ಕಳೆದ ಒಂದು ವರ್ಷದಲ್ಲಿ 5,100 ದೇಶದ್ರೋಹ ಪ್ರಕರಣ ದಾಖಲು

ಗೃಹ ಸಚಿವಾಲಯದಡಿ ಕಾರ್ಯ ನಿರ್ವಹಿಸುವ ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೊ (ಎನ್‌ಸಿಆರ್‌ಬಿ) ಬಿಡುಗಡೆ ಮಾಡಿರುವ ‘ಭಾರತದಲ್ಲಿ ಅಪರಾಧ– 2021’ ವರದಿ ಪ್ರಕಾರ, 2019 (7,656 ಪ್ರಕರಣಗಳು) ಮತ್ತು 2020ರ (5,613 ಪ್ರಕರಣಗಳು) ಅವಧಿಗೆ ಹೋಲಿಸಿದರೆ ಕಳೆದ ವರ್ಷ ಪ್ರಕರಣಗಳ ಸಂಖ್ಯೆ ಕಡಿಮೆಯಾಗಿದೆ. ಕಳೆದ ಸಾಲಿನಲ್ಲಿ ವಿಚಾರಣೆಗೆ ಬಾಕಿ ಇರುವ ಪ್ರಕರಣಗಳ ಸಂಖ್ಯೆ 13,767ಕ್ಕೆ ಏರಿದೆ.

5,164 ಪ್ರಕರಣಗಳು ಹೊಸದಾಗಿ ದಾಖಲಾಗಿದ್ದರೆ, 8,600 ಪ್ರಕರಣಗಳು ವಿಚಾರಣೆಗೆ ಬಾಕಿ ಇವೆ.ಅತಿ ಹೆಚ್ಚು ಪ್ರಕರಣಗಳು ದಾಖಲಾದ ಪಟ್ಟಿಯಲ್ಲಿ ಉತ್ತರಪ್ರದೇಶ ಅಗ್ರಸ್ಥಾನದಲ್ಲಿದೆ. ಈ ರಾಜ್ಯದಲ್ಲಿ 1,862 ಪ್ರಕರಣಗಳು ದಾಖಲಾಗಿವೆ. 2020ರಲ್ಲಿ2,217 ಮತ್ತು 2019ರಲ್ಲಿ 2,107 ಪ್ರಕರಣಗಳು ದಾಖಲಾಗಿದ್ದವು. ನಂತರದ ಸ್ಥಾನದಲ್ಲಿತಮಿಳುನಾಡು (654), ಅಸ್ಸಾಂ (327), ಜಮ್ಮು ಮತ್ತು ಕಾಶ್ಮೀರ (313) ಮತ್ತು ಪಶ್ಚಿಮ ಬಂಗಾಳ (274) ರಾಜ್ಯಗಳಿವೆ. ದೆಹಲಿಯಲ್ಲಿ ಮಾತ್ರ ಇಂತಹ 18 ಪ್ರಕರಣಗಳು ದಾಖಲಾಗಿವೆ.