<p class="title"><strong>ಭೋಪಾಲ್: </strong>ಭಾರತಕ್ಕೆ ಕರೆತರಬೇಕಾಗಿದ್ದ 12 ಚೀತಾಗಳು ನಾಲ್ಕು ತಿಂಗಳಿನಿಂದ ದಕ್ಷಿಣ ಆಫ್ರಿಕಾದಲ್ಲಿಯೇ ‘ಕ್ವಾರಂಟೈನ್’ನಲ್ಲಿವೆ. ಇದರಿಂದ ಅವುಗಳ ದೇಹಸಾಮರ್ಥ್ಯದಲ್ಲಿಯೂ ವ್ಯತ್ಯಾಸವಾಗಿದೆ.</p>.<p class="title">ದಕ್ಷಿಣಆಫ್ರಿಕಾದಿಂದ ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನಕ್ಕೆ ಇವುಗಳನ್ನು ಸ್ಥಳಾಂತರಿಸಲು ಒಪ್ಪಂದ ಏರ್ಪಡುವುದು ವಿಳಂಬವಾಗಿರುವುದು ಈ ಚೀತಾಗಳು ಕ್ವಾರಂಟೈನ್ನಲ್ಲಿರಲು ಕಾರಣವಾಗಿದೆ.</p>.<p class="title">ಜುಲೈ 15ರಿಂದ ಇವು ಬಂಧನದಲ್ಲಿದ್ದು, ಮಾಂಸಕ್ಕಾಗಿ ಸ್ವತಃ ಬೇಟೆಯಾಡದ ಕಾರಣ ದೇಹಸಾಮರ್ಥ್ಯ ಕುಗ್ಗಿದೆ. ಒಂದೇ ಕಡೆ ಜಡವಾಗಿದ್ದಲ್ಲಿ ಮನುಷ್ಯರಂತೆ ಇವೂ ತೂಕ ಪಡೆದುಕೊಳ್ಳುತ್ತವೆ ಎನ್ನುತ್ತಾರೆ ಪರಿಣತರು.</p>.<p class="title">ಸುದೀರ್ಘ ಕಾಲ ಬಂಧನದಲ್ಲಿರುವುದು ಚೀತಾಗಳ ದೇಹಸಾಮರ್ಥ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತಿದೆ. ನಮೀಬಿಯಾದಿಂದ ಈಗಾಗಲೇ ಅಂದರೆ ಕಳೆದ ಸೆಪ್ಟೆಂಬರ್ ತಿಂಗಳಲ್ಲಿ ಭಾರತಕ್ಕೆ ಕರೆತರಲಾಗಿರುವ 8 ಚೀತಾಗಳ ಜೊತೆಗೆ ದಕ್ಷಿಣ ಆಫ್ರಿಕಾದ ಈ 12 ಚೀತಾಗಳು ಸೇರಿಕೊಳ್ಳಬೇಕಾಗಿದೆ.</p>.<p class="title">ಭಾರತಕ್ಕೆ ಸ್ಥಳಾಂತರಿಸಲು ಉದ್ದೇಶಿಸಿರುವ 12 ಚೀತಾಗಳಲ್ಲಿ ಐದು ಹೆಣ್ಣು ಚೀತಾಗಳಿವೆ. ಮೂರನ್ನು ದಕ್ಷಿಣ ಆಫ್ರಿಕಾದ ಕ್ವಾಜುಲು ನಟಲ್ ಪ್ರಾಂತ್ಯ, ಉಳಿದ ಒಂಭತ್ತನ್ನು ಲಿಂಪೊಪೊ ಪ್ರಾಂತ್ಯದಲ್ಲಿ ಸೆರೆಯಲ್ಲಿಡಲಾಗಿದೆ.</p>.<p class="title">’ಚೀತಾಗಳ ಸ್ಥಳಾಂತರ ಯೋಜನೆ ಕುರಿತಂತೆ ಎಲ್ಲವೂ ಸಕಾರಾತ್ಮಕವಾಗಿವೆ. ಕುನೊ ಉದ್ಯಾನದಲ್ಲಿ ಆಗಿರುವ ಸಿದ್ಧತೆಗಳನ್ನು ಕುರಿತು ಭೇಟಿ ನೀಡಿದ್ದ ದಕ್ಷಿಣ ಆಫ್ರಿಕಾದ ನಿಯೋಗ ತೃಪ್ತಿ ವ್ಯಕ್ತಪಡಿಸಿದೆ. ಭಾರತ–ದಕ್ಷಿಣ ಆಫ್ರಿಕಾ ನಡುವೆ ಮಾಸಾಂತ್ಯದೊಳಗೆ ಒಡಂಬಡಿಕೆ ಏರ್ಪಡುವ ಸಂಭವವಿದೆ’ ಎನ್ನುತ್ತಾರೆ ಪರಿಣತರು.</p>.<p>ಚೀತಾಗಳನ್ನು ಬರಮಾಡಿಕೊಳ್ಳಲು ನಾವು ಸಿದ್ಧವಿದ್ದು, ಶೀಘ್ರ ಒಡಂಬಡಿಕೆ ಏರ್ಪಡುವ ನಿರೀಕ್ಷೆಯಿದೆ ಎಂದು ಮಧ್ಯಪ್ರದೇಶದ ಪ್ರಧಾನ ಅರಣ್ಯ ಸಂರಕ್ಷಣಾಧಿಕಾರಿ (ವನ್ಯಜೀವಿ) ಜೆ.ಎಸ್.ಚೌಹಾಣ್ ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ಭೋಪಾಲ್: </strong>ಭಾರತಕ್ಕೆ ಕರೆತರಬೇಕಾಗಿದ್ದ 12 ಚೀತಾಗಳು ನಾಲ್ಕು ತಿಂಗಳಿನಿಂದ ದಕ್ಷಿಣ ಆಫ್ರಿಕಾದಲ್ಲಿಯೇ ‘ಕ್ವಾರಂಟೈನ್’ನಲ್ಲಿವೆ. ಇದರಿಂದ ಅವುಗಳ ದೇಹಸಾಮರ್ಥ್ಯದಲ್ಲಿಯೂ ವ್ಯತ್ಯಾಸವಾಗಿದೆ.</p>.<p class="title">ದಕ್ಷಿಣಆಫ್ರಿಕಾದಿಂದ ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನಕ್ಕೆ ಇವುಗಳನ್ನು ಸ್ಥಳಾಂತರಿಸಲು ಒಪ್ಪಂದ ಏರ್ಪಡುವುದು ವಿಳಂಬವಾಗಿರುವುದು ಈ ಚೀತಾಗಳು ಕ್ವಾರಂಟೈನ್ನಲ್ಲಿರಲು ಕಾರಣವಾಗಿದೆ.</p>.<p class="title">ಜುಲೈ 15ರಿಂದ ಇವು ಬಂಧನದಲ್ಲಿದ್ದು, ಮಾಂಸಕ್ಕಾಗಿ ಸ್ವತಃ ಬೇಟೆಯಾಡದ ಕಾರಣ ದೇಹಸಾಮರ್ಥ್ಯ ಕುಗ್ಗಿದೆ. ಒಂದೇ ಕಡೆ ಜಡವಾಗಿದ್ದಲ್ಲಿ ಮನುಷ್ಯರಂತೆ ಇವೂ ತೂಕ ಪಡೆದುಕೊಳ್ಳುತ್ತವೆ ಎನ್ನುತ್ತಾರೆ ಪರಿಣತರು.</p>.<p class="title">ಸುದೀರ್ಘ ಕಾಲ ಬಂಧನದಲ್ಲಿರುವುದು ಚೀತಾಗಳ ದೇಹಸಾಮರ್ಥ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತಿದೆ. ನಮೀಬಿಯಾದಿಂದ ಈಗಾಗಲೇ ಅಂದರೆ ಕಳೆದ ಸೆಪ್ಟೆಂಬರ್ ತಿಂಗಳಲ್ಲಿ ಭಾರತಕ್ಕೆ ಕರೆತರಲಾಗಿರುವ 8 ಚೀತಾಗಳ ಜೊತೆಗೆ ದಕ್ಷಿಣ ಆಫ್ರಿಕಾದ ಈ 12 ಚೀತಾಗಳು ಸೇರಿಕೊಳ್ಳಬೇಕಾಗಿದೆ.</p>.<p class="title">ಭಾರತಕ್ಕೆ ಸ್ಥಳಾಂತರಿಸಲು ಉದ್ದೇಶಿಸಿರುವ 12 ಚೀತಾಗಳಲ್ಲಿ ಐದು ಹೆಣ್ಣು ಚೀತಾಗಳಿವೆ. ಮೂರನ್ನು ದಕ್ಷಿಣ ಆಫ್ರಿಕಾದ ಕ್ವಾಜುಲು ನಟಲ್ ಪ್ರಾಂತ್ಯ, ಉಳಿದ ಒಂಭತ್ತನ್ನು ಲಿಂಪೊಪೊ ಪ್ರಾಂತ್ಯದಲ್ಲಿ ಸೆರೆಯಲ್ಲಿಡಲಾಗಿದೆ.</p>.<p class="title">’ಚೀತಾಗಳ ಸ್ಥಳಾಂತರ ಯೋಜನೆ ಕುರಿತಂತೆ ಎಲ್ಲವೂ ಸಕಾರಾತ್ಮಕವಾಗಿವೆ. ಕುನೊ ಉದ್ಯಾನದಲ್ಲಿ ಆಗಿರುವ ಸಿದ್ಧತೆಗಳನ್ನು ಕುರಿತು ಭೇಟಿ ನೀಡಿದ್ದ ದಕ್ಷಿಣ ಆಫ್ರಿಕಾದ ನಿಯೋಗ ತೃಪ್ತಿ ವ್ಯಕ್ತಪಡಿಸಿದೆ. ಭಾರತ–ದಕ್ಷಿಣ ಆಫ್ರಿಕಾ ನಡುವೆ ಮಾಸಾಂತ್ಯದೊಳಗೆ ಒಡಂಬಡಿಕೆ ಏರ್ಪಡುವ ಸಂಭವವಿದೆ’ ಎನ್ನುತ್ತಾರೆ ಪರಿಣತರು.</p>.<p>ಚೀತಾಗಳನ್ನು ಬರಮಾಡಿಕೊಳ್ಳಲು ನಾವು ಸಿದ್ಧವಿದ್ದು, ಶೀಘ್ರ ಒಡಂಬಡಿಕೆ ಏರ್ಪಡುವ ನಿರೀಕ್ಷೆಯಿದೆ ಎಂದು ಮಧ್ಯಪ್ರದೇಶದ ಪ್ರಧಾನ ಅರಣ್ಯ ಸಂರಕ್ಷಣಾಧಿಕಾರಿ (ವನ್ಯಜೀವಿ) ಜೆ.ಎಸ್.ಚೌಹಾಣ್ ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
