ಐಎಸ್ ಪರ ಕೆಲಸ ಮಾಡುತ್ತಿದ್ದ ನಜೀಬ್ ಅಲಿ(23) ಎಂಬ ಎಂಜಿನಿಯರಿಂಗ್ ವಿದ್ಯಾರ್ಥಿ ಅಫ್ಗಾನಿಸ್ತಾನದಲ್ಲಿ ಹತ್ಯೆಗೀಡಾಗಿದ್ದಾನೆ ಎಂದು ಖೊರಾಸನ್ ಪ್ರಾಂತ್ಯದ ಪತ್ರಿಕೆಯೊಂದು ವರದಿ ಮಾಡಿದೆ. ಆದರೆ, ಮಲಪ್ಪುರಂ ಜಿಲ್ಲೆಯ ಈ ಯುವಕ 2017ರಲ್ಲೇ ಅಫ್ಗಾನಿಸ್ತಾನಕ್ಕೆ ಹೋಗಿ ಐಎಸ್ ಸೇರಿದ್ದ. ಅಲ್ಲದೆ ಈ ಮುಂಚಿತವಾಗಿಯೇ ಆತ ಸಾವನ್ನಪ್ಪಿದ್ದ. ಜತೆಗೆ ಕೇರಳ ಮೂಲದ ಮಹಿಳೆ ಮತ್ತು ಪುರುಷರು ಸೇರಿ 100ಕ್ಕೂ ಹೆಚ್ಚು ಯುವಕರು ಐಎಸ್ ಉಗ್ರ ಸಂಘಟನೆ ಸೇರಿದ್ದು, ಇದರಲ್ಲಿ ಹಲವರು ಹತ್ಯೆಗೀಡಾಗಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.