<p><strong>ನವದೆಹಲಿ</strong>: ದೀರ್ಘ ಅವಧಿಗೆ ಹಾರಾಟ ಸಾಮರ್ಥ್ಯವುಳ್ಳ ಡ್ರೋನ್ಗಳು, ಕ್ಷಿಪಣಿಗಳ ಖರೀದಿ ಸೇರಿ ಅಂದಾಜು ₹67 ಸಾವಿರ ಕೊಟಿ ವೆಚ್ಚದಲ್ಲಿ ವಿವಿಧ ರಕ್ಷಣಾ ವ್ಯವಸ್ಥೆಗಳ ಖರೀದಿಗೆ ರಕ್ಷಣಾ ಖರೀದಿ ಪರಿಷತ್ತು (ಡಿಎಸಿ) ಮಂಗಳವಾರ ಅನುಮೋದನೆ ನೀಡಿದೆ.</p>.<p>ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅಧ್ಯಕ್ಷತೆಯಲ್ಲಿ ನಡೆದ ಡಿಎಸಿ ಸಭೆಯಲ್ಲಿ ಈ ಖರೀದಿಗೆ ಅನುಮೋದನೆ ನೀಡಲಾಯಿತು ಎಂದು ರಕ್ಷಣಾ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಮೂರು ಸಶಸ್ತ್ರ ಪಡೆಗಳಿಗಾಗಿ ಕಡಿಮೆ ಎತ್ತರದಲ್ಲಿ ದೀರ್ಘಕಾಲ ಹಾರಾಡಬಲ್ಲ ಹಾಗೂ ದೂರದಿಂದ ನಿಯಂತ್ರಣ ವ್ಯವಸ್ಥೆಹೊಂದಿದ ಯುದ್ಧವಿಮಾನಗಳ (ಎಂಎಎಲ್ಇ– ಆರ್ಪಿಎ) ಖರೀದಿಗೂ ಆರಂಭಿಕ ಅನುಮೋದನೆ ನೀಡಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.</p>.<p>‘ಎಂಎಎಲ್ಇ–ಆರ್ಪಿಎ’ಗಳು ಶಸ್ತ್ರಾಸ್ತ್ರಗಳು ಹಾಗೂ ಇತರ ಪರಿಕರಗಳನ್ನು ದೂರದ ಪ್ರದೇಶಗಳಿಗೆ ಕೊಂಡೊಯ್ಯುವ ಹಾಗೂ ಬಹಳ ಹೊತ್ತಿನ ವರೆಗೆ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿವೆ. ದಿನದ 24 ಗಂಟೆಯೂ ಸಶಸ್ತ್ರ ಪಡೆಗಳ ಕಣ್ಗಾವಲು ಹಾಗೂ ಯುದ್ಧ ಸಾಮರ್ಥ್ಯವನ್ನು ಈ ಯುದ್ಧವಿಮಾನಗಳು ಹೆಚ್ಚಿಸಲಿವೆ’ ಎಂದು ತಿಳಿಸಿದೆ.</p>.<p>ಸರಕು ಸಾಗಣೆ ವಿಮಾನಗಳಾದ ಸಿ–17 ಹಾಗೂ ಸಿ–130ಜೆ, ವಾಯುಪ್ರದೇಶ ರಕ್ಷಣೆಯಲ್ಲಿ ಪ್ರಮುಖಪಾತ್ರ ವಹಿಸುವ ಎಸ್–400 ಕ್ಷಿಪಣಿ ವ್ಯವಸ್ಥೆಯ ನಿರ್ವಹಣೆ ಗುತ್ತಿಗೆ ಕುರಿತಂತೆಯೂ ಡಿಎಸಿ ಅನುಮೋದನೆ ನೀಡಿದೆ.</p>.<p class="Subhead">ನೌಕಾಪಡೆ: ನೌಕಾಪಡೆಗಾಗಿ ಬ್ರಹ್ಮೋಸ್ ಕ್ಷಿಪಣಿ ಉಡ್ಡಯನ ಹಾಗೂ ನಿಯಂತ್ರಣ ವ್ಯವಸ್ಥೆ, ಕ್ಯಾಂಪಾಕ್ಟ್ ಯುದ್ಧವಿಮಾನಗಳು, ಮೇಲ್ದರ್ಜೆಗೇರಿಸಲಾದ ಬರಾಕ್–1 ಕ್ಷಿಪಣಿ ವ್ಯವಸ್ಥೆ</p>.<p class="Subhead">ವಾಯುಪಡೆ: ಪರ್ವತ ಪ್ರದೇಶಗಳಲ್ಲಿ ಬಳಸಬಹುದಾದ ರೇಡಾರ್ಗಳು ಹಾಗೂ ಸಕ್ಷಮ್/ಸ್ಪೈಡರ್ ಆಯುದ್ಧ ವ್ಯವಸ್ಥೆ ಖರೀದಿ. ಇವುಗಳಿಂದ ವಾಯುಪ್ರದೇಶ ರಕ್ಷಣಾ ಸಾಮರ್ಥ್ಯ ಹೆಚ್ಚುವುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ದೀರ್ಘ ಅವಧಿಗೆ ಹಾರಾಟ ಸಾಮರ್ಥ್ಯವುಳ್ಳ ಡ್ರೋನ್ಗಳು, ಕ್ಷಿಪಣಿಗಳ ಖರೀದಿ ಸೇರಿ ಅಂದಾಜು ₹67 ಸಾವಿರ ಕೊಟಿ ವೆಚ್ಚದಲ್ಲಿ ವಿವಿಧ ರಕ್ಷಣಾ ವ್ಯವಸ್ಥೆಗಳ ಖರೀದಿಗೆ ರಕ್ಷಣಾ ಖರೀದಿ ಪರಿಷತ್ತು (ಡಿಎಸಿ) ಮಂಗಳವಾರ ಅನುಮೋದನೆ ನೀಡಿದೆ.</p>.<p>ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅಧ್ಯಕ್ಷತೆಯಲ್ಲಿ ನಡೆದ ಡಿಎಸಿ ಸಭೆಯಲ್ಲಿ ಈ ಖರೀದಿಗೆ ಅನುಮೋದನೆ ನೀಡಲಾಯಿತು ಎಂದು ರಕ್ಷಣಾ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಮೂರು ಸಶಸ್ತ್ರ ಪಡೆಗಳಿಗಾಗಿ ಕಡಿಮೆ ಎತ್ತರದಲ್ಲಿ ದೀರ್ಘಕಾಲ ಹಾರಾಡಬಲ್ಲ ಹಾಗೂ ದೂರದಿಂದ ನಿಯಂತ್ರಣ ವ್ಯವಸ್ಥೆಹೊಂದಿದ ಯುದ್ಧವಿಮಾನಗಳ (ಎಂಎಎಲ್ಇ– ಆರ್ಪಿಎ) ಖರೀದಿಗೂ ಆರಂಭಿಕ ಅನುಮೋದನೆ ನೀಡಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.</p>.<p>‘ಎಂಎಎಲ್ಇ–ಆರ್ಪಿಎ’ಗಳು ಶಸ್ತ್ರಾಸ್ತ್ರಗಳು ಹಾಗೂ ಇತರ ಪರಿಕರಗಳನ್ನು ದೂರದ ಪ್ರದೇಶಗಳಿಗೆ ಕೊಂಡೊಯ್ಯುವ ಹಾಗೂ ಬಹಳ ಹೊತ್ತಿನ ವರೆಗೆ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿವೆ. ದಿನದ 24 ಗಂಟೆಯೂ ಸಶಸ್ತ್ರ ಪಡೆಗಳ ಕಣ್ಗಾವಲು ಹಾಗೂ ಯುದ್ಧ ಸಾಮರ್ಥ್ಯವನ್ನು ಈ ಯುದ್ಧವಿಮಾನಗಳು ಹೆಚ್ಚಿಸಲಿವೆ’ ಎಂದು ತಿಳಿಸಿದೆ.</p>.<p>ಸರಕು ಸಾಗಣೆ ವಿಮಾನಗಳಾದ ಸಿ–17 ಹಾಗೂ ಸಿ–130ಜೆ, ವಾಯುಪ್ರದೇಶ ರಕ್ಷಣೆಯಲ್ಲಿ ಪ್ರಮುಖಪಾತ್ರ ವಹಿಸುವ ಎಸ್–400 ಕ್ಷಿಪಣಿ ವ್ಯವಸ್ಥೆಯ ನಿರ್ವಹಣೆ ಗುತ್ತಿಗೆ ಕುರಿತಂತೆಯೂ ಡಿಎಸಿ ಅನುಮೋದನೆ ನೀಡಿದೆ.</p>.<p class="Subhead">ನೌಕಾಪಡೆ: ನೌಕಾಪಡೆಗಾಗಿ ಬ್ರಹ್ಮೋಸ್ ಕ್ಷಿಪಣಿ ಉಡ್ಡಯನ ಹಾಗೂ ನಿಯಂತ್ರಣ ವ್ಯವಸ್ಥೆ, ಕ್ಯಾಂಪಾಕ್ಟ್ ಯುದ್ಧವಿಮಾನಗಳು, ಮೇಲ್ದರ್ಜೆಗೇರಿಸಲಾದ ಬರಾಕ್–1 ಕ್ಷಿಪಣಿ ವ್ಯವಸ್ಥೆ</p>.<p class="Subhead">ವಾಯುಪಡೆ: ಪರ್ವತ ಪ್ರದೇಶಗಳಲ್ಲಿ ಬಳಸಬಹುದಾದ ರೇಡಾರ್ಗಳು ಹಾಗೂ ಸಕ್ಷಮ್/ಸ್ಪೈಡರ್ ಆಯುದ್ಧ ವ್ಯವಸ್ಥೆ ಖರೀದಿ. ಇವುಗಳಿಂದ ವಾಯುಪ್ರದೇಶ ರಕ್ಷಣಾ ಸಾಮರ್ಥ್ಯ ಹೆಚ್ಚುವುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
