತಕ್ಕೆ ನೀಡಿದೆ. ಇದನ್ನು ಭಾರತೀಯ ವಾಯು ಪಡೆಯು(ಐಎಎಫ್) ವಿಮಾನಗಳು ಹಂತ ಹಂತವಾಗಿ ಬ್ರಿಟನ್ನಿಂದ ಭಾರತಕ್ಕೆ ತರಲಿವೆ.
ತಮಿಳುನಾಡಿನ ಆರೋಗ್ಯ ಇಲಾಖೆಯ ಸಲಹೆಯಂತೆ ಆಸ್ಪತ್ರೆ ಮತ್ತು ಆರೋಗ್ಯ ಕೇಂದ್ರಗಳಿಗೆ ಇವುಗಳನ್ನು ವಿತರಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.