<p><strong>ನವದೆಹಲಿ</strong>: 2026ರ ಮಾರ್ಚ್ ವೇಳೆಗೆ ಭಾರತೀಯ ವಾಯುಪಡೆಗೆ ಕನಿಷ್ಠ ಅರ್ಧ ಡಜನ್ ತೇಜಸ್ ಲಘು ಯುದ್ಧ ವಿಮಾನಗಳು ಲಭ್ಯವಾಗಲಿವೆ ಎಂದು ಅತ್ಯಾಧುನಿಕ ಫೈಟರ್ ಜೆಟ್ಗಳನ್ನು ತಯಾರಿಸುತ್ತಿರುವ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ನ(ಎಚ್ಎಎಲ್) ಮುಖ್ಯಸ್ಥರು ಹೇಳಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ಗಳ ಪೂರೈಕೆ ತಡವಾಗಿರುವುದರಿಂದ ಜೆಟ್ಗಳ ವಿತರಣೆ ವಿಳಂಬಕ್ಕೆ ಕಾರಣ ಎಂದು ಅವರು ಹೇಳಿದ್ದಾರೆ.</p><p>ಎಲ್ಸಿಎ ಎಂಕೆ-1ಎ ಜೆಟ್ನ ಸರಬರಾಜು ವಿಳಂಬದ ಕುರಿತಂತೆ ವಾಯುಪಡೆಯ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಎ.ಪಿ. ಸಿಂಗ್ ಬಹಿರಂಗವಾಗಿ ಅಸಮಾಧಾನ ಹೊರಹಾಕಿದ್ದರು.</p><p>ಅಮೆರಿಕ ಸಂಸ್ಥೆಯು ಎಫ್ 404 ಎಂಜಿನ್ಗಳನ್ನು ಸಮಯಕ್ಕೆ ಸರಿಯಾಗಿ ಪೂರೈಸದ ಹಿನ್ನೆಲೆಯಲ್ಲಿ ಈ ವಿಳಂಬ ಉಂಟಾಗಿದೆ ಎಂದು ಎಚ್ಎಎಲ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಡಿ.ಕೆ. ಸುನಿಲ್ ಅವರು ಹೇಳಿದ್ದಾರೆ.</p><p>ಪಿಟಿಐಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಮಾತನಾಡಿರುವ ಅವರು, ಪ್ರಸಕ್ತ ಹಣಕಾಸು ವರ್ಷದಲ್ಲಿ ಜಿಇ ಏರೋಸ್ಪೇಸ್ 12 ಎಂಜಿನ್ಗಳನ್ನು ಪೂರೈಸುವ ನಿರೀಕ್ಷೆಯಿದೆ ಎಂದು ಹೇಳಿದ್ದಾರೆ.</p><p> ಇದು ಐಎಎಫ್ಗೆ ಜೆಟ್ಗಳ ವಿತರಣೆಯನ್ನು ಸುಗಮಗೊಳಿಸುತ್ತದೆ ಎಂದಿದ್ದಾರೆ.</p><p>ಪ್ರತಿಯೊಂದು ಕಂಪನಿಯು ಟೀಕೆಗಳನ್ನು ಎದುರಿಸುತ್ತದೆ. ನಾವು ಆರು ಎಲ್ಸಿಎ ವಿಮಾನಗಳನ್ನು ಸಿದ್ಧಪಡಿಸಿದ್ದೇವೆ. ಎಂಜಿನ್ಗಳು ಸಮಯಕ್ಕೆ ಸರಿಯಾಗಿ ಪೂರೈಕೆ ಆಗದ ಹಿನ್ನೆಲೆ ನಾವು ಟೀಕೆ ಎದುರಿಸಬೇಕಾಗಿದೆ ಎಂದಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ ವಿತರಣೆ ಆಗಿಲ್ಲ. 2023 ರಲ್ಲೇ ಅವರು ಎಂಜಿನ್ಗಳನ್ನು ತಲುಪಿಸಬೇಕಾಗಿತ್ತು. ಇಲ್ಲಿಯವರೆಗೆ, ನಮಗೆ ಕೇವಲ ಒಂದು ಎಂಜಿನ್ ಮಾತ್ರ ಸಿಕ್ಕಿದೆ ಎಂದು ತಮ್ಮ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.</p><p>ಜಿಇ ಏರೋಸ್ಪೇಸ್ನ ತಾಂತ್ರಿಕ ಸಮಸ್ಯೆಗಳನ್ನು ಬಗೆಹರಿದಿದೆ. 2026ರ ಮಾರ್ಚ್ ವೇಳೆಗೆ ಎಚ್ಎಎಲ್ 12 ಜೆಟ್ ಎಂಜಿನ್ಗಳನ್ನು ಸ್ವೀಕರಿಸಲಿದೆ ಎಂದು ಹೇಳಿದ್ದಾರೆ.</p><p>ಇಂದಿನವರೆಗೆ ಆರು ವಿಮಾನಗಳು ಸಿದ್ಧವಾಗಿವೆ ಎಂದು ನಾನು ನಿಮಗೆ ಭರವಸೆ ನೀಡಬಲ್ಲೆ. ನಮ್ಮ ಕಡೆಯಿಂದ ಯಾವುದೇ ವಿಳಂಬ ಆಗಿಲ್ಲ. ನಾವು ವಿಮಾನಗಳನ್ನು ನಿರ್ಮಿಸುತ್ತಿದ್ದೇವೆ. ಮುಂದಿನ ಆರ್ಥಿಕ ವರ್ಷದ ಆರಂಭದ ಹೊತ್ತಿಗೆ ತಲುಪಿಸುತ್ತೇವೆ ಎಂದಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ ಪೂರೈಕೆಯ ಸ್ಥಿರ ಹರಿವು ಇದ್ದರೆ ಮುಂಬರುವ ವರ್ಷದಲ್ಲಿ 16 ಜೆಟ್ಗಳನ್ನು ಉತ್ಪಾದಿಸಲು ಎಚ್ಎಎಲ್ ಯೋಜಿಸಿದೆ.</p><p>2021ರ ಏಪ್ರಿಲ್ ತಿಂಗಳಲ್ಲಿ ವಾಯುಪಡೆಗೆ 83 ತೇಜಸ್ ಎಂಕೆ 1–ಎ ಜೆಟ್ ತಯಾರಿಕೆಗೆ ರಕ್ಷಣಾ ಸಚಿವಾಲಯ ಎಚ್ಎಲ್ ಜೊತೆ ₹48,000 ಒಪ್ಪಂದ ಮಾಡಿಕೊಂಡಿತ್ತು.</p><p>ಸಚಿವಾಲಯವು ಸುಮಾರು ₹67,000 ಕೋಟಿ ವೆಚ್ಚದಲ್ಲಿ 97 ಹೆಚ್ಚುವರಿ ಎಲ್ಸಿಎ ಎಂಕೆ-1ಎ ಯುದ್ಧ ವಿಮಾನಗಳನ್ನು ಖರೀದಿಸುವ ಪ್ರಕ್ರಿಯೆಯಲ್ಲಿದೆ.</p><p>ಸಿಂಗಲ್-ಎಂಜಿನನ್ನ ಎಂಕೆ -1ಎ ವಿಮಾನವು ವಾಯುಪಡೆಯ ಮಿಗ್-21 ಯುದ್ಧವಿಮಾನಗಳಿಗೆ ಪರ್ಯಾಯವಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: 2026ರ ಮಾರ್ಚ್ ವೇಳೆಗೆ ಭಾರತೀಯ ವಾಯುಪಡೆಗೆ ಕನಿಷ್ಠ ಅರ್ಧ ಡಜನ್ ತೇಜಸ್ ಲಘು ಯುದ್ಧ ವಿಮಾನಗಳು ಲಭ್ಯವಾಗಲಿವೆ ಎಂದು ಅತ್ಯಾಧುನಿಕ ಫೈಟರ್ ಜೆಟ್ಗಳನ್ನು ತಯಾರಿಸುತ್ತಿರುವ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ನ(ಎಚ್ಎಎಲ್) ಮುಖ್ಯಸ್ಥರು ಹೇಳಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ಗಳ ಪೂರೈಕೆ ತಡವಾಗಿರುವುದರಿಂದ ಜೆಟ್ಗಳ ವಿತರಣೆ ವಿಳಂಬಕ್ಕೆ ಕಾರಣ ಎಂದು ಅವರು ಹೇಳಿದ್ದಾರೆ.</p><p>ಎಲ್ಸಿಎ ಎಂಕೆ-1ಎ ಜೆಟ್ನ ಸರಬರಾಜು ವಿಳಂಬದ ಕುರಿತಂತೆ ವಾಯುಪಡೆಯ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಎ.ಪಿ. ಸಿಂಗ್ ಬಹಿರಂಗವಾಗಿ ಅಸಮಾಧಾನ ಹೊರಹಾಕಿದ್ದರು.</p><p>ಅಮೆರಿಕ ಸಂಸ್ಥೆಯು ಎಫ್ 404 ಎಂಜಿನ್ಗಳನ್ನು ಸಮಯಕ್ಕೆ ಸರಿಯಾಗಿ ಪೂರೈಸದ ಹಿನ್ನೆಲೆಯಲ್ಲಿ ಈ ವಿಳಂಬ ಉಂಟಾಗಿದೆ ಎಂದು ಎಚ್ಎಎಲ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಡಿ.ಕೆ. ಸುನಿಲ್ ಅವರು ಹೇಳಿದ್ದಾರೆ.</p><p>ಪಿಟಿಐಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಮಾತನಾಡಿರುವ ಅವರು, ಪ್ರಸಕ್ತ ಹಣಕಾಸು ವರ್ಷದಲ್ಲಿ ಜಿಇ ಏರೋಸ್ಪೇಸ್ 12 ಎಂಜಿನ್ಗಳನ್ನು ಪೂರೈಸುವ ನಿರೀಕ್ಷೆಯಿದೆ ಎಂದು ಹೇಳಿದ್ದಾರೆ.</p><p> ಇದು ಐಎಎಫ್ಗೆ ಜೆಟ್ಗಳ ವಿತರಣೆಯನ್ನು ಸುಗಮಗೊಳಿಸುತ್ತದೆ ಎಂದಿದ್ದಾರೆ.</p><p>ಪ್ರತಿಯೊಂದು ಕಂಪನಿಯು ಟೀಕೆಗಳನ್ನು ಎದುರಿಸುತ್ತದೆ. ನಾವು ಆರು ಎಲ್ಸಿಎ ವಿಮಾನಗಳನ್ನು ಸಿದ್ಧಪಡಿಸಿದ್ದೇವೆ. ಎಂಜಿನ್ಗಳು ಸಮಯಕ್ಕೆ ಸರಿಯಾಗಿ ಪೂರೈಕೆ ಆಗದ ಹಿನ್ನೆಲೆ ನಾವು ಟೀಕೆ ಎದುರಿಸಬೇಕಾಗಿದೆ ಎಂದಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ ವಿತರಣೆ ಆಗಿಲ್ಲ. 2023 ರಲ್ಲೇ ಅವರು ಎಂಜಿನ್ಗಳನ್ನು ತಲುಪಿಸಬೇಕಾಗಿತ್ತು. ಇಲ್ಲಿಯವರೆಗೆ, ನಮಗೆ ಕೇವಲ ಒಂದು ಎಂಜಿನ್ ಮಾತ್ರ ಸಿಕ್ಕಿದೆ ಎಂದು ತಮ್ಮ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.</p><p>ಜಿಇ ಏರೋಸ್ಪೇಸ್ನ ತಾಂತ್ರಿಕ ಸಮಸ್ಯೆಗಳನ್ನು ಬಗೆಹರಿದಿದೆ. 2026ರ ಮಾರ್ಚ್ ವೇಳೆಗೆ ಎಚ್ಎಎಲ್ 12 ಜೆಟ್ ಎಂಜಿನ್ಗಳನ್ನು ಸ್ವೀಕರಿಸಲಿದೆ ಎಂದು ಹೇಳಿದ್ದಾರೆ.</p><p>ಇಂದಿನವರೆಗೆ ಆರು ವಿಮಾನಗಳು ಸಿದ್ಧವಾಗಿವೆ ಎಂದು ನಾನು ನಿಮಗೆ ಭರವಸೆ ನೀಡಬಲ್ಲೆ. ನಮ್ಮ ಕಡೆಯಿಂದ ಯಾವುದೇ ವಿಳಂಬ ಆಗಿಲ್ಲ. ನಾವು ವಿಮಾನಗಳನ್ನು ನಿರ್ಮಿಸುತ್ತಿದ್ದೇವೆ. ಮುಂದಿನ ಆರ್ಥಿಕ ವರ್ಷದ ಆರಂಭದ ಹೊತ್ತಿಗೆ ತಲುಪಿಸುತ್ತೇವೆ ಎಂದಿದ್ದಾರೆ.</p><p>ಜಿಇ ಏರೋಸ್ಪೇಸ್ನಿಂದ ಎಂಜಿನ್ ಪೂರೈಕೆಯ ಸ್ಥಿರ ಹರಿವು ಇದ್ದರೆ ಮುಂಬರುವ ವರ್ಷದಲ್ಲಿ 16 ಜೆಟ್ಗಳನ್ನು ಉತ್ಪಾದಿಸಲು ಎಚ್ಎಎಲ್ ಯೋಜಿಸಿದೆ.</p><p>2021ರ ಏಪ್ರಿಲ್ ತಿಂಗಳಲ್ಲಿ ವಾಯುಪಡೆಗೆ 83 ತೇಜಸ್ ಎಂಕೆ 1–ಎ ಜೆಟ್ ತಯಾರಿಕೆಗೆ ರಕ್ಷಣಾ ಸಚಿವಾಲಯ ಎಚ್ಎಲ್ ಜೊತೆ ₹48,000 ಒಪ್ಪಂದ ಮಾಡಿಕೊಂಡಿತ್ತು.</p><p>ಸಚಿವಾಲಯವು ಸುಮಾರು ₹67,000 ಕೋಟಿ ವೆಚ್ಚದಲ್ಲಿ 97 ಹೆಚ್ಚುವರಿ ಎಲ್ಸಿಎ ಎಂಕೆ-1ಎ ಯುದ್ಧ ವಿಮಾನಗಳನ್ನು ಖರೀದಿಸುವ ಪ್ರಕ್ರಿಯೆಯಲ್ಲಿದೆ.</p><p>ಸಿಂಗಲ್-ಎಂಜಿನನ್ನ ಎಂಕೆ -1ಎ ವಿಮಾನವು ವಾಯುಪಡೆಯ ಮಿಗ್-21 ಯುದ್ಧವಿಮಾನಗಳಿಗೆ ಪರ್ಯಾಯವಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
