ED ಸಮನ್ಸ್‌ಗೆ ಭಯದಿಂದ ನಡುಗುತ್ತಿರುವ ಕೇಜ್ರಿವಾಲ್: ಬಿಜೆಪಿ ಆರೋಪ

‘ಒಂದೊಮ್ಮೆ ಕೇಜ್ರಿವಾಲ್ ಅವರಿಗೆ ನೀಡಿರುವ ನೋಟಿಸ್‌ ರಾಜಕೀಯ ಪ್ರೇರಿತ ಎಂದಾದರೆ, ಅವರು ನ್ಯಾಯಾಲಯದ ಮೊರೆ ಹೋಗಬಹುದು. ಆದರೆ ಸತ್ಯ ಅರಿತಿರುವ ಕೇಜ್ರಿವಾಲ್‌, ಅಂಥ ಧೈರ್ಯ ತೋರುತ್ತಿಲ್ಲ. ಕೈಗೆ ಬೇಡಿ ಬೀಳುವ ಸಮಯ ಹತ್ತಿರವಿದೆ ಎಂದು ಅರಿತಿರುವ ಕೇಜ್ರಿವಾಲ್ ಅವರ ಇಂಥ ನಾಟಕಗಳು ಅವರಿಗೆ ಯಾವುದೇ ನೆರವು ತಂದುಕೊಡವು’ ಎಂದಿದ್ದಾರೆ.

‘ದೆಹಲಿಯ ಮಾಜಿ ಉಪಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಹಾಗೂ ಎಎಪಿ ರಾಜ್ಯಸಭಾ ಸದಸ್ಯ ಸಂಜಯ್ ಸಿಂಗ್ ಅವರು ಇದೇ ಪ್ರಕರಣದಲ್ಲಿ ಈಗಾಗಲೇ ಬಂಧನದಲ್ಲಿದ್ದು, ಇವರು ಕೇಜ್ರಿವಾಲ್ ಅವರ ಕೈಗೊಂಬೆಗಳಾಗಿದ್ದಾರೆ. ಭಾರತದಲ್ಲಿ ಭ್ರಷ್ಟಾಚಾರವನ್ನು ನಿರ್ಮೂಲನೆ ಮಾಡುವುದಾಗಿ ಒಂದು ಕಾಲದಲ್ಲಿ ಕೇಜ್ರಿವಾಲ್ ಹೇಳುತ್ತಿದ್ದರು. ಆದರೆ ಈಗ ಅವರೇ ಭ್ರಷ್ಟಾಚಾರದ ಕ್ರಿಮಿಯಾಗಿದ್ದಾರೆ. ಕಾನೂನಿಗಿಂತ ತಾನು ಶ್ರೇಷ್ಠ ಎಂಬ ಭ್ರಮೆಯಲ್ಲಿದ್ದಾರೆ’ ಎಂದು ಕಿಡಿಯಾಡಿದ್ದಾರೆ.

ಲೋಕಸಭೆ ಚುನಾವಣಾ ಪ್ರಚಾರದಿಂದ ಕೇಜ್ರಿವಾಲ್ ಅವರನ್ನು ದೂರವಿಡಲು ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರ ಇ.ಡಿ. ಅಸ್ತ್ರ ಬಳಸುತ್ತಿದೆ ಎಂಬ ಎಎಪಿ ಆರೋಪ ಕುರಿತು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಭಾಟಿಯಾ, ‘ತನಿಖೆ ಕೈಗೊಂಡಿರುವ ಸಂಸ್ಥೆಯು ಭ್ರಷ್ಟಾಚಾರಿಗಳನ್ನು ಬಯಲಿಗೆಳೆಯುವ ಪ್ರಾಮಾಣಿಕ ಕೆಲಸ ಮಾಡುತ್ತಿದೆ. ಜನರ ಬೆವರಿನ ಹಣದ ಲೆಕ್ಕವನ್ನು ಸಂಸ್ಥೆ ಕೇಳುತ್ತಿದೆಯಷ್ಟೇ’ ಎಂದಿದ್ದಾರೆ.

‘ಒಂದೊಮ್ಮೆ ಅವರು ಯಾವುದೇ ಅಪ್ರಾಮಾಣಿಕತೆ ತೋರಿಲ್ಲ ಎಂದಾದರೆ, ಭಯಪಡುತ್ತಿರುವುದೇಕೆ. ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಎದುರು ಹಾಜರಾಗಿ ಉತ್ತರ ಹೇಳಬಹುದು. ಆದರೆ ಈ ಪ್ರಕರಣದಲ್ಲಿ ಕೇಜ್ರಿವಾಲ್ ನಡೆ ಕುರಿತು ವಿರೋಧ ಪಕ್ಷಗಳ ‘ಇಂಡಿಯಾ’ ಮೈತ್ರಿಕೂಟ ಮೌನ ವಹಿಸಿರುವುದೇಕೆ’ ಎಂದು ಪ್ರಶ್ನಿಸಿದ್ದಾರೆ.

‘ಪ್ರಧಾನಿ ನರೇಂದ್ರ ಮೋದಿ ಅವರ ಸರ್ಕಾರ ಭ್ರಷ್ಟಾಚಾರದ ವಿರುದ್ಧ ಸಮರ ಸಾರಿದೆ. ತನಿಖಾ ಸಂಸ್ಥೆಗಳು ಸ್ವತಂತ್ರವಾಗಿ ಕಾರ್ಯ ನಿರ್ವಹಿಸಲು ಮುಕ್ತ ವಾತಾವರಣ ಕಲ್ಪಿಸಲಾಗಿದೆ’ ಎಂದು ಭಾಟಿಯಾ ಹೇಳಿದ್ದಾರೆ.