ಮಂಕಿಪಾಕ್ಸ್‌: ಕೇಂದ್ರದಿಂದ ಮಾರ್ಗಸೂಚಿ ಬಿಡುಗಡೆ– 21 ದಿನಗಳ ಪ್ರತ್ಯೇಕವಾಸ

21 ದಿನಗಳ ಪ್ರತ್ಯೇಕವಾಸ, ಕಡ್ಡಾಯವಾಗಿ ಮಾಸ್ಕ್ ಧರಿಸುವುದು, ಕೈ ಸ್ವಚ್ಛತೆ, ಗಾಯಗಳನ್ನು ಗಾಳಿಗೆ ಆಡದಂತೆ ಸಂಪೂರ್ಣವಾಗಿ ಮುಚ್ಚಿಕೊಳ್ಳುವುದು ಮತ್ತು ಗಾಯಗಳು ಸಂಪೂರ್ಣ ಗುಣವಾಗುವವರೆಗೂ ಕಾಯುವುದು. ಇವು ಕೇಂದ್ರದ ಮಾರ್ಗಸೂಚಿಗಳಾಗಿವೆ.

ದೆಹಲಿಯಲ್ಲಿ ಮಂಕಿಪಾಕ್ಸ್‌ನ ಒಂದು ಪ್ರಕರಣ ಪತ್ತೆಯಾಗಿದೆ. ಇದೂ ಸೇರಿ ದೇಶದಲ್ಲಿ ಒಟ್ಟು ನಾಲ್ಕ ಪ್ರಕರಣಗಳು ದಾಖಲಾಗಿದೆ. ಮಂಕಿಪಾಕ್ಸ್‌ ಪತ್ತೆಯಾದ ದೆಹಲಿಯ ವ್ಯಕ್ತಿಯ ಸಂಪರ್ಕಕ್ಕೆ ಬಂದಿದ್ದ 14 ಮಂದಿಯನ್ನು ಗುರುತಿಸಲಾಗಿದೆ. ಯಾರೂ ರೋಗದ ಲಕ್ಷಣಗಳನ್ನು ತೋರ್ಪಡಿಸಿಲ್ಲ. ಇವರಲ್ಲಿ ಒಬ್ಬರು ಮಾತ್ರ ಮೈಕೈ ನೋವು ಎಂದಿದ್ದರು. ಆದರೆ, ಅವರಲ್ಲಿ ಯಾವುದೇ ರೋಗ ಲಕ್ಷಣಗಳಿಲ್ಲ.